Bɔfoi 3:13 - ŊMALƐ KRƆŊKRƆŊ LƐ

¹³ Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.

Ṅmãle̱ Kroṅkroṅ Le̱

¹³ *Abraham ke̱ Isak ke̱ Iakob Nyoṅmo̱ le̱ ní dši wo̱tše̱mei a-Nyoṅmo̱ le̱ ewo †etšũlo̱ Iesu hīe nyam; moni **nyedšiele̱ nyehã ni nyekwale̱ ye̱ Pontio Pilato hĩe, beni le̱ le̱ ekpe̱ mli ake̱ eeṅmē̃ ehe le̱. *5,30. †Ies. 63,11. **Bo̱f. 2,23.

Bɔfoi 3:13 ပူးပေါင်းရင်းမြစ်များ

2 Mose 3:13

Ni Mose here nɔ akɛ, “Kɛji mitee Israelbii lɛ aŋɔɔ miyakɛɛ amɛ akɛ, ‘Nyɛtsɛmɛi aNyɔŋmɔ lɛ tsu mi nyɛŋɔɔ nɛɛ’, ni amɛaabi mi akɛ, ‘Te egbɛi hu?’ lɛ, te mikɛɛ amɛ tɛŋŋ?”

2 Mose 3:15

Asaŋ Nyɔŋmɔ kɛɛ, “Okɛɛ Israelbii lɛ akɛ, ‘Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ji mɔ ni tsu mi nyɛŋɔɔ nɛɛ. Migbɛi kwraa nɛ kɛmiiya naanɔ, ni no yinɔi fɛɛ kɛtsɛ mi.’

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 20:19

Ni amɛkɛ lɛ aaahã jeŋmajiaŋbii lɛ ni amɛye ehe fɛo ni amɛkɛ kpelebii ayi lɛ ni amɛsɛŋ lɛ, ni gbi ni ji etɛ̃ lɛ aaatee lɛ shi.”

Mateo 22:32

‘Mi lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ ji mi lɛ?’ Nyɔŋmɔ lɛ jeee gbohii aNyɔŋmɔ ni, shi moŋ hiɛkãalɔi aNyɔŋmɔ ni.”

Mateo 27:2

Ni amɛfi lɛ ni amɛkpala lɛ kɛtee amɛyahã Amralo Pontio Pilato.

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Marko 15:11

Shi osɔfonukpai lɛ wo asafo lɛ yiŋ akɛ amɛhã eŋmɛɛ Baraba moŋ he ehã amɛ.

Luka 22:57

Shi etso ekɛɛ, “Awo, mileee lɛ!”

Luka 23:4

Ni Pilato kɛɛ osɔfonukpai lɛ kɛ asafoi lɛ akɛ, “Minaaa fɔbuu sane ko yɛ nuu nɛɛ he.”

Luka 6:37

“Nyɛkakojoa, koni Nyɔŋmɔ akakojo nyɛ; nyɛkabua fɔ, koni Nyɔŋmɔ akabu nyɛ fɔ; nyɛkɛfaa, ni akɛaafa nyɛ.

Yohane 12:16

Shi ekaselɔi lɛ enaaa nii nɛɛ ashishi mra mli, shi be ni awo Yesu hiɛ nyam lɛ, no dani amɛkai akɛ aŋma nii nɛɛ yɛ ehe, ni no afee ahã lɛ lɛ.

Yohane 18:40

Kɛkɛ lɛ amɛ fɛɛ amɛbolɔ amɛkɛɛ, “Jeee mɔnɛŋ, shi Baraba moŋ!” Shi Baraba lɛ, ojotswalɔŋ.

Yohane 19:11

Yesu here nɔ akɛ, “Kɛjeee ŋwɛi ajɛ akɛhã bo lɛ, kulɛ onaŋ hewalɛ ko yɛ minɔ. No hewɔ lɛ, mɔ ni jie mi wo odɛ̃ŋ lɛ he esha lɛ da fe onɔ lɛ.”

