Bɔfoi 3:18 - ŊMALƐ KRƆŊKRƆŊ LƐ

¹⁸ shi nii ni Nyɔŋmɔ ekɛɛ eto momo yɛ egbalɔi lɛ fɛɛ anaa akɛ eKristo lɛ aaana amanehulu lɛ, ehã eba mli nakai.

Ṅmãle̱ Kroṅkroṅ Le̱

¹⁸ ši nii ní Nyoṅmo̱ ekē̱ eto momo ye̱ *egbalo̱i le̱ fẽ nā, ake̱ Kristo aana amanehũlũ le̱, ehã eba mli nakai. *Luk. 24,27.

Bɔfoi 3:18 ပူးပေါင်းရင်းမြစ်များ

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

Yesaia 50:6

Mitsɔ mikotosɛɛ miha yilɔi kɛ midabii hu miha mɛi ni famɔɔ tsɛŋ; ni mijooo hiɛgbele kɛ lajɔ̃ naa foi.

Daniel 9:26

Nɛkɛ be nɛɛ naagbee mli lɛ, abaagbe hiɛnyiɛlɔ ni Nyɔŋmɔ efɔ lɛ mu lɛ trukaa, ni enaŋ mɔ ko; ni lumɔ ni baa abaye nɔ lɛ webii lɛ baafite Yerusalɛm maŋ lɛ kɛ He Krɔŋkrɔŋ lɛ. Ta kɛ nibii ahiɛkpãtãmɔ baaba tamɔ nu afua yɛ be lɛ naagbee nɛɛ mli, tamɔ bɔ ni Nyɔŋmɔ ewo shi eto lɛ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Bɔfoi 10:43

Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Bɔfoi 2:23

Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Bɔfoi 28:23

Ni be ni amɛto lɛ gbi lɛ, amɛteŋ mɛi pii ba eŋɔɔ yɛ etoohe lɛ, ni kɛjɛ leebi kɛyashi gbɛkɛ lɛ, ejaje Nyɔŋmɔ maŋtsɛyeli lɛ he sane etsɔ̃ɔ amɛ, ni eye he odase faŋŋ, ni ejɛ Mose Mla lɛ kɛ gbalɔi lɛ amli etao ni amɛyiŋ atsɔ̃ kɛba Yesu gbɛfaŋ.

2 Petro 1:21

Ejaakɛ gbalɛ ko bako yɛ gbɔmɔ suɔmɔ̃naa pɛŋ, shi moŋ Mumɔ Krɔŋkrɔŋ lɛ tsirɛ gbɔmɛi ni amɛwie wiemɔi ni Nyɔŋmɔ kɛhã amɛ lɛ.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.