Bɔfoi 4:11 - ŊMALƐ KRƆŊKRƆŊ LƐ

¹¹ Lɛ nɔŋŋ ji mɔ ni ŋmalɛi lɛ wie yɛ ehe akɛ, ‘Tɛ lɛ ni nyɛ ni nyɛ ji tsutswalɔi lɛ gbe ehe guɔ lɛ, no ebatsɔ̃ koŋtɛ nɛɛ.’

Ṅmãle̱ Kroṅkroṅ Le̱

¹¹ Le̱ noṅṅ dši te̱ le̱ ní nye ní nyedši tšũtſalo̱i le̱ gbe ehe guo̱, ni ebatšṍ koṅte̱ ne̱. Mat. 21,42. Lal. 118,22.

Bɔfoi 4:11 ပူးပေါင်းရင်းမြစ်များ

Abe̱i 28:1

Mɛi fɔ̃ji joɔ foi be mli ni mɔ ko enyiɛɛɛ amɛsɛɛ, shi jalɔi lɛ amɛfeɔ ekãa tamɔ jata.

Yesaia 28:16

No hewɔ lɛ, nɔ ni Nuŋtsɔ Nyɔŋmɔ kɛɔ nɛ, “Naa, mikɛ tɛ ko miima shi akɛ Zion shishitoo tɛ; eji tɛ ni aka akwɛ, koŋtɛ ni jara wa ni ma shi shiŋŋ; ni aŋma yɛ nɔ akɛ, ‘Mɔ ni heɔ yeɔ lɛ ehe kpokpoŋ.’ ”

Zakaria 3:9

Asaŋ mikɛ tɛ koome ni yɛ hiɛi kpawo ema Yoshua hiɛ, ni makpɛ niŋmaa yɛ nakai tɛ lɛ nɔ, Yehowa Taiatsɛ lɛ kɛɛ. Ni mikɛ gbi kome baagbe shikpɔŋ lɛ tɔ̃mɔ fɛɛ.

Marko 9:12

Eto he ekɛɛ amɛ akɛ, “Elia baaba dã lɛɛlɛŋ ni ebato nibii fɛɛ gbɛjianɔ ekoŋŋ. Shi mɛɛba mɔ ni aŋma yɛ Gbɔmɔ Bi lɛ he akɛ eeena amanehulu pii, ni aaaŋɔ lɛ akɛ mɔ ko ni abuuu lɛ lɛ?

Bɔfoi 7:52

Gbalɔi lɛ ateŋ namɔ ni nyɛtsɛmɛi lɛ waaa lɛ yi? Amɛgbe mɛi ni gba yɛ jalɔ lɛ baa lɛ he amɛto lɛ. Ni agbɛnɛ nyɛ nyɛtsɔ̃ɔ esɛɛgbɛ ni nyɛgbe lɛ,

2 Korintobii 3:12

Agbɛnɛ akɛni wɔyɔɔ nɛkɛ hiɛnɔkãmɔ nɛɛ hewɔ lɛ, wɔfeɔ ekãa babaoo,

2 Korintobii 4:1

No hewɔ lɛ, akɛni akɛ sɔ̃ɔmɔ nɛɛ ehã wɔ yɛ Nyɔŋmɔ mɔbɔnalɛ naa lɛ, wɔnijiaŋ ejeee wui,