Bɔfoi 26:6 - ŊMALƐ KRƆŊKRƆŊ LƐ

⁶ Ni agbɛnɛ lɛ, shi ni Nyɔŋmɔ ewo wɔtsɛmɛi lɛ hiɛnɔkãmɔ lɛ hewɔ midãmɔ biɛ ni akojoɔ mi nɛɛ.

Ṅmãle̱ Kroṅkroṅ Le̱

⁶ Ni agbe̱ne̱ le̱, ši ní Nyoṅmo̱ ewo wo̱tše̱mei le̱ no̱hĩekãmo̱ le̱ hewo̱ midamo̱ bie̱ ni akodšoo̱mi ne̱, 28,20.

Bɔfoi 26:6 ပူးပေါင်းရင်းမြစ်များ

1 Mose 12:3

Majɔɔ mɛi ni jɔɔ bo, ni mɔ ni lomɔɔ bo lɛ, malomɔ lɛ; kɛtsɔ̃ onɔ lɛ aaajɔɔ shikpɔŋ lɛ nɔ wekui fɛɛ.”

1 Mose 22:18

Ni oshwiei lɛ amli aaajɛ ajɔɔ shikpɔŋ lɛ nɔ maji fɛɛ, ejaakɛ obo mi toi.’ ”

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Lalai 132:11

Yehowa kã David kitã yɛ anɔkwale mli, ni ekuŋ mli. Ekɛɛ akɛ, “Maŋɔ omusuŋbii lɛ eko mata omaŋtsɛ sɛi lɛ nɔ.

Lalai 132:17

Mahã Maŋtsɛ wulu ko ajɛ David shwiei lɛ amli, ni mahã mɔ ni mifɔ lɛ mu lɛ lumɔyeli lɛ ama shi.

Lalai 98:2

Yehowa ehã ale kunim ni eye lɛ; ejie edɛŋ yiwalaheremɔ lɛ kpo faŋŋ etsɔ̃ɔ yɛ majimaji lɛ ahiɛ.

Yesaia 4:2

Nakai be lɛ Yehowa tso nine lɛ baafee fɛo, ni ebaashwere, ni shikpɔŋ lɛ nɔ nibaanii aaafee shwãanɔ kɛ nyam ahã Israelbii ni eje hiɛkpãtãmɔ lɛ mli lɛ.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Ezekiel 21:27

Butumɔ! Butumɔ! Butumɔ mabutu maŋ lɛ. Anaŋ he okadi ko kwraa kɛyaashi mɔ gbɛnaa ni ji lɛ aaaba, ni lɛ maŋɔ hã.”

Ezekiel 37:24

Mitsulɔ David baaye amɛ nɔ maŋtsɛ, ni amɛ fɛɛ amɛaana lumɔ kome. Amɛbaakwɛ koni amɛye mimlai lɛ kɛ mikpɔi lɛ anɔ jogbaŋŋ.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Yoel 2:32

Shi mɔ fɛɛ mɔ ni aaasɔle atsɛ Yehowa gbɛi lɛ, aaahere eyi wala. Ni tamɔ bɔ ni Yehowa ekɛɛ lɛ. Mɛi komɛi ahe aaaje mli, yɛ Zion Gɔŋ, Yerusalɛm; mɛi ni mahala lɛ ayi aaana wala.”

Obadia 1:21

Tabilɔi kunimyelɔi aaajɛ Yerusalɛm ayatua Edom, ni amɛaaye enɔ; ni Yehowa diɛŋtsɛ aaaye Maŋtsɛ.”

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Mika 7:20

Obaajie onɔkwayeli kɛ osuɔmɔ ni tsakeee lɛ kpo otsɔ̃ɔ omaŋ lɛ, ni ji Abraham kɛ Yakob shwiei lɛ tamɔ bɔ ni owo wɔtsɛmɛi lɛ ashi blema bei lɛ amli beebe lɛ.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Zakaria 6:12

No sɛɛ lɛ, okɛɛ lɛ akɛ bɔ ni Yehowa, Taiatsɛ lɛ kɛɛ nɛ, ‘Naa, nuu lɛ ni egbɛi ji Tsonine lɛ, ebaada yɛ enajiaŋ, ni lɛ ebaama Yehowa Sɔlemɔ we lɛ.

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Maleaki 3:1

Yehowa, Taiatsɛ lɛ, kɛɛ akɛ, “Naa, miitsu mibɔfo lɛ kɛtsɔ̃ mihiɛ koni ebasaa gbɛ lɛ eto mi. Kɛkɛ lɛ Nuŋtsɔ ni nyɛtaoɔ lɛ lɛ baaba Sɔlemɔ we lɛ trukaa. Kpãŋmɔ Bɔfo lɛ ni nyɛshwe lɛ aahu lɛ aaashɛ shi.”

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Bɔfoi 23:6

Shi be ni Paulo yoo akɛ amɛfã kome lɛ Sadukifoi ni, ni amɛfã kroko lɛ Farisifoi ni lɛ, ebo yɛ akwaashɔŋ lɛ teŋ akɛ, “Anyɛmimɛi, naa, mi lɛ Farisifonyo ji mi kɛ Farisifonyo bi hu. Hiɛnɔkãmɔ kɛ gbohiiashitee lɛ hewɔ akojoɔ mi nɛɛ.”

Bɔfoi 24:15

ni miyɛ Nyɔŋmɔ nɔ hiɛnɔkãmɔ ni mɛnɛɛmɛi hu kwɛɔ gbɛ akɛ gbohiiashitee baaba lɛ, ni jalɔi kɛ mɛi ni ejaaa fɛɛ baate shi.

Bɔfoi 24:21

akɛ ja nɛkɛ wiemɔ kome ni be ni midamɔ amɛteŋ ni mibo akɛ, ‘Gbohiiashitee hewɔ nyɛkojoɔ mi ŋmɛnɛ gbi nɛɛ’ lɛ kɛkɛ.”

Bɔfoi 26:8

Mɛɛba mɔ ni nyɛbuɔ akɛ ebɛ mli akɛ Nyɔŋmɔ teɔ gbohii ashi lɛ?

Bɔfoi 28:20

Nɛkɛ sane nɛɛ hewɔ mitsɛ nyɛ kɛba koni mana nyɛ ni mikɛ nyɛ awie ejaakɛ Israel hiɛnɔkãmɔ lɛ hewɔ ni awo mi nɛkɛ kɔsɔŋkɔsɔ nɛɛ.”

Bɔfoi 3:24

Ni asaŋ gbalɔi fɛɛ hu ni wie kɛjɛ Samuel kɛ mɛi ni nyiɛ esɛɛ lɛ nɔ lɛ, amɛtsi nɛkɛ gbii nɛɛ atã amɛto.

Romabii 15:8

Shi miikɛɛ akɛ Yesu Kristo tsɔ̃ sɔ̃ɔlɔ ehã Yudafoi lɛ yɛ Nyɔŋmɔ anɔkwale lɛ hewɔ, koni ekɛmã shiwoi ni awo tsɛmɛi lɛ anɔ mi;

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;

5 Mose 18:15

“Yehowa, nyɛNyɔŋmɔ lɛ, baatee gbalɔ ko ni tamɔ mi shi yɛ nyɛ nyɛteŋ, ni lɛ toi esa akɛ nyɛbo.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.