Yohane 19:12

Kɛjɛ no nɔ lɛ Pilato tao ehe eŋmɛɛ; shi Yudafoi lɛ bolɔ akɛ, “Kɛji oŋmɛɛ mɔ nɛ he lɛ, ojeee Kaisare shieŋtsɛ; mɔ fɛɛ mɔ ni feɔ ehe maŋtsɛ lɛ ete shi ewo Kaisare.”

Yohane 19:15

Shi amɛ lɛ amɛbolɔ amɛkɛɛ, “Okɛ lɛ aya, okɛ lɛ aya! Sɛŋmɔ lɛ!” Pilato bi amɛ akɛ, “Nyɛmaŋtsɛ lɛ, misɛŋ lɛ lo?” Osɔfonukpai lɛ here nɔ akɛ, “Wɔbɛ maŋtsɛ ko akɛ ja Kaisare.”

Yohane 7:39

Shi Mumɔ lɛ ni mɛi ni heɔ enɔ yeɔ lɛ baana lɛ he ewie nɛɛ; shi Mumɔ Krɔŋkrɔŋ lɛ nako aba, ejaakɛ anako awo Yesu hiɛ nyam.

Bɔfoi 22:14

Ni ekɛɛ, ‘Wɔtsɛmɛi aNyɔŋmɔ lɛ ehala bo eto, ni ole esuɔmɔnaanii, ni ona Nyɔŋmɔ Jalɔ lɛ, ni onu edaaŋ gbee;

Bɔfoi 24:14

Shi nɔ ni migbaa mli faŋŋ mikɛɔ bo ji enɛ akɛ, tsɔ̃ɔmɔ ni amɛtsɛɔ lɛ akɛ amaletsɔ̃ɔmɔ lɛ, no nɔŋŋ naa mijaa wɔtsɛmɛi aNyɔŋmɔ lɛ yɛ, miheɔ nibii fɛɛ ni aŋma yɛ Mla lɛ kɛ gbalɔi lɛ amli lɛ miyeɔ,

Bɔfoi 3:12

Be ni Petro na enɛ lɛ, ekɛɛ maŋ lɛ akɛ, “Nyɛ Israelhii, mɛɛba nyɛhiɛ feɔ nyɛ yaa yɛ enɛ hewɔ, aloo mɛɛba nyɛkwɛɔ wɔ gãa nɛkɛ, tamɔ nɔ ni wɔ diɛŋtsɛ wɔhewalɛ loo wɔNyɔŋmɔjamɔ wɔkɛhã nuu nɛɛ nyiɛɔ nɛɛ?

Bɔfoi 3:26

Ni Nyɔŋmɔ tee etsulɔ Yesu lɛ shi lɛ, nyɛ tsutsu nyɛŋɔɔ etsu lɛ ni ebajɔɔ nyɛ ni ekpale nyɛteŋ mɔ fɛɛ mɔ kɛjɛ enifɔɔji anii lɛ ahe.”

Bɔfoi 4:27

“Lɛɛlɛŋ, Herode kɛ Pontio Pilato kɛ jeŋmaji lɛ kɛ Israel maji lɛ hu ebabua amɛhe naa yɛ maŋ nɛɛŋ amɛwo otsulɔ Krɔŋkrɔŋ Yesu, mɔ ni ofɔ lɛ mu lɛ,

Bɔfoi 4:30

ni okpã onine mli ni ohã atsatsaa mɛi, ni atsɔ̃ otsulɔ krɔŋkrɔŋ Yesu lɛ gbɛi nɔ afee okadii kɛ naakpɛɛnii.”

Bɔfoi 7:32

‘Mi ji otsɛmɛi aNyɔŋmɔ lɛ, Abraham kɛ Isak kɛ Yakob Nyɔŋmɔ lɛ.’ Ni Mose he kpokpo ni ekaaa akɛ eeeyakwɛ.

Romabii 9:5

amɛnɔ ji tsɛmɛi lɛ, ni amɛmli hu Kristo tete jɛ yɛ heloo gbɛfaŋ lɛ, lɛ ji nii fiaa nɔ Nyɔŋmɔ ni ajɔɔ lɛ kɛyashiɔ naanɔ lɛ. Amen!

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,