Bɔfoi 4:13 - ŊMALƐ KRƆŊKRƆŊ LƐ

¹³ Agbɛnɛ be ni amɛna Petro kɛ Yohane ekãa lɛ, ni amɛyoo akɛ jeee woloŋlelɔi kɛ nilelɔi komɛi ji amɛ lɛ, efee amɛhiɛ yaa, ni amɛkɔ sɛɛ akɛ amɛkɛ Yesu ehi shi.

Ṅmãle̱ Kroṅkroṅ Le̱

¹³ Agbe̱ne̱ beni ame̱na Petro ke̱ Iohane ekã le̱ ni ame̱yo ake̱ dšee woloṅlelo̱i ke̱ nilelo̱i komei dšiame̱ le̱, efe ame̱hĩe yā, ni ame̱ko̱ se̱ ake̱ ame̱ke̱ Iesu hĩ ši.

Bɔfoi 4:13 ပူးပေါင်းရင်းမြစ်များ

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Mateo 26:71

Shi be ni Petro te shi etee koi lɛ shi lɛ, mɔ kroko hu na lɛ, ni ekɛɛ mɛi ni yɔɔ jɛi lɛ akɛ, “Mɔ nɛ hu kɛ Yesu, Nazarenyo lɛ, yɔɔ.”

Mateo 26:73

Ni fee sɛɛ fioo lɛ, mɛi ni damɔ jɛi lɛ bakɛɛ Petro akɛ, “Anɔkwale ji akɛ, amɛteŋ mɔ kome ji bo; ejaakɛ owiemɔ tete jieɔ bo shi!”

Luka 22:8

ni etsu Petro kɛ Yohane ni ekɛɛ, “Nyɛyaa ni nyɛyasaa Hehoo niyenii lɛ nyɛtoa wɔ, koni wɔbaye.”

Yohane 19:26

No hewɔ lɛ, be ni Yesu na enyɛ kɛ kaselɔ ni esumɔɔ lɛ damɔ shi lɛ, ekɛɛ enyɛ akɛ, “Awo, obi nɛ!”

Yohane 7:15

Ni Yudafoi lɛ anaa kpɛ amɛhe ni amɛkɛɛ, “Te mɔ nɛ ni ekaseko nii lɛ fee tɛŋŋ ni ele woji amli nii nɛkɛ?”

Yohane 7:49

Shi asafo ni leee Mla nɛɛ, alomɔ amɛ.”

Bɔfoi 4:14

Ni asaŋ akɛni amɛna gbɔmɔ ni atsa lɛ lɛ kɛ amɛ damɔ shi hewɔ lɛ, amɛnaaa nɔ ko amɛkɛɛ.

Bɔfoi 4:19

Shi Petro kɛ Yohane here nɔ ni amɛkɛɛ amɛ akɛ, “Kɛ eja gbɛ yɛ Nyɔŋmɔ hiɛ akɛ abo nyɛ moŋ toi fe Nyɔŋmɔ lɛ, nyɛkojoa.

Bɔfoi 4:29

Ni agbɛnɛ hu, Nuŋtsɔ, kwɛmɔ amɛmɔhegbeyei ni amɛwoɔ lɛ, ni ohã otsuji lɛ kɛ ekãa pii ajaje owiemɔ lɛ,

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Bɔfoi 9:27

Shi Barnaba ŋɔ lɛ kɛtee bɔfoi lɛ aŋɔɔ, ni eyagba amɛ bɔ ni ena Nuŋtsɔ lɛ yɛ gbɛ lɛ nɔ ni ekɛ lɛ wie, kɛ bɔ ni efee ekãa yɛ Yesu gbɛi lɛ mli yɛ Damasko.

Bɔfoi 9:28

Ni ekɛ amɛ yaa baa yɛ Yerusalɛm, ni eshiɛ kɛ ekãa yɛ Nuŋtsɔ lɛ gbɛi lɛ mli.

1 Korintobii 1:27

shi moŋ je nɛɛ mli kwashiaianii lɛ Nyɔŋmɔ hala, koni ekɛwo nilelɔi lɛ ahiɛgble; ni je nɛɛ mli gbɔjɔmɔnii lɛ hu Nyɔŋmɔ hala, koni ekɛwo nii ni he wa lɛ ahiɛgble;

1 Korintobii 14:25

aaajie etsuiŋ teemɔnii akpo faŋŋ, ni no aaahã ekɛ ehiɛ abu shi eja Nyɔŋmɔ, ni eeejaje akɛ, “Nyɔŋmɔ yɛ nyɛteŋ lɛɛlɛŋ.”

2 Korintobii 3:12

Agbɛnɛ akɛni wɔyɔɔ nɛkɛ hiɛnɔkãmɔ nɛɛ hewɔ lɛ, wɔfeɔ ekãa babaoo,