Bɔfoi 3:6 - ŊMALƐ KRƆŊKRƆŊ LƐ

⁶ Shi Petro kɛɛ, “Jwiɛtɛi kɛ shika lɛ mibɛ eko; shi nɔ ni miyɔɔ lɛ, no mikɛhãa bo nɛɛ, Yɛ Yesu Kristo, Nazarenyo lɛ, gbɛi mli lɛ, tee shi ni onyiɛ.”

Ṅmãle̱ Kroṅkroṅ Le̱

⁶ Ši Petro kē̱: Dſie̱te̱i ke̱ šika le̱ mĩbe̱ eko; ši noni miyo̱ le̱, no miṅō-hãao ne̱: Iesu Kristo, Nazarenyo le̱, gbe̱i amli le̱, te ši ní onyie! K. 16.

Bɔfoi 3:6 ပူးပေါင်းရင်းမြစ်များ

Mateo 10:9

Nyɛkataoa shika loo jwiɛtɛi loo akɔɔble nyɛwoa nyɛhɛfiinii amli;

Mateo 7:22

Mɛi pii aaakɛɛ mi nakai gbi lɛ akɛ, ‘Nuŋtsɔ, Nuŋtsɔ! Ani jeee bo ogbɛi lɛ mli wɔfee hewalɛnii pii yɛ lo?’

Marko 14:8

Efee nɔ ni ebaanyɛ; etsɔ̃ hiɛ ebafɔ migbɔmɔtso lɛ mu eto mifuu.

Marko 16:17

Shi okadi ni aaanyiɛ mɛi ni heɔ yeɔ lɛ asɛɛ nɛ, migbɛi mli lɛ amɛaafãmɔ mumɔi fɔ̃ji; amɛaawie wiemɔi hei;

Yohane 19:19

Ni Pilato ŋma nɔ ko ekpɛtɛ sɛŋmɔtso lɛ yiteŋ; nɔ ni eŋma nɛ, “YESU NAZARENYO, YUDAFOI LƐ AMAŊTSƐ LƐ”.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Bɔfoi 16:18

Ni efee nakai gbii pii. Shi efee Paulo ahuntoo kɛho he, ni etsɔ̃ ehe ni ekɛɛ mumɔ lɛ akɛ, “Miifã bo yɛ Yesu Kristo gbɛi mli akɛ oje emli.” Ni eje emli yɛ nakai ŋmɛlɛtswaa lɛ nɔ nɔŋŋ.

Bɔfoi 2:22

“Ataamɛi Israelbii, nyɛboa nɛkɛ wiemɔi nɛɛ atoi! Yesu Nazarenyo lɛ ji nuu ni Nyɔŋmɔ kɛ hewalɛ nitsumɔi kɛ naakpɛɛnii kɛ okadii ni etsɔ̃ enine nɔ efee yɛ nyɛteŋ lɛ ye ehe odase etsɔ̃ɔ nyɛ, tamɔ bɔ ni nyɛ diɛŋtsɛ nyɛle lɛ.

Bɔfoi 2:36

“No hewɔ lɛ, Israel we lɛ fɛɛ ale krɛdɛɛ akɛ Nyɔŋmɔ eŋɔ nɛkɛ Yesu ni nyɛsɛŋ lɛ nɛɛ efee Nuŋtsɔ kɛ Kristo fɛɛ.”

Bɔfoi 3:16

Ni egbɛi lɛ nɔ hemɔkɛyeli naa, ni egbɛi lɛ tsa nuu nɛɛ ni nyɛnaa ni nyɛle lɛ; ni enɔ hemɔkɛyeli lɛ ehã efee kpiŋtiŋkpliŋŋ yɛ nyɛ fɛɛ nyɛhiɛ nɛɛ.

Bɔfoi 3:5

Ni edɔ ehiŋmɛii eto amɛnɔ, ehiɛ kã nɔ akɛ ebaana nɔ ko yɛ amɛdɛ̃.

Bɔfoi 3:7

Ni emɔ̃ eninejurɔ mli ni ewo enɔ edamɔ shi; ni amrɔ lɛ nɔŋŋ lɛ enaji kɛ enanetalɔi lɛ amli wa lɛ;

Bɔfoi 4:10

no lɛ nyɛ fɛɛ kɛ Israel maŋ muu lɛ fɛɛ ana ale akɛ, Yesu Kristo, Nazarenyo lɛ, ni nyɛsɛŋ ni Nyɔŋmɔ tee lɛ shi kɛjɛ gbohii ateŋ lɛ, lɛ egbɛi mli nuu nɛɛ damɔ nyɛhiɛ ni ehe ewa lɛ nɛɛ.

Bɔfoi 4:7

ni amɛyaŋɔ Petro kɛ Yohane amɛbadamɔ amɛhiɛ, ni amɛbi amɛ akɛ, “Mɛɛ hewalɛ nyɛkɛfee enɛ, aloo mɛɛ gbɛi mli nyɛfee yɛ?”

Bɔfoi 9:34

Ni Petro kɛɛ lɛ akɛ, “Ainea, Yesu Kristo miitsa bo; tee shi ni bo diɛŋtsɛ oŋmɛ osaa lɛ!” Ni amrɔ lɛ ete shi.

1 Korintobii 4:11

Kɛbashi be nɛ fɛɛ lɛ, hɔmɔ kɛ kumai yeɔ wɔ, ni wɔnyiɛɔ yayai, ni agbalagbalaa wɔ mãi, ni wɔbɛ hilɛhe krɛdɛɛ ko.

2 Korintobii 6:10

Wɔ tamɔ ŋkɔmɔyelɔi, shi wɔmii shɛɔ daa. Wɔ tamɔ ohiafoi, shi wɔfeɔ mɛi pii niiatsɛmɛi, ni wɔ tamɔ mɛi ni bɛ nɔ ko, ni kɛ̃lɛ wɔyɛ nii fiaa.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

1 Petro 4:10

Nyɛduromɔ keenii lɛ, bɔ ni nyɛteŋ mɔ fɛɛ mɔ ena lɛ, nyɛkɛsɔ̃mɔsɔ̃mɔa nyɛhe tamɔ Nyɔŋmɔ dromɔ ni jeɔ kpo yɛ gbɛi srɔtoi anɔ lɛ nɔkwɛlɔi kpakpai.