Bɔfoi 28:3 - ŊMALƐ KRƆŊKRƆŊ LƐ

³ Shi be ni Paulo bua lai ŋmɛŋmlɛbii anaa ni ekɛyawo la lɛ mli lɛ, shinɔ ko jɛ la grigri lɛ mli kpɛtɛ enine he.

Ṅmãle̱ Kroṅkroṅ Le̱

³ Ši beni Paulo bua lai ṅme̱ṅmle̱bii anā ni eke̱-yawo la le̱ mli le̱, šinõ ko dše̱ la grigri le̱ mli kpe̱te̱ enine he.

Bɔfoi 28:3 ပူးပေါင်းရင်းမြစ်များ

Hiob 20:16

Eeeshwɔ shinɔi anaa ebɔɔ, ni no aaagbe lɛ tamɔ nɔ ni blikã ekɔ̃ lɛ.

Yesaia 30:6

Kooloi ni yɔɔ wuoyigbɛ shiaŋa lɛ mli lɛ ahe ninaa nɛ, “Amɛtsɔ̃ɔ haomɔ kɛ hejaramɔ shikpɔŋ lɛ nɔ, he ni jatayoo kɛ jatanuu hũuɔ yɛ, he ni shinɔ kɛ onufu filikilɔ yɔɔ lɛ, ni amɛloɔ amɛnii ni amɛna lɛ amɛtereɔ tejibii ni amɛkɛ amɛjwetrii tereɔ yoomai kɛyaa maŋ ko ni he bɛ sɛɛnamɔ kɛha amɛ lɛ ŋɔɔ.

Yesaia 41:24

Naa, nyɛjeee nɔ ko nɔ ko ni nyɛnitsumɔ lɛ hu jeee fɛifɛi. Mɔ ni jaa nyɛ lɛ, musubɔlɔ ni.

Yesaia 59:5

Yiŋ shai ni amɛtoɔ lɛ yeɔ awui tamɔ shinɔ ni naa joɔ wɔji. Kɛji wɔji lɛ eko fɛ lɛ, onufu ji nɔ ni jɛɔ mli baa. Mɔ fɛɛ mɔ ni yeɔ wɔlɔ lɛ eko lɛ gbo egboɔ. Amɛnifeemɔ tamɔ anaanu ntaŋ;

Amos 5:19

nɔ ni baaba lɛ etamɔ mɔ ko ni joɔ jata naa foi, ni ekɛ oshishibrishi kpeɔ, loo be ni eba shĩa ni ekɛ enine mɔ gbogbo mli lɛ onufu kɔ̃ lɛ.

Mateo 12:34

Nyɛ shinɔi ashwiei! Te aaafee tɛŋŋ ni nyɛ mɛi ni nyɛ ji mɛi fɔ̃ji lɛ, ni nyɛaanyɛ ekpakpa nyɛwieŋ? Ejaakɛ nɔ ni eyi tsui obɔ kɛteke nɔ lɛ, no nɔŋŋ naabu wieɔ.

Mateo 23:33

Onufui, shikpãi ashwiei! Te nyɛaafee tɛŋŋ nyɛjo abonsamiiaje fɔbuu lɛ naa foiŋ?

Mateo 3:7

Shi be ni ena Farisifoi kɛ Sadukifoi lɛ ateŋ mɛi pii baa ebaptisimɔ lɛ he lɛ, ekɛɛ amɛ akɛ “Shinɔi ashwiei, namɔ tsɔ̃ɔ nyɛ akɛ nyɛjo mlifu ni baaba lɛ naa foi?

Marko 16:18

amɛaahole onufui anɔ; ni kɛji amɛnu nɔ ko ni gbeɔ mɔ lɛ, efeŋ amɛ nɔ ko; amɛkɛ amɛniji aaashwie helatsɛmɛi anɔ, ni amɛhe aaawa amɛ.”

Bɔfoi 28:2

Jɛibii lɛ fee wɔ ejurɔ pii, ejaakɛ amɛshɛre la, ni amɛhere wɔ fɛɛ tswɛm hiɛmɛɛ yɛ nunɛmɔ babaoo kɛ fɛ̃i lɛ hewɔ.

Bɔfoi 28:4

Be ni jɛibii lɛ na kooloo lɛ kpɛtɛ enine he lɛ, amɛkɛɛkɛɛ amɛhe akɛ, “Bɔ fɛɛ bɔ ni fee lɛ, nɛkɛ nuu nɛɛ awuyelɔ ni, ni ahere eyiwala kɛjɛ ŋshɔ lɛ mli moŋ nɛ, shi oweletɔɔ eŋmɛ̃ɛɛ lɛ gbɛ ni eyi ana wala.”

2 Korintobii 11:23

Kristo sɔ̃ɔlɔi ji amɛ? Miiwie tamɔ mɔ ni yitsoŋ kãa lɛ. Mife amɛ yɛ tɔlɛ nitsumɔi ni tɛke nɔ amli, yɛ tsuŋwoi babaoi amli, yɛ yii ni fa tsɔ̃ amli, yɛ gbelei amli kpitiokpitio.

2 Korintobii 6:9

Wɔ tamɔ mɛi ni aleee kɛ mɛi ni ale krɛdɛɛ; tamɔ mɛi ni gboiɔ, ni naa, wɔhiɛ kãmɔ. Wɔ tamɔ mɛi ni agbalaa amɛtoi, ni kɛ̃lɛ agbeko wɔ.