Bɔfoi 3:19 - ŊMALƐ KRƆŊKRƆŊ LƐ

¹⁹ No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Ṅmãle̱ Kroṅkroṅ Le̱

¹⁹ Nohewo̱ le̱ nyetšakea nyetšuiiaṅ, ni nyekũa nyese̱, koni agbe nyehe ešai le̱, 2,38.

Bɔfoi 3:19 ပူးပေါင်းရင်းမြစ်များ

Lalai 103:12

Bɔ ni bokã kɛ anai teŋ jɛkɛ lɛ, nakai ehãa wɔ kɛ wɔtɔ̃mɔi lɛ ateŋ jekɛɔ.

Lalai 51:13

Koni matsɔ̃ɔ tɔ̃lɔi okitãi lɛ, koni eshafeelɔi aku amɛsɛɛ kɛba oŋɔɔ

Lalai 51:9

Kaakwɛ eshai ni mifee lɛ; fɔ mihe eshai lɛ fɛɛ oshwie.

Yesaia 43:25

“Kɛ̃lɛ mi, mi nɔŋŋ ji mɔ ni ŋɔɔ ohe eshai lɛ efaa, yɛ mi diɛŋtsɛ mihewɔ, ni mikaiŋ ohe eshai lɛ dɔŋŋ.

Yesaia 44:22

Mihã ohe eshai lɛ ekpalaŋ kɛtee tamɔ atatu, ohe eshai lɛ emii tamɔ afua. Kpalemɔ kɛba miŋɔɔ, ejaakɛ mi, mikpɔ̃ bo.”

Yesaia 51:11

No hewɔ lɛ, mɛi ni Yehowa ekpɔ̃ amɛ lɛ aaaku amɛsɛɛ, ni amɛaaba Zion kɛ lala. Amɛaanya, ni amɛmii aaashɛ; amɛyeŋ awerɛho lɛ, amɛdɔmɔŋ ŋtsɔi dɔŋŋ.”

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Yesaia 61:9

Amɛshwiei agbɛi aaahehe yɛ jeŋmaji lɛ ateŋ, ni amɛbii hu aaana gbɛi yɛ majimaji lɛ ateŋ. Mɛi fɛɛ ni aaana amɛ aaakpɛ̃lɛ nɔ akɛ mɛi ni Yehowa ejɔɔ amɛ ji amɛ.

Yeremia 36:3

Aleenɔ, ekolɛ kɛji Yudabii aaanu efɔŋ ni mito miyiŋ akɛ mafee amɛ lɛ, amɛteŋ mɔ fɛɛ mɔ aaakpa enifɔɔji anii ni efeɔ lɛ, ni no aaahã mikɛ amɛnishaianii kɛ amɛhe eshai lɛ afa amɛ.”

Yeremia 50:20

Kɛji nakai be lɛ shɛ lɛ, aaatao nishaianii yɛ Israel, shi anaŋ eko, ni anaŋ esha ko yɛ Yuda hu, ejaakɛ mɛi fɛɛ ni mibahã ashwɛ lɛ, maŋɔ amɛhe mafa amɛ. Mi Yehowa, mikɛɛ.’ ”

Yāfó 3:40

Nyɛhãa wɔtaoa wɔjeŋba mli wɔkwɛa koni wɔkpale kɛba Yehowa ŋɔɔ.

Yāfó 5:21

Ao! Yehowa, kpalemɔ wɔ kɛba oŋɔɔ ekoŋŋ, ni wɔɔkpale lɛɛlɛŋ. Daimɔ wɔblema shihilɛ lɛ ohã wɔ!

Ezekiel 33:11

Kɛɛmɔ amɛ akɛ gbii abɔ ni mi, mi ji Nyɔŋmɔ Hiɛkãalɔ lɛ nɛɛ, minaaa efɔŋfeelɔ gbele he miishɛɛ; shi moŋ minaa miishɛɛ kɛji efɔŋfeelɔ tsake ejeŋba, ni eyi na wala. Ao Israel we, nyɛkpalea, nyɛkpalea kɛjea nyɛgbɛi fɔ̃ji lɛ anɔ koni nyɛyi ana wala. Mɛni hewɔ nyɛaagboi?

Daniel 9:13

Nɛkɛ efɔŋ nɛɛ eba wɔnɔ tamɔ bɔ ni aŋma yɛ Mose Mla lɛ mli lɛ. Kɛ̃lɛ wɔkpako bo Yehowa fai, ni wɔkpaleko kɛjeko wɔnifɔ̃ɔjianii lɛ ahe, ni wɔboko anɔkwale wiemɔ lɛ toi.

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Mateo 13:15

Ejaakɛ nɛkɛ maŋ nɛɛ tsui ekpliŋ, ni amɛtoii ewa, ni amɛŋamɔ amɛhiŋmɛii; koni amɛkana kɛ amɛhiŋmɛii, ni amɛkanu kɛ amɛtoii, ni amɛtsui hu akana shishi, ni amɛkpale ni mitsa amɛ.’

Mateo 18:3

ni ekɛɛ, “Anɔkwale mikɛɔ nyɛ akɛ kɛji nyɛtsakeee ni nyɛtsɔ̃mɔ tamɔ gbekɛbii bibii lɛ, nyɛboteŋ ŋwɛi maŋtsɛyeli lɛ mli kwraa.

Luka 1:16

Ni eeekpale Israelbii lɛ ateŋ mɛi pii kɛaaba Nuŋtsɔ, amɛNyɔŋmɔ lɛ; ŋɔɔ.

Luka 22:57

Shi etso ekɛɛ, “Awo, mileee lɛ!”

Bɔfoi 1:6

No hewɔ lɛ, be ni amɛnaa bakpe shi lɛ amɛbi lɛ akɛ, “Nuŋtsɔ, ani nɛkɛ be nɛɛ mli obaatee maŋtsɛyeli lɛ shi oma shi ohã Israel lɛ?”

Bɔfoi 11:18

Shi be ni amɛnu wiemɔi nɛɛ lɛ, amɛmua amɛnaa, ni amɛwo Nyɔŋmɔ hiɛ nyam moŋ amɛkɛɛ, “Belɛ jeŋmaji lɛ hu Nyɔŋmɔ ehã amɛ tsuitsakemɔ ni akɛhere amɛyiwala!”

Bɔfoi 11:21

Ni Nuŋtsɔ lɛ hewalɛ fata amɛhe, ni mɛi babaoo he ye, ni amɛkpale kɛba Nuŋtsɔ lɛ ŋɔɔ.

Bɔfoi 15:3

No hewɔ lɛ, be ni asafo lɛ ebajie amɛ gbɛ lɛ, amɛtsɔ̃ Foinikia kɛ Samaria ni amɛgba jeŋmaji lɛ atsakemɔ lɛ, ni amɛkɛhã nyɛmimɛi lɛ fɛɛ na miishɛɛ naakpa.

Bɔfoi 17:26

ni lá kome ekɛbɔ gbɔmɛi adesai fɛɛ, ni amɛhi shikpɔŋ lɛ fɛɛ nɔ, ni yinɔi ni eto lɛ kɛ amɛshihilɛhei lɛ ahusui lɛ ekpɛ mli eto momo,

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 28:27

Ejaakɛ maŋ nɛɛ tsui ekpliŋ, ni amɛtoi wa kɛ ninumɔ, ni amɛmiamia amɛhiŋmɛii, koni amɛkana kɛ amɛhiŋmɛii ni amɛkanu kɛ amɛtoii. Ni amɛtsui hu akana shishi, ni amɛkpale ni mitsa amɛ.’

Bɔfoi 3:20

bɔ ni afee ni mumɔŋ hewalɛwoo ko ajɛ Nuŋtsɔ lɛ hiɛ aba, ni eeetsu Yesu Kristo mɔ ni ejie eto ehã nyɛ momo lɛ;

Bɔfoi 3:21

mɔ ni sa akɛ ŋwɛi aŋɔ lɛ kɛyashi be ni aaato nibii fɛɛ ni Nyɔŋmɔ ewie he yɛ egbalɔi krɔŋkrɔŋi lɛ anaa kɛjɛ teteete lɛ gbɛjianɔ.

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

2 Tesalonikabii 1:10

be ni eeeba koni awo ehiɛ nyam yɛ emɛi krɔŋkrɔŋi lɛ amli ni ana enaakpɛɛnii yɛ eheyelɔi lɛ fɛɛ amli yɛ nakai Gbi lɛ nɔ lɛ, ejaakɛ ahe wɔdase ni wɔye wɔtsɔ̃ɔ nyɛ lɛ aye.

2 Tesalonikabii 1:7

ni nyɛ mɛi ni ahaoɔ nyɛ lɛ, eeehã nyɛ kɛ wɔ fɛɛ hejɔɔmɔ, be ni aaajie Nuŋtsɔ Yesu kpo kɛaajɛ ŋwɛi kɛ ebɔfoi ni yɔɔ hewalɛ lɛ.

2 Timoteo 2:25

mɔ ni kɛ mlijɔlɛ wieɔ tsɔ̃ɔ mɛi ni kuɔ enaa, akɛ aleenɔ Nyɔŋmɔ ahã amɛ tsuitsakemɔ ni amɛle anɔkwale lɛ.

Hebribii 4:1

No hewɔ lɛ, ni ashi ehejɔɔmɔ lɛ mlibotemɔ he shiwoo ahã wɔ nɛɛ, nyɛhãa wɔkwɛa jogbaŋŋ koni ekaba akɛ eŋmɛɛ nyɛteŋ mɔ ko.

1 Petro 2:25

Ejaakɛ kulɛ nyɛtamɔ toi ni elaaje, shi agbɛnɛ lɛ nyɛku nyɛsɛɛ kɛba nyɛsusumai alɛlɔ kɛ nɔkwɛlɔ lɛ ŋɔɔ.

2 Petro 3:8

Shi, suɔmɔmɛi, nyɛhiɛ akakpaa sane kome nɛɛ nɔ, akɛ Nuŋtsɔ lɛ hiɛ lɛ, gbi kome tamɔ afii akpe, ni afii akpe hu tamɔ gbi kome.

Kpojiemɔ 21:4

Ni Nyɔŋmɔ aaatsumɔ amɛhiɛiaŋ yafonui fɛɛ. Gbele bɛ dɔŋŋ, ni ŋkɔmɔyeli loo bolɔmɔ loo nɔnaa ko hu bɛ dɔŋŋ; ejaakɛ tsutsunii lɛ eho etee.”