Bɔfoi 3:10 - ŊMALƐ KRƆŊKRƆŊ LƐ

¹⁰ ni be ni amɛyoo lɛ akɛ lɛ ji mɔ ni ta Sɔlemɔ We “Shinaa Fɛɛfɛo” lɛ naa ebalaa nii lɛ, amɛhe jɔ̃ amɛhe ni amɛnaa kpɛ amɛhe babaoo yɛ nɔ ni afee ahã lɛ lɛ hewɔ.

Ṅmãle̱ Kroṅkroṅ Le̱

¹⁰ ni beni ame̱yo ake̱ le̱ dši moni tá so̱lemo̱we šĩnā fe̱fe̱o le̱ nā eblaä nii le̱, ame̱he dšõ ame̱he ni ame̱nā kpe̱ ame̱he babaō ye̱ noni afe ahãle̱ le̱ hewo̱.

Bɔfoi 3:10 ပူးပေါင်းရင်းမြစ်များ

Mateo 14:35

Ni be ni jɛibii lɛ yoo lɛ lɛ, amɛtsu atee jɛi niiaŋ fɛɛ, ni ayaŋɔ helatsɛmɛi fɛɛ kɛba eŋɔɔ;

Luka 4:36

Ni amɛ fɛɛ amɛhe jɔ̃ amɛhe, ni amɛkɛɛkɛɛ amɛhe akɛ, “Mɛɛ wiemɔ nɛ? Ejaakɛ hegbɛ kɛ hewalɛ ekɛfãa mumɔi fɔ̃ji lɛ, ni amɛjeɔ kpo!”

Luka 9:43

Ni amɛ fɛɛ amɛnaa kpɛ amɛhe yɛ Nyɔŋmɔ hewalɛ kpeteŋkple lɛ hewɔ. Shi be ni mɛi lɛ fɛɛ ahiɛ efee amɛ yaa yɛ nibii fɛɛ ni Yesu fee lɛ he lɛ, ekɛɛ ekaselɔi lɛ akɛ,

Yohane 5:20

Ejaakɛ Tsɛ lɛ sumɔɔ Bi lɛ, ni etsɔ̃ɔ lɛ nibii fiaa ni lɛ diɛŋtsɛ efeɔ lɛ, ni eeetsɔ̃ɔ lɛ nitsumɔi wuji ni fe enɛɛmɛi tete, ni nyɛnaa aaakpɛ nyɛhe.

Yohane 9:3

Yesu here nɔ ekɛɛ, “Jeee esha ni mɔ nɛ loo efɔlɔi fee hewɔŋ, shi moŋ bɔ ni afee ni Nyɔŋmɔ nitsumɔi lɛ ana aje kpo yɛ emli.

Yohane 9:8

Kɛkɛ lɛ ekuŋbii kɛ mɛi ni na lɛ tsutsu ko akɛ sisɛ̃lɔ ji lɛ lɛ kɛɛ, “Ani jeee mɔ ni kulɛ etaa shi ni esisɛ̃ɔ lɛ nɛ?”

Bɔfoi 2:12

Ni amɛ fɛɛ amɛnaa kpɛ amɛhe ni amɛfee yaa, ni amɛkɛɛkɛɛ amɛhe akɛ, “Te enɛ shishiŋ?”

Bɔfoi 2:7

Ni amɛ fɛɛ amɛnaa kpɛ amɛhe ni amɛhiɛ fee amɛ yaa, ni amɛkɛɛkɛɛ amɛhe akɛ, “Ani mɛi ni wieɔ nɛɛ fɛɛ lɛ, jeee Galileabii ni?

Bɔfoi 3:2

Ni nuu ko yɛ ni ji obubuafo kɛjɛ enyɛ musuŋ, ni awoɔ lɛ daa abataa Sɔlemɔ we lɛ shinaa ni atsɛɔ lɛ “Shinaa Fɛɛfɛo” lɛ naa, koni ebala nii yɛ mɛi ni yaa Sɔlemɔ we lɛ adɛ̃.