Bɔfoi 3:16 - ŊMALƐ KRƆŊKRƆŊ LƐ

¹⁶ Ni egbɛi lɛ nɔ hemɔkɛyeli naa, ni egbɛi lɛ tsa nuu nɛɛ ni nyɛnaa ni nyɛle lɛ; ni enɔ hemɔkɛyeli lɛ ehã efee kpiŋtiŋkpliŋŋ yɛ nyɛ fɛɛ nyɛhiɛ nɛɛ.

Ṅmãle̱ Kroṅkroṅ Le̱

¹⁶ Ni egbe̱i le̱ ano̱ hemo̱-ke̱-yeli nā ni egbe̱i le̱ tšá mone̱ ní nyenaä ní nyele le̱; ni eno̱ hemo̱-ke̱-yeli le̱ ehã efe kpintiṅ-kpliṅṅ ye̱ nyefẽ nyehĩe ne̱.

Bɔfoi 3:16 ပူးပေါင်းရင်းမြစ်များ

Mateo 14:29

Ni ekɛɛ, “Ba!” Ni Petro je lɛlɛ lɛ mli, ni enyiɛ nu lɛ hiɛ kɛmiiya Yesu ŋɔɔ.

Mateo 9:22

Shi Yesu tsɔ̃ ehe, ni be ni ena lɛ lɛ ekɛɛ, “Biyoo, hã otsui anyɔ omli, ohemɔkɛyeli lɛ ehere oyiwala!” Ni yoo lɛ he wa lɛ nakai ŋmɛlɛtswaa lɛ nɔ nɔŋŋ.

Yohane 14:12

Anɔkwale mikɛɔ nyɛ akɛ, mɔ ni heɔ minɔ eyeɔ lɛ, nitsumɔi ni mitsuɔ lɛ, lɛ hu eeetsu, ni eeetsu nii ni fe nomɛi tete, ejaakɛ miiya Tsɛ lɛ ŋɔɔ.

Yohane 7:23

Kɛji hejɔɔmɔ gbi lɛ nɔ lɛ afoɔ mɔ kɛtia bɔ ni afee ni akatɔ̃ Mose Mla lɛ nɔ lɛ, mɛɛba nyɛmli fuɔ mi akɛ mitsa gbɔmɔ muu lɛ yɛ hejɔɔmɔ gbi lɛ nɔ?

Bɔfoi 14:9

Ni be ni Paulo wieɔ lɛ, ebo toi. Paulo kwɛ lɛ gãa ni ena akɛ eyɛ hemɔkɛyeli akɛ aaatsa lɛ,

Bɔfoi 16:18

Ni efee nakai gbii pii. Shi efee Paulo ahuntoo kɛho he, ni etsɔ̃ ehe ni ekɛɛ mumɔ lɛ akɛ, “Miifã bo yɛ Yesu Kristo gbɛi mli akɛ oje emli.” Ni eje emli yɛ nakai ŋmɛlɛtswaa lɛ nɔ nɔŋŋ.

Bɔfoi 3:6

Shi Petro kɛɛ, “Jwiɛtɛi kɛ shika lɛ mibɛ eko; shi nɔ ni miyɔɔ lɛ, no mikɛhãa bo nɛɛ, Yɛ Yesu Kristo, Nazarenyo lɛ, gbɛi mli lɛ, tee shi ni onyiɛ.”

Bɔfoi 3:8

ni ehuru edamɔ shi ni ebɔ̃i nyiɛmɔ, ni ekɛ amɛ nyiɛ kɛbote Sɔlemɔ we lɛ kɛ tuumɔ kɛ Nyɔŋmɔ yijiemɔ.

Bɔfoi 4:10

no lɛ nyɛ fɛɛ kɛ Israel maŋ muu lɛ fɛɛ ana ale akɛ, Yesu Kristo, Nazarenyo lɛ, ni nyɛsɛŋ ni Nyɔŋmɔ tee lɛ shi kɛjɛ gbohii ateŋ lɛ, lɛ egbɛi mli nuu nɛɛ damɔ nyɛhiɛ ni ehe ewa lɛ nɛɛ.

Bɔfoi 4:30

ni okpã onine mli ni ohã atsatsaa mɛi, ni atsɔ̃ otsulɔ krɔŋkrɔŋ Yesu lɛ gbɛi nɔ afee okadii kɛ naakpɛɛnii.”

Bɔfoi 4:7

ni amɛyaŋɔ Petro kɛ Yohane amɛbadamɔ amɛhiɛ, ni amɛbi amɛ akɛ, “Mɛɛ hewalɛ nyɛkɛfee enɛ, aloo mɛɛ gbɛi mli nyɛfee yɛ?”

Romabii 3:22

no ji Nyɔŋmɔ jalɛ ni atsɔ̃ɔ Yesu Kristo nɔ hemɔkɛyeli nɔ akɛhãa mɛi fɛɛ ni heɔ yeɔ lɛ. Ejaakɛ srɔto ko bɛ;

1 Korintobii 13:2

Ni kɛji miyɛ gbalɛ dromɔ keenii, ni minaa teemɔŋnii fɛɛ naa, ni mile nii fɛɛ, ni kɛji miyɛ hemɔkɛyeli fɛɛ hu, bɔ ni manyɛ gɔji mafãmɔ, shi mibɛ suɔmɔ lɛ, no lɛ mijeee nɔ ko.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.