Bɔfoi 26:23 - ŊMALƐ KRƆŊKRƆŊ LƐ

²³ bɔ ni Kristo lɛ baana amanehulu, bɔ ni ebaatsɔ̃ klɛŋklɛŋ mɔ yɛ gbohiiashitee lɛ mli ni ebaajaje la lɛ he sane etsɔɔ maŋ lɛ kɛ jeŋmaji lɛ.”

Ṅmãle̱ Kroṅkroṅ Le̱

²³ boni Kristo le̱ bana amanehũlũ, bo̱ni ebatšṍ *kleṅkleṅmo ye̱ gbohĩĩašite le̱ mli, ní ebadšadše la le̱ he sane etšõ maṅ le̱ ke̱ dšeṅmădši le̱. *1 Kor. 15,20.

Bɔfoi 26:23 ပူးပေါင်းရင်းမြစ်များ

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

Yesaia 42:6

“Mi ji Yehowa; mi mitsɛ bo yɛ jalɛ naa. Mimɔ onine mli, ni mibaa oyi; miŋɔ bo mifee kpãŋmɔ mihã maŋ lɛ kɛ la hã majimaji lɛ,

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Mateo 26:24

Gbɔmɔ Bi lɛ miiya tamɔ bɔ ni aŋma yɛ ehe lɛ moŋ; shi kpoo hã mɔ ni tsɔ̃ɔ Gbɔmɔ Bi lɛ sɛɛgbɛ lɛ; faŋ nɔ ni anaaa afɔ nakai gbɔmɔ lɛ.”

Mateo 27:53

ni eshitee lɛ sɛɛ lɛ amɛje kpo kɛjɛ amɛbui lɛ amli, ni amɛtee maŋ krɔŋkrɔŋ lɛ mli amɛyajie amɛhe kpo amɛtsɔ̃ɔ mɛi pii.

Luka 2:32

La ni aaahã jeŋmaji lɛ ahiɛ agbele, ni ewo omaŋ Israel hiɛ nyam lɛ.”

Luka 24:26

Ani jeee sa esa akɛ Kristo lɛ ana nɛkɛ amanehului nɛɛ ni ebote enunyam lɛ mli?”

Luka 24:46

Ni ekɛɛ amɛ akɛ, “Nɛkɛ aŋma, ni nɛkɛ esa akɛ Kristo lɛ ana amanehulu ni ete shi kɛjɛ gbohii ateŋ yɛ gbi ni ji etɛ̃ lɛ nɔ;

Yohane 10:18

Mɔ ko shɔ̃ɔɔ yɛ midɛŋ, shi moŋ mi diɛŋtsɛ mikɛŋmɛɔ shi; miyɛ hewalɛ akɛ mikɛŋmɛɔ shi, ni miyɛ hewalɛ akɛ miŋɔɔ ekoŋŋ; bɔ ni Tsɛ lɛ kɛɛ mi nɛ.”

Yohane 11:25

Yesu kɛɛ lɛ akɛ, “Mi lɛ mi ji shitee lɛ kɛ wala lɛ; mɔ ni heɔ minɔ yeɔ lɛ, kɛji egbo tete lɛ, ehiɛ aaakã;

Bɔfoi 13:34

“Shi akɛni etee lɛ shi kɛjɛ gbohii ateŋ ni ekuŋ esɛɛ kɛyaŋ fitemɔ mli dɔŋŋ hewɔ lɛ ekɛɛ akɛ, ‘Maŋɔ David dromɔnii krɔŋkrɔŋi ni he shiwoo ma shi shiŋŋ lɛ mahã nyɛ.’

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Bɔfoi 26:8

Mɛɛba mɔ ni nyɛbuɔ akɛ ebɛ mli akɛ Nyɔŋmɔ teɔ gbohii ashi lɛ?

Bɔfoi 3:18

shi nii ni Nyɔŋmɔ ekɛɛ eto momo yɛ egbalɔi lɛ fɛɛ anaa akɛ eKristo lɛ aaana amanehulu lɛ, ehã eba mli nakai.

Bɔfoi 3:24

Ni asaŋ gbalɔi fɛɛ hu ni wie kɛjɛ Samuel kɛ mɛi ni nyiɛ esɛɛ lɛ nɔ lɛ, amɛtsi nɛkɛ gbii nɛɛ atã amɛto.

1 Korintobii 15:3

Ejaakɛ saji ni he hiaa fe fɛɛ ni akɛhã mi ni mi hu mikɛhã nyɛ lɛ ji akɛ Kristo gbo yɛ wɔhe eshai lɛ ahewɔ yɛ ŋmalɛi lɛ anaa;

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

Kolosebii 1:18

Ni lɛ ji gbɔmɔtso lɛ ni ji asafo lɛ yitso, lɛ ji shishijee lɛ, gbohii ateŋ kromɔbi lɛ, bɔ ni afee ni efee klɛŋklɛŋ mɔ yɛ nii fiaa mli.

Hebribii 2:10

Ejaakɛ esa Nyɔŋmɔ mɔ hewɔ ni nii fiaa yɔɔ kɛ mɔ nɔ ni tsɔ̃ ni nii fiaa yɔɔ lɛ akɛ, bɔ ni afee ni eŋɔ bii babaoo kɛba anunyam mli lɛ, ehã amɛyiwalaheremɔ Tatsɛnukpa lɛ atsɔ̃ amanehului amli ahi kɛwula shi.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,