Bɔfoi 26:5 - ŊMALƐ KRƆŊKRƆŊ LƐ

⁵ Ni kɛji amɛmiisumɔ akɛ amɛaaye he odase lɛ, amɛle mi sa kɛjɛ shishijee lɛ akɛ miba mijeŋ yɛ wɔjamɔ lɛ mli kuu ni yɔɔ veveeve fe fɛɛ lɛ tsɔ̃ɔmɔ naa akɛ Farisifonyo.

Ṅmãle̱ Kroṅkroṅ Le̱

⁵ ni ke̱dši ame̱mīsumo̱ ake̱ ame̱aye he odase le̱, ame̱lemi sá ke̱-dše̱ sisidšē le̱, ake̱ miba midšeṅ ye̱ wo̱dšámo̱ le̱ mli ku ní yo̱ vevëve fè fẽ le̱ nā, ake̱ Farisifonyo. 23,6. Fil. 3,5.

Bɔfoi 26:5 ပူးပေါင်းရင်းမြစ်များ

Bɔfoi 15:5

Shi mɛi komɛi ni jɛ Farisifoi lɛ akuu lɛ mli ni ehe eye lɛ te shi amɛkɛɛ akɛ, “Ja afolɔ amɛ ketia ni awo amɛ kitã akɛ amɛye Mose Mla lɛ nɔ.”

Bɔfoi 22:3

“Yudanyo ji mi, ni afɔ mi yɛ Tarso yɛ Kilikia moŋ, shi maŋ nɛɛ mli alɛ mi yɛ, ni Gamaliel naji anaa atsɔse mi yɛ, yɛ wɔtsɛmɛi lɛ amla lɛ naa fitsofitso, ni mihiɛ dɔɔ Nyɔŋmɔ sane he, tamɔ bɔ ni nyɛ fɛɛ nyɛfeɔ ŋmɛnɛ nɛɛ;

Bɔfoi 22:5

bɔ ni osɔfonukpa lɛ tete kɛ onukpai lɛ fɛɛ aaanyɛ aye mi odase. Amɛdɛŋ miŋɔ woji kɛjɛ ni kulɛ mikɛyaahã nyɛmimɛi ni yɔɔ Damasko lɛ, ni miyafimɔ mɛi ni yɔɔ jɛi lɛ hu kɛba Yerusalɛm koni agbala amɛ toi.

Bɔfoi 23:6

Shi be ni Paulo yoo akɛ amɛfã kome lɛ Sadukifoi ni, ni amɛfã kroko lɛ Farisifoi ni lɛ, ebo yɛ akwaashɔŋ lɛ teŋ akɛ, “Anyɛmimɛi, naa, mi lɛ Farisifonyo ji mi kɛ Farisifonyo bi hu. Hiɛnɔkãmɔ kɛ gbohiiashitee lɛ hewɔ akojoɔ mi nɛɛ.”

Bɔfoi 24:14

Shi nɔ ni migbaa mli faŋŋ mikɛɔ bo ji enɛ akɛ, tsɔ̃ɔmɔ ni amɛtsɛɔ lɛ akɛ amaletsɔ̃ɔmɔ lɛ, no nɔŋŋ naa mijaa wɔtsɛmɛi aNyɔŋmɔ lɛ yɛ, miheɔ nibii fɛɛ ni aŋma yɛ Mla lɛ kɛ gbalɔi lɛ amli lɛ miyeɔ,

Bɔfoi 24:5

Wɔna nuu nɛɛ akɛ mɔ ko ni fiteɔ mɛi ayiŋ ni emuɔ atuatsemɔ mumɔ ewoɔ Yudafoi fɛɛ ni yɔɔ jeŋ muu lɛ fɛɛ mli, ni asaŋ eji Nazaremɛi akuu lɛ naa kpãa.