Bɔfoi 3:1 - ŊMALƐ KRƆŊKRƆŊ LƐ

¹ Gbi ko gbɛkɛ ŋmɛji etɛ̃ ni ji sɔlemɔ be lɛ, Petro kɛ Yohane tsa mlu kɛtee Sɔlemɔ we lɛ.

Ṅmãle̱ Kroṅkroṅ Le̱

¹ Ši gbe̱ke̱ ṅme̱dši etẽ ní dši so̱lemo̱-ṅmle̱tſā le̱ mli le̱, Petro ke̱ Iohane tša mlu ke̱-te so̱lemo̱we le̱.

Bɔfoi 3:1 ပူးပေါင်းရင်းမြစ်များ

1 Maŋtsɛmɛi 18:36

Shwane niyenii afɔle be lɛ, Gbalɔ Elia tsi ebɛŋkɛ afɔleshãa latɛ lɛ, ni esɔle ekɛɛ, “Ao Yehowa, Abraham kɛ Isak kɛ Yakob Nyɔŋmɔ, hã ana ale ŋmɛnɛ akɛ bo ji Israel Nyɔŋmɔ lɛ, asaŋ akɛ bo otsulɔ ji mi, ni owiemɔ naa mifeɔ nii nɛɛ fɛɛ yɛ.

Lalai 55:17

Leebi kɛ shwane kɛ gbɛkɛ fɛɛ lɛ, mikɛ miwerɛho lɛ aaaŋmɛ ehiɛ kɛ kɛ̃ɛmɔ, ni eeebo mi toi.

2 Mose 29:39

Okɛ toobi kome ashã afɔle leebi, ni okɛ ekome hu ashã afɔle gbɛkɛ.

Daniel 6:10

Be ni Daniel na ele akɛ maŋtsɛ lɛ kɛ enine ewo akpɔ ni aŋmã lɛ shishi lɛ, eyiŋ etee ewe. Eŋwɛi pia lɛ he samfɛji lɛ kwɛɔ Yerusalɛm gbɛ kɛji agbele. Ekulaa shi esɔleɔ shii etɛ̃ daa gbi, ni edaa eNyɔŋmɔ lɛ shi. Gbi ko lɛ Daniel yasɔle nakai nɔŋŋ.

Daniel 9:21

mihiɛ mli miisɔle lolo kɛkɛ lɛ naa bɔfo Gabriel, mɔ ni mina yɛ klɛŋklɛŋ ninaa lɛ mli lɛ ni efiliki kɛba mimasɛi trukaa. No mli lɛ eshɛ be mli ni ashãa gbɛkɛnaashi afɔle lɛ.

4 Mose 28:4

Oshã gwantɛŋbi kome leebi, ni oshã ekome hu gbɛkɛnaashi.

Mateo 17:1

Gbii ekpaa sɛɛ lɛ, Yesu ŋɔ Petro kɛ Yakobo kɛ enyɛmi Yohane, ni ekɛ amɛ tee gɔŋ ni kwɔ ko nɔ, ekɛ amɛ pɛ.

Mateo 26:37

Ni eŋɔ Petro kɛ Zebedeo bihii enyɔ lɛ efata ehe ni ewerɛ bɔ̃i ehe hoo ni ehao.

Mateo 27:45

Shi kɛjɛ shwane ŋmɛlɛ nyɔŋma kɛ enyɔ kɛyashi ŋmɛji etɛ̃ lɛ duŋ wo yɛ shikpɔŋ lɛ nɔ fɛɛ.

Luka 1:10

Ni tsofakɛŋmashãa be lɛ mli lɛ, maŋ muu lɛ fɛɛ miisɔle yɛ agbo lɛ naa.

Luka 18:10

“Mɛi enyɔ yiŋ tee Sɔlemɔ we lɛ ni amɛyasɔle; mɔ kome lɛ Farisifonyo ji lɛ, ni mɔ kome hu lɛ toohelɔŋ.

Luka 22:8

ni etsu Petro kɛ Yohane ni ekɛɛ, “Nyɛyaa ni nyɛyasaa Hehoo niyenii lɛ nyɛtoa wɔ, koni wɔbaye.”

Luka 24:53

ni amɛyɛ Sɔlemɔ we lɛ daa nɛɛ, ni amɛhiɛ Nyɔŋmɔ yijiemɔ kɛ lɛ jɔɔmɔ.

Yohane 21:7

No hewɔ lɛ, kaselɔ ni Yesu sumɔɔ lɛ kɛɛ Petro akɛ, “Nuŋtsɔ lɛ ni.” Be ni Simon Petro nu akɛ Nuŋtsɔ lɛ ni lɛ, ekɛ etade lɛ ŋmɔ ehɛ, ejaakɛ eta shi yayai, ni etu egbee ŋshɔ lɛ mli.

Bɔfoi 10:3

Aaafee gbɛkɛ ŋmɛji etɛ̃ mli lɛ, ena yɛ ninaa mli faŋŋ akɛ Nyɔŋmɔ bɔfo ko ba eŋɔɔ bakɛɛ lɛ akɛ, “Kornelio!”

Bɔfoi 10:30

Ni Kornelio kɛɛ akɛ, “Ŋmɛnɛ ji gbii ejwɛ aaafee ŋmɛji etɛ̃ mli nɛkɛ pɛ, miisɔle yɛ mishĩa nɛɛ; ni naa, nuu ko ni wo atade kaŋkaŋ badamɔ mihiɛ,

Bɔfoi 2:46

Ni daa gbi lɛ amɛkɛ jwɛŋmɔ kome yaa Sɔlemɔ we lɛ, ni amɛkumɔkumɔɔ aboloo yɛ shĩai, ni amɛkɛ miishɛɛ kɛ tsui krɔŋŋ yeɔ nii,

Bɔfoi 3:3

Ni be ni ena Petro kɛ Yohane boteɔ Sɔlemɔ we lɛ, eba amɛ nɔ ko.

Bɔfoi 3:4

Shi Petro kɛ Yohane fɛɛ kwɛ lɛ gãa, ni Petro kɛɛ lɛ akɛ, “Kwɛmɔ wɔhiɛ!”

Bɔfoi 4:13

Agbɛnɛ be ni amɛna Petro kɛ Yohane ekãa lɛ, ni amɛyoo akɛ jeee woloŋlelɔi kɛ nilelɔi komɛi ji amɛ lɛ, efee amɛhiɛ yaa, ni amɛkɔ sɛɛ akɛ amɛkɛ Yesu ehi shi.

Bɔfoi 5:25

Ni mɔ ko ba bagba amɛ akɛ, “Naa, hii lɛ ni nyɛwo amɛ tsuŋ lɛ damɔ shi yɛ Sɔlemɔ we lɛ amɛmiitsɔ̃ɔ maŋ lɛ nii.”

Bɔfoi 8:14

Be ni bɔfoi lɛ ni yɔɔ Yerusalɛm lɛ nu akɛ Samariabii emɔ Nyɔŋmɔ wiemɔ lɛ mli lɛ, amɛtsu Petro kɛ Yohane kɛtee amɛŋɔɔ.

Galatabii 2:9

be ni amɛyoo dromɔ ni akɛhã mi lɛ, Yakobo kɛ Kefa kɛ Yohane ni abuɔ amɛ akɛ akulashiŋi lɛ, amɛkɛ naanyobɔɔ ninejurɔ lɛ ta mi kɛ Barnaba dɛ̃, koni wɔ lɛ wɔya jeŋmaji lɛ aŋɔɔ, shi amɛ lɛ amɛya ketiafolɔi lɛ aŋɔɔ;