Bɔfoi 27:23 - ŊMALƐ KRƆŊKRƆŊ LƐ

²³ Ejaakɛ nyɔɔŋ nɛɛ mli lɛ Nyɔŋmɔ mɔ nɔ ni mi ji kɛ mɔ hu ni misɔ̃mɔɔ lɛ bɔfo badamɔ mimasɛi

Ṅmãle̱ Kroṅkroṅ Le̱

²³ Edšake̱ nyõ ne̱ṅ le̱ Nyoṅmo̱ mo nõ ní midsi ke̱ mo hũ ní misúmoo̱ le̱ bo̱fo badamo̱ mimase̱i

Bɔfoi 27:23 ပူးပေါင်းရင်းမြစ်များ

Lalai 116:16

Oo Yehowa, otsulɔ ji mi; otsulɔ kɛ oweyoo bi ji mi. Okpɔlɔ migboklɛi lɛ.

Lalai 135:4

Ejaakɛ Yehowa eŋɔ Yakob ehã lɛ diɛŋtsɛ ehe, eŋɔ Israel efee lɛ diɛŋtsɛ enɔ.

Lalai 143:12

Osuɔmɔ ni tsakeee hã mi lɛ hewɔ lɛ, folɔmɔ mihenyɛlɔi lɛ oshwie; ni okpãtã mɛi ni waa mi yi lɛ fɛɛ ahiɛ; ejaakɛ otsulɔ ji mi.

2 Mose 19:5

No hewɔ lɛ, agbɛnɛ kɛji nyɛaabo mi toi, ni nyɛaaye mikpãŋmɔ lɛ nɔ lɛ, no lɛ nyɛaatsɔ̃ mi diɛŋtsɛ minɔ yɛ maji fɛɛ ateŋ; ejaakɛ je lɛ fɛɛ lɛ minɔ ni.

Salomo Lalai 2:16

Minɔ ji misuɔlɔ lɛ, ni lɛ hu enɔ ji mi. Elɛɔ etoi lɛ yɛ oflɔ fɔfɔii ateŋ.

Salomo Lalai 6:3

Misuɔlɔ lɛ nɔ ji mi, ni mi hu minɔ ji lɛ. Lɛ mɔ ni elɛɔ etooku lɛ yɛ oflɔ fɔfɔii ateŋ lɛ.

Yesaia 44:21

Yehowa kɛɛ akɛ, “Ao Israel, kaimɔ enɛ, kaimɔ akɛ mitsulɔ ji bo. Mi mibɔ bo; mitsulɔ ji bo. Ao Israel, mihiɛ kpaŋ onɔ!

Yesaia 44:5

Mɔnɛ baakɛɛ mɔnɛ akɛ, ‘Yehowa nɔ ji mi;’ ni mɔ kroko aaaŋɔ Yehowa gbɛi awo ehe, ni mɔ ko hu aaaŋma yɛ enine he akɛ, ‘Yehowa nɔ nɛ’, ni eeeŋɔ Yehowa gbɛi ewo ehe.”

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:38

ni amɛbaatsɔ̃ miwebii, ni mibatsɔ̃ amɛNyɔŋmɔ.

Ezekiel 36:38

Mahã maji wuji ni etsɔmɔ amaŋfɔ̃i lɛ amli aaayimɔ obɔ̃bɔ̃ kɛ gbɔmɛi babaoo tamɔ toi kui ni akɛyaashã afɔle yɛ Yerusalɛm yɛ egbii juji lɛ anɔ lɛ. Enɛ amɛkɛaale akɛ mi, mi ji Yehowa.”

Daniel 3:17

Kɛji wɔNyɔŋmɔ lɛ ni wɔsɔ̃mɔɔ lɛ miisumɔ akɛ ehere wɔ yɛ flɔnɔɔ kɛ emli la ni miitso grigri lɛ mli lɛ, ebaahere wɔ; ni ebaahere wɔ yɛ odɛ̃ŋ hu.

Daniel 3:26

Kɛkɛ ni Maŋtsɛ Nebukadnezar tsi bɛŋkɛ flɔnɔɔ kɛ emli la grigri lɛ naa. Kɛkɛ ni ewo enaa nɔ, ni ekɛɛ, “Shadrak kɛ Meshak kɛ Abednego, Nyɔŋmɔ ŋwɛi flooflonyo lɛ tsuji, nyɛjea kpo yɛ la lɛ mli kɛbaa.” Kɛkɛ ni Shadrak kɛ Meshak kɛ Abednego je kpo yɛ la lɛ mli kɛba.

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Daniel 6:16

No hewɔ lɛ, maŋtsɛ lɛ fã, ni atee ayaŋɔ Daniel kɛba, ni ashɛ lɛ afɔ̃ jatai abu lɛ mli. Maŋtsɛ lɛ kɛɛ Daniel akɛ, “ONyɔŋmɔ lɛ ni osɔmɔɔ anɔkwale mli lɛ; lɛ eeejie bo.”

Daniel 6:20

Be ni ebɛŋkɛ bu lɛ naa he ni Daniel yɔɔ lɛ, ewo egbee nɔ, ni ekɛ awerɛho gbee bo ekɛɛ akɛ, “Ao! Daniel, Nyɔŋmɔ hiɛkãalɔ lɛ tsulɔ, ani oNyɔŋmɔ lɛ ni osɔ̃mɔɔ lɛ daa lɛ enyɛ ejie bo yɛ jatai lɛ adɛŋ lo?”

Daniel 6:22

MiNyɔŋmɔ lɛ etsu ebɔfo lɛ kɛba, ni ebaŋamɔ jatai lɛ anaabu, ni no hewɔ lɛ, amɛyeko mi awui ko, ejaakɛ yɛ lɛ ehiɛ lɛ miyeɔ bem, ni bo Nii hu, mitɔ̃ko onɔ.”

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Maleaki 3:17

Yehowa kɛɛ akɛ, “Gbɔmɛi nɛɛ baatsɔ̃mɔ mimɛi, mi diɛŋtsɛ minɔ krɛdɛɛ, gbi nɔ ni mibatsu minii lɛ. Mikɛ amɛhe baake amɛ tamɔ bɔ ni tsɛ Ataa kɛ ebi ni sɔmɔɔ lɛ lɛ he keɔ lɛ lɛ.

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Bɔfoi 12:23

Ni amrɔ lɛ nɔŋŋ lɛ, Nuŋtsɔ lɛ bɔfo tswa lɛ nɔ, ejaakɛ ekɛ anunyam lɛ hãaa Nyɔŋmɔ, ni gɔgɔmii ye lɛ, ni egbo.

Bɔfoi 16:17

Enyiɛ wɔ kɛ Paulo sɛɛ ni ebolɔɔ akɛ, “Nɛkɛ gbɔmɛi nɛɛ, Nyɔŋmɔ ni yɔɔ ŋwɛi shɔŋŋ lɛ tsuji ji amɛ, ni amɛmiijaje yiwalaheremɔ gbɛ lɛ amɛmiitsɔ̃ɔ nyɛ.”

Bɔfoi 18:9

Ni nyɔɔŋ lɛ Nuŋtsɔ lɛ kɛɛ Paulo yɛ ninaa mli akɛ, “Kaashe gbeyei, shi moŋ wiemɔ, ni okamua onaa,

Bɔfoi 23:11

Shi enɔ nyɔɔŋ lɛ Nuŋtsɔ lɛ badamɔ emasɛi ni ekɛɛ, “Paulo, hã otsui anyɔ omli, ejaakɛ bɔ ni oye mihe odase yɛ Yerusalɛm nɛɛ, ja oyaye odase nakai nɔŋŋ yɛ Roma hu.”

Bɔfoi 5:19

Shi nyɔɔŋ lɛ Nuŋtsɔ lɛ bɔfo bagbele tsu lɛ shinai lɛ, ni ejie amɛ ekɛɛ,

Bɔfoi 8:26

Shi Nuŋtsɔ lɛ bɔfo ko kɛ Filipo bawie akɛ, “Tee shi ni oya wuoyigbɛ yɛ tɛmpɔŋ ni kã shiaŋa lɛ nɔ kɛjɛ Yerusalɛm kɛyaa Gaza lɛ nɔ.”

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

Romabii 1:9

Ejaakɛ midasefonyo ji Nyɔŋmɔ, mɔ ni misɔmɔɔ yɛ mimumɔ mli yɛ eBi lɛ Sanekpakpa lɛ shiɛmɔ mli lɛ, akɛ mifɔ̃ko nyɛ kaimɔ dã,

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

1 Korintobii 6:20

Ejaakɛ ahe nyɛ kɛ jara ni wa. No hewɔ lɛ, nyɛkɛ nyɛgbɔmɔtsei lɛ awoa Nyɔŋmɔ hiɛ nyam.

5 Mose 32:9

Yehowa ŋɔ Yakob akɛ gboshinii ni ena; ejaakɛ egbɛfaŋnɔ ji emaŋbii lɛ.

2 Timoteo 1:3

Midaa Nyɔŋmɔ ni mijaa lɛ kɛ henilee krɔŋŋ tamɔ bɔ ni miniimɛi ja lɛ lɛ shi daa kɛ mikai bo yɛ mifaikpamɔi amli nyɔɔŋ kɛ shwane.

2 Timoteo 2:24

shi Nuŋtsɔ lɛ tsulɔ lɛ, esaaa akɛ ebeɔ, shi moŋ efee mɔ ni mli jɔ hã mɛi fɛɛ, mɔ ni le nitsɔɔmɔ, mɔ ni toɔ etsui shi,

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

Tito 1:1

Paulo, ni ji Nyɔŋmɔ tsulɔ kɛ Yesu Kristo bɔfo lɛ, ŋma wolo nɛɛ. Nyɔŋmɔ hala mi ni etsu mi koni mayawo Nyɔŋmɔ halamɔbii lɛ ahemɔkɛyeli kɛ Nyɔŋmɔjamɔ anɔkwale lɛ he nilee lɛ mli hewalɛ,

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 1:14

Ani amɛ fɛɛ lɛ, jeee mumɔ bɔfoi ni sɔ̃mɔɔ ji amɛ, ni atsuɔ amɛ ni amɛbasɔ̃mɔ mɛi ni nine baashɛ yiwalaheremɔ lɛ nɔ akɛ amɛgboshinii lɛ?

Kpojiemɔ 22:16

“Mi Yesu, mitsu mibɔfo lɛ koni ebaye nii nɛɛ ahe odase etsɔ̃ɔ nyɛ yɛ asafoi lɛ amli. Mi ji David shishifã lɛ kɛ eshwie lɛ, tooloo ni kpɛɔ lɛ.”