Bɔfoi 26:22 - ŊMALƐ KRƆŊKRƆŊ LƐ

²² Shi Nyɔŋmɔ yelikɛbuamɔ naa mikɛdamɔ shi kɛbashi ŋmɛnɛ gbi nɛɛ nɔ, ni miyeɔ odase mitsɔ̃ɔ mɛi bibii kɛ mɛi wuji nɛɛ, ni miwieee wiemɔ ko akɛ ja nii ni gbalɔi lɛ kɛ Mose hu ewie akɛ ebaaba lɛ,

Ṅmãle̱ Kroṅkroṅ Le̱

²² Ši Nyoṅmo̱ yeli-ke̱-buamo̱ nā mike̱damo̱ ši ke̱-baši ṅme̱ne̱ gbĩ ne̱ no̱, ni miyeo̱ odase mitšõo̱ mei bibii ke̱ mei wudši ne̱, ni miwiee wiemo̱ ko ake̱ dša nii ní *gbalo̱i le̱ ke̱ Mose hũ ewie ake̱ ebaba le̱, *Luk. 24,44-47.

Bɔfoi 26:22 ပူးပေါင်းရင်းမြစ်များ

Ezra 8:31

Klɛŋklɛŋ nyɔŋ lɛ nɔ gbi ni ji nyɔŋma kɛ enyɔ lɛ nɔ lɛ, wɔfã yɛ Ahawa Faa lɛ naa kɛmiiya Yerusalɛm. WɔNyɔŋmɔ lɛ bu wɔhe, ni ejie wɔ yɛ henyɛlɔi lɛ kɛ mɛi abɔ ni yawo wɔ ka yɛ gbɛteŋ lɛ hu adɛŋ.

Lalai 124:8

Wɔyelikɛbuamɔ yɛ Yehowa, mɔ ni bɔ ŋwɛi kɛ shikpɔŋ lɛ dɛŋ.

Lalai 18:47

Nyɔŋmɔ ni tɔɔ mihe owele, ni ebaa maji ashi ewoɔ mishishi lɛ.

Lalai 66:12

Ohã wɔhenyɛlɔi naanaa wɔnɔ; wɔtsɔ̃mɔ la kɛ fai amli, shi ojie wɔ kɛba he ni wɔfee shweshweeshwe yɛ.

Mateo 26:24

Gbɔmɔ Bi lɛ miiya tamɔ bɔ ni aŋma yɛ ehe lɛ moŋ; shi kpoo hã mɔ ni tsɔ̃ɔ Gbɔmɔ Bi lɛ sɛɛgbɛ lɛ; faŋ nɔ ni anaaa afɔ nakai gbɔmɔ lɛ.”

Luka 16:28

ejaakɛ miyɛ nyɛmimɛi enumɔ, bɔ ni afee ni eyaye odase kɛbɔ amɛ kɔkɔ koni amɛ hu amɛkaba piŋmɔhe nɛɛ.’

Luka 24:27

Ni ebɔ̃i kɛjɛ Mose kɛ Gbalɔi lɛ fɛɛ nɔ, ni etsɔ̃ɔ amɛ nibii ni yɔɔ Ŋmalɛi lɛ fɛɛ mli yɛ ehe lɛ ashishi.

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Luka 24:46

Ni ekɛɛ amɛ akɛ, “Nɛkɛ aŋma, ni nɛkɛ esa akɛ Kristo lɛ ana amanehulu ni ete shi kɛjɛ gbohii ateŋ yɛ gbi ni ji etɛ̃ lɛ nɔ;

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

Yohane 1:45

Filipo hu na Natanael, ni ekɛɛ lɛ akɛ, “Wɔna mɔ ni Mose ŋma ehe sane yɛ Mla lɛ mli, kɛ mɔ ni gbalɔi lɛ hu ŋma ehe sane lɛ, Yesu, Yosef bi ni jɛ Nazaret lɛ.”

Yohane 5:39

Nyɛtaoɔ ŋmalɛi lɛ amli, ejaakɛ nyɛ diɛŋtsɛ nyɛsusuɔ akɛ nomɛi amli nyɛnaa naanɔ wala yɛ; ni nomɛi nɔŋŋ ji nii ni yeɔ mihe odase lɛ.

Yohane 5:46

Shi eji nyɛhe Mose nyɛye kulɛ, mi hu nyɛaahe mi nyɛye; ejaakɛ mihe sane eŋma lɛ.

Bɔfoi 10:43

Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Bɔfoi 13:29

Ni be ni amɛhã nibii fɛɛ ni aŋma yɛ ehe lɛ eba mli lɛ, amɛ jie lɛ yɛ tso lɛ nɔ, ni amɛyato lɛ yɛ gbonyobu ko mli.

Bɔfoi 24:14

Shi nɔ ni migbaa mli faŋŋ mikɛɔ bo ji enɛ akɛ, tsɔ̃ɔmɔ ni amɛtsɛɔ lɛ akɛ amaletsɔ̃ɔmɔ lɛ, no nɔŋŋ naa mijaa wɔtsɛmɛi aNyɔŋmɔ lɛ yɛ, miheɔ nibii fɛɛ ni aŋma yɛ Mla lɛ kɛ gbalɔi lɛ amli lɛ miyeɔ,

Bɔfoi 26:17

Ni majie bo kɛjɛ maŋ lɛ kɛ jeŋmaji lɛ ni mitsuɔ bo kɛya amɛŋɔɔ nɛɛ adɛŋ,

Bɔfoi 26:6

Ni agbɛnɛ lɛ, shi ni Nyɔŋmɔ ewo wɔtsɛmɛi lɛ hiɛnɔkãmɔ lɛ hewɔ midãmɔ biɛ ni akojoɔ mi nɛɛ.

Bɔfoi 28:23

Ni be ni amɛto lɛ gbi lɛ, amɛteŋ mɛi pii ba eŋɔɔ yɛ etoohe lɛ, ni kɛjɛ leebi kɛyashi gbɛkɛ lɛ, ejaje Nyɔŋmɔ maŋtsɛyeli lɛ he sane etsɔ̃ɔ amɛ, ni eye he odase faŋŋ, ni ejɛ Mose Mla lɛ kɛ gbalɔi lɛ amli etao ni amɛyiŋ atsɔ̃ kɛba Yesu gbɛfaŋ.

Romabii 3:21

Shi agbɛnɛ lɛ ashi Mla lɛ sɛɛ ajie Nyɔŋmɔ jalɛ lɛ kpo faŋŋ, ni no he odase Mla lɛ kɛ gbalɔi lɛ yeɔ;

1 Korintobii 15:3

Ejaakɛ saji ni he hiaa fe fɛɛ ni akɛhã mi ni mi hu mikɛhã nyɛ lɛ ji akɛ Kristo gbo yɛ wɔhe eshai lɛ ahewɔ yɛ ŋmalɛi lɛ anaa;

1 Korintobii 15:4

ni afu lɛ, ni atee lɛ shi ekoŋŋ yɛ gbi ni ji etɛ̃ lɛ nɔ yɛ ŋmalɛi lɛ anaa;

2 Timoteo 3:11

miyiwai, mimanehului ni mina yɛ Antiokia kɛ Ikonium kɛ Listra lɛ, nɔ yiwai srɔtoi abɔ ni mina ni Nuŋtsɔ lɛ jie mi kɛjɛ fɛɛ mli lɛ.

Kpojiemɔ 11:18

Ni jeŋmaji lɛ amli efu. Ni omlifu be lɛ eshɛ kɛ be ni abaakojo gbohii lɛ. Ni abaