Bɔfoi 3:26 - ŊMALƐ KRƆŊKRƆŊ LƐ

²⁶ Ni Nyɔŋmɔ tee etsulɔ Yesu lɛ shi lɛ, nyɛ tsutsu nyɛŋɔɔ etsu lɛ ni ebajɔɔ nyɛ ni ekpale nyɛteŋ mɔ fɛɛ mɔ kɛjɛ enifɔɔji anii lɛ ahe.”

Ṅmãle̱ Kroṅkroṅ Le̱

²⁶ Ni Nyoṅmo̱ tē etšũlo̱ Iesu le̱ ši le̱, *nye tšutšu nyeṅõ etšũle̱ ní ebadšō̱nye ni ekpale nyeteṅ mofẽmo ke̱-dše̱ enĩfõdšianii le̱ amli. *13,46.

Bɔfoi 3:26 ပူးပေါင်းရင်းမြစ်များ

Lalai 72:17

Maŋtsɛ lɛ gbɛi ahe shi kɛya naanɔ; gbii abɔ ni hulu yɔɔ nɛɛ, enunyam akagbo. Gbɔmɛi aaanya yɛ ehewɔ; ni majimaji fɛɛ aaajɔɔ lɛ.

Yeremia 31:18

“Minu ni Israel ye ŋkɔmɔ akɛ, ‘Ogbala mitoi, ni okɛtsɔse mi tamɔ tsinabi ni atsɔseko lɛ. Kpalemɔ mi kɛba oŋɔɔ ekoŋŋ, ni mibakpale, ejaakɛ bo ji Yehowa, miNyɔŋmɔ lɛ.

Mateo 1:21

ebaafɔ binuu, ni ooowo lɛ gbɛi akɛ Yesu, ejaakɛ lɛ ebaahere emaŋ lɛ yiwala kɛjɛ amɛhe eshai lɛ amli.”

Mateo 15:24

Shi ehere nɔ ekɛɛ, “Israel we toi ni elaaje lɛ aŋɔɔ kɛkɛ atsu mi.”

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Yohane 4:22

Nyɛ lɛ, nyɛleee mɔ ni nyɛjaa; wɔ lɛ, wɔle mɔ ni wɔjaa, ejaakɛ walaheremɔ lɛ, Yudafoi lɛ aŋɔɔ ejɛ.

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 13:26

“Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

Bɔfoi 2:24

Shi Nyɔŋmɔ tee lɛ shi ni efɛne lɛ kɛjɛ gbele piŋmɔi lɛ amli, akɛni gbele nyɛŋ enaa etsi lɛ.

Bɔfoi 2:32

Nɛkɛ Yesu nɛɛ Nyɔŋmɔ tee lɛ shi; no he odasefoi ji wɔ fɛɛ.

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Bɔfoi 3:13

Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.

Bɔfoi 3:15

ni Wala Lumɔ lɛ, nyɛgbe lɛ; shi Nyɔŋmɔ tee lɛ shi kɛjɛ gbohii ateŋ, ni no he odasefoi ji wɔ.

Bɔfoi 3:20

bɔ ni afee ni mumɔŋ hewalɛwoo ko ajɛ Nuŋtsɔ lɛ hiɛ aba, ni eeetsu Yesu Kristo mɔ ni ejie eto ehã nyɛ momo lɛ;

Bɔfoi 3:22

Ejaakɛ Mose kɛɛ akɛ, ‘Nuŋtsɔ, nyɛNyɔŋmɔ lɛ, aaatee gbalɔ ko ni tamɔ mi shi kɛaajɛ nyɛnyɛmimɛi lɛ ateŋ ahã nyɛ; nyɛboa lɛ toi yɛ nibii fɛɛ ni eeewie etsɔ̃ɔ nyɛ lɛ mli.

Bɔfoi 3:25

Nyɛ ji gbalɔi lɛ kɛ kpãŋmɔ lɛ bii, kpãŋmɔ ni Nyɔŋmɔ kɛ wɔtsɛmɛi lɛ kpãŋ, be ni ekɛɛ Abraham akɛ, ‘Ni oshwei mli aaajɔɔ shikpɔŋ lɛ nɔ wekui fɛɛ yɛ’ lɛ.

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Romabii 15:29

Ni mile akɛ, kɛ miba nyɛŋɔɔ lɛ, Kristo Sanekpakpa lɛ mli jɔɔmɔ falɛ mli maba yɛ.

Romabii 15:8

Shi miikɛɛ akɛ Yesu Kristo tsɔ̃ sɔ̃ɔlɔ ehã Yudafoi lɛ yɛ Nyɔŋmɔ anɔkwale lɛ hewɔ, koni ekɛmã shiwoi ni awo tsɛmɛi lɛ anɔ mi;

Efesobii 1:3

Ajɔɔ Nyɔŋmɔ, wɔ Nuŋtsɔ Yesu Kristo Tsɛ lɛ, mɔ ni kɛ mumɔŋ jɔɔmɔ ejɔɔ wɔ yɛ ŋwɛiniiaŋ yɛ Kristo mli lɛ.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Petro 3:9

Nyɛkɛ efɔŋ akatoa efɔŋ najiaŋ aloo jɛmɔ yɛ jɛmɔ najiaŋ, shi moŋ nyɛjɔa, ejaakɛ nyɛle akɛ enɛ hewɔ atsɛ nyɛ, koni nyɛnine ashɛ jɔɔmɔ lɛ nɔ.

Yuda 1:24

Shi lɛ mɔ ni yɔɔ hewalɛ ni ekɛaabu nyɛhe ni nyɛkatɛrɛ ni eŋɔ nyɛ eyadamɔ enunyam lɛ hiɛ ni kpa ko bɛ nyɛhe yɛ mliflimɔ mli lɛ,