Bɔfoi 27:1 - ŊMALƐ KRƆŊKRƆŊ LƐ

¹ Ni be ni akpɛ mli akɛ wɔbaaya Italia lɛ, amɛŋɔ Paulo kɛ gboklɛfoi krokomɛi hu amɛwo asraafoiohaatsɛ ni atsɛɔ lɛ Yulio ni jɛ Augusto asafo lɛ mli lɛ dɛŋ.

Ṅmãle̱ Kroṅkroṅ Le̱

¹ Ni beni akpe mli ake̱ *wo̱baya Italia le̱, ame̱ṅõ Paulo ke̱ gbokle̱foi krokomei hũ ame̱wo asafoatše̱ ní atšé̱o̱le̱ Iulio ní dše̱ Augusto asafo le̱ mli le̱ deṅ. *25,12.

Bɔfoi 27:1 ပူးပေါင်းရင်းမြစ်များ

1 Mose 50:20

Tsɛbelɛ, nyɛ lɛ, nyɛto nyɛyiŋ akɛ nyɛaafee mi efɔŋ, shi Nyɔŋmɔ hã etsɔ̃ nɔ kpakpa; bɔ ni afee ni atsɔ̃ no nɔ ahere mɛi babaoo ayiwala, tamɔ bɔ ni eba mli ŋmɛnɛ nɛɛ.

Lalai 33:11

Yehowa yiŋtoi lɛ, hiɔ shi kɛyaa naanɔ; ni etsuiŋ susumɔi lɛ yɛ hã yinɔbii fɛɛ.

Lalai 76:10

Gbɔmɔ adesã mlila tete aaajie oyi. Mɛi ni aaaje gbele mli yɛ ta lɛ mli lɛ, aaaye ogbii juji lɛ.

Abe̱i 19:21

Yiŋtoi pii yɛ gbɔmɔ jwɛŋmɔŋ; shi nɔ ni Yehowa eto lɛ, no baa mli obɔ̃.

Yāfó 3:27

Ehi hã gbɔmɔ akɛ etereɔ ekɔŋtso lɛ yɛ eblahiiaŋ.

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Luka 23:47

Shi be ni asraafoiohaiatsɛ lɛ na nɔ ni efee lɛ, ewo Nyɔŋmɔ hiɛ nyam ni ekɛɛ, “Yɛŋ lɛɛlɛŋ akɛ nɛkɛ nuu nɛɛ jalɔŋ!”

Luka 7:2

Asraafoiohaiatsɛ ko yɛ jɛi ni etsulɔ ni eshwɛɛɛ ehe kwraa he miiye ni eehe egbo.

Bɔfoi 10:1

Shi nuu ko yɛ Kaisarea ni atsɛɔ lɛ Kornelio ni ji asraafoiohaatsɛ yɛ asraafoi akuu ni atsɛɔ lɛ Italia kuu lɛ mli.

Bɔfoi 10:22

Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

Bɔfoi 16:10

Shi be ni ena nii lɛ pɛ lɛ, amrɔ lɛ wɔtao akɛ wɔya Makedonia, ejaakɛ wɔkɔ sɛɛ akɛ Nuŋtsɔ lɛ etsɛ wɔ kɛmiiya jɛi koni wɔyajaje Sanekpakpa lɛ wɔtsɔ̃ɔ amɛ.

Bɔfoi 18:2

Ni eyana Yudafonyo ko ni atsɛɔ lɛ Akwila, ni afɔ lɛ yɛ Ponto, kɛ eŋa Priskila. Akwila jɛ Italia ba etsɛko. Eba ejaakɛ Kaisare Klaudio efã akɛ Yudafoi fɛɛ aje Roma. Ni Paulo tee amɛŋɔɔ;

Bɔfoi 19:21

Nii nɛɛ asɛɛ lɛ, Paulo to eyiŋ yɛ mumɔ lɛ mli akɛ eeeyatsɔ̃ Makedonia kɛ Akaia kɛya Yerusalɛm, ni ekɛɛ, “Kɛji mishɛ jɛi lɛ, ja miyakwɛ Roma hu.”

Bɔfoi 21:32

Ni amrɔ lɛ eŋɔ asraafoi kɛ asafoiatsɛmɛi ni ekɛ amɛ kpeleke shi kɛ foi kɛbanina amɛ. Be ni amɛna asafoiatsɛnukpa lɛ kɛ asraafoi lɛ, amɛfɔ̃ɔ Paulo yii.

Bɔfoi 22:26

Be ni asafoiatsɛ lɛ nu enɛ lɛ, etee asafoiatsɛnukpa lɛ ŋɔɔ ni eyakɛɛ lɛ akɛ, “Mɛni obaafee nɛɛ? Ejaakɛ nɛkɛ gbɔmɔ nɛɛ Romanyo ni.”

Bɔfoi 23:11

Shi enɔ nyɔɔŋ lɛ Nuŋtsɔ lɛ badamɔ emasɛi ni ekɛɛ, “Paulo, hã otsui anyɔ omli, ejaakɛ bɔ ni oye mihe odase yɛ Yerusalɛm nɛɛ, ja oyaye odase nakai nɔŋŋ yɛ Roma hu.”

Bɔfoi 23:17

Ni Paulo tsɛ asafoiatsɛmɛi lɛ ateŋ mɔ kome kɛba eŋɔɔ, ni ekɛɛ, “Ŋɔɔ nɛkɛ oblanyo nɛɛ ni okɛ lɛ aya asafoiatsɛnukpa lɛ ŋɔɔ, ejaakɛ eyɛ sane ko ni eyaakɛɛ lɛ.”

Bɔfoi 24:23

Ni efã asafoiatsɛ lɛ akɛ ekɛ Paulo ayato, ni ehã ena hejɔlɛ, ni kɛ ehe gbɔmɛi miiba lɛ sɔ̃ɔmɔ loo saramɔ lɛ ekatsi amɛ gbɛ.

Bɔfoi 25:12

Kɛkɛ ni Festo kɛ ajinafoi lɛ hala mli ni ekɛɛ akɛ, “Ni okɛ osane lɛ ehã Kaisare yeli nɛɛ, Kaisare ŋɔɔ nɔŋŋ oootee.”

Bɔfoi 25:25

Shi mi lɛ, mina akɛ efeko nɔ ko ni sa gbele. Ni akɛni lɛ diɛŋtsɛ hu etu esane lɛ ewo Kaisare dɛŋ hewɔ lɛ, mikpɛ mli akɛ mahã akɛ lɛ aya.

Bɔfoi 27:11

Shi asraafoiohaatsɛ lɛ heɔ kudɔɔtsɛ lɛ kɛ lɛlɛtsɛ lɛ eyeɔ fe wiemɔi ni Paulo wieɔ lɛ.

Bɔfoi 27:43

Shi akɛni asraafoiohaatsɛ lɛ taoɔ Paulo yiwala ehere hewɔ lɛ, etsi amɛyiŋtoo lɛ naa, ni efã akɛ mɛi ni le seremɔ lɛ tsutsu atu agbee ŋshɔ lɛ mli, ni amɛya shikpɔŋ;

Bɔfoi 27:6

Ni asraafoiohaatsɛ lɛ na Aleksandria lɛlɛ ko yɛ jɛi ni miiya Italia, ni ejie wɔ ewo no mli.

Bɔfoi 28:1

Ni be ni wɔje mli sɔŋŋ lɛ, no dani wɔbale akɛ ŋshɔkpɔ lɛ gbɛi ji Malita.

Bɔfoi 28:16

Ni be ni wɔbashɛ Roma lɛ, aŋmɛ Paulo gbɛ akɛ ekome ehi shi kɛ asraafonyo kome ni miibu ehe.

Hebribii 13:24

Wɔmiibi nyɛtsɔ̃ɔlɔi lɛ fɛɛ kɛ mɛi krɔŋkrɔŋi lɛ fɛɛ tswɛm. Mɛi ni jɛ Italia lɛ miibi nyɛ.