Bɔfoi 3:25 - ŊMALƐ KRƆŊKRƆŊ LƐ

²⁵ Nyɛ ji gbalɔi lɛ kɛ kpãŋmɔ lɛ bii, kpãŋmɔ ni Nyɔŋmɔ kɛ wɔtsɛmɛi lɛ kpãŋ, be ni ekɛɛ Abraham akɛ, ‘Ni oshwei mli aaajɔɔ shikpɔŋ lɛ nɔ wekui fɛɛ yɛ’ lɛ.

Ṅmãle̱ Kroṅkroṅ Le̱

²⁵ Nyedši gbaloi le̱ ke̱ kpãṅmo̱ le̱ bii, kpãṅmo̱ ni Nyoṅmo̱ ke̱ wo̱tše̱mei le̱ kpãṅ, beni ekē̱ Abraham ake̱: *“Ni oseši mli aadšō̱ šikpoṅ le̱ no̱ wekui fẽ ye̱” le̱. *1 Mose 22,18.

Bɔfoi 3:25 ပူးပေါင်းရင်းမြစ်များ

1 Mose 12:3

Majɔɔ mɛi ni jɔɔ bo, ni mɔ ni lomɔɔ bo lɛ, malomɔ lɛ; kɛtsɔ̃ onɔ lɛ aaajɔɔ shikpɔŋ lɛ nɔ wekui fɛɛ.”

1 Mose 17:19

Nyɔŋmɔ kɛɛ akɛ, “Okɛ oŋa Sara lɛ baafɔ binuu, ni obaawo lɛ gbɛi akɛ Isak. Mahã mi kɛ lɛ kpãŋmɔ lɛ ama shi ni etsɔ̃ naanɔ kpãŋmɔ ehã eshwiei ni aaaba yɛ esɛɛ lɛ.

1 Mose 18:18

Abraham baatsɔ̃ maŋ kpeteŋkple ni he wa, ni abaajɔɔ shikpɔŋ lɛ nɔ maji fɛɛ kɛtsɔ̃ enɔ,

1 Mose 20:7

No hewɔ lɛ, agbɛnɛ kɛ nuu lɛ ŋa lɛ aku sɛɛ oyahã lɛ ejaakɛ gbalɔ ji lɛ, ni eeesɔle ekpa fai ehã bo, ni oyi aaana wala. Shi kɛji okɛ lɛ hãaa lɛ lɛ, no lɛ na ole akɛ gbo ooogbo, bo kɛ mɛi fɛɛ ni ji onɔ lɛ.”

1 Mose 22:18

Ni oshwiei lɛ amli aaajɛ ajɔɔ shikpɔŋ lɛ nɔ maji fɛɛ, ejaakɛ obo mi toi.’ ”

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 28:14

Oshwiei aaafa tamɔ shikpɔŋ mlu, ni ooogbɛ oshwã anai kɛ bokã kɛ kooyi kɛ wuoyi. Bo kɛ oshwiei amli aaajɛ ajɔɔ shikpɔŋ lɛ nɔ akutsei fɛɛ.

1 Kronika 16:16

ni ji kpãŋmɔ ni ekɛ Abraham kpãŋ lɛ; kɛ kitã lɛ hu ni ekã Isak lɛ,

1 Kronika 16:17

ni ema nɔ aduatsɔ ehã Yakob akɛ akpɔ, kɛ Israel hu akɛ naanɔ kpãŋmɔ,

Nehemia 9:8

Ona akɛ eyeɔ bo anɔkwa, ni okɛ lɛ kpãŋ akɛ okɛ Kanaanbii kɛ Hitbii kɛ Amorbii lɛ kɛ Perizbii kɛ Yebusbii kɛ Girgashbii ashikpɔŋ lɛ baahã eshwiei lɛ; ni oye oshiwoo lɛ nɔ, ejaakɛ jalɔ ji bo.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 96:7

Oo maji amli wekui, nyɛkafoa Yehowa; nyɛkafoa enunyam kɛ hewalɛ lɛ!

Luka 1:72

Ni ena wɔtsɛmɛi lɛ amɔbɔ ni ekai ekpãŋmɔ krɔŋkrɔŋ lɛ.

Bɔfoi 13:26

“Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

Bɔfoi 2:39

Ejaakɛ shiwoo lɛ, nyɛ kɛ nyɛbii, kɛ mɛi fɛɛ ni yɔɔ shɔŋŋ, mɛi abɔ ni Nuŋtsɔ, wɔNyɔŋmɔ lɛ, aaatsɛ kɛaaba lɛ anɔ ni.”

Romabii 15:8

Shi miikɛɛ akɛ Yesu Kristo tsɔ̃ sɔ̃ɔlɔ ehã Yudafoi lɛ yɛ Nyɔŋmɔ anɔkwale lɛ hewɔ, koni ekɛmã shiwoi ni awo tsɛmɛi lɛ anɔ mi;

Romabii 4:13

Ejaakɛ jeee Mla nɔ ni Abraham ye hewɔ ni Nyɔŋmɔ wo lɛ loo eshwiei ashi akɛ je lɛ aaatsɔ̃ enɔ lɛ, shi moŋ akɛni ehe eye ni Nyɔŋmɔ bu lɛ akɛ jalɔ lɛ hewɔŋ.

Galatabii 3:16

Shi Abraham lɛ, akɛ lɛ kɛ eshwie lɛ wie shiwoo wiemɔi lɛ. Ekɛɛɛ akɛ, “kɛ oshwiei lɛ” tamɔ nɔ ni ekɛ mɛi pii miiwie, shi moŋ tamɔ mɔ kome akɛ, “kɛ oshwie lɛ”, mɔ ni ji Kristo lɛ.

Galatabii 3:29

Shi kɛji Kristo nii ji nyɛ lɛ, belɛ Abraham shwiei ji nyɛ, kɛ gboshiniiyelɔi hu yɛ shiwoo lɛ naa.

Galatabii 3:8

Shi akɛni ŋmalɛ lɛ ena momo akɛ hemɔkɛyeli mli Nyɔŋmɔ aaabu jeŋmaji lɛ abem yɛ hewɔ lɛ, ejaje Sanekpakpa lɛ etsɔ̃ɔ Abraham eto akɛ, “Omli aaajɔɔ jeŋmaji lɛ fɛɛ yɛ.”

Kpojiemɔ 14:6

Ni mina bɔfo kroko miifiliki yɛ ŋwɛi teŋ, ni ehiɛ naanɔ Sanekpakpa ni eyaajaje etsɔ̃ɔ mɛi ni yɔɔ shikpɔŋ lɛ nɔ kɛjɛ jeŋmaŋ fɛɛ jeŋmaŋ kɛ akutso fɛɛ akutso kɛ maji anɔ wiemɔi fɛɛ kɛ maŋ fɛɛ maŋ mli.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.

Kpojiemɔ 7:9

Nii nɛɛ asɛɛ lɛ mikwɛ, ni naa, asafo kpele ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ maji anɔ wiemɔi amli damɔ maŋtsɛ sɛ̃i lɛ hiɛ kɛ Toobi lɛ hiɛ, ni amɛwo atadei yɛji, ni amɛhiɛ blɛoi yɛ amɛdɛŋ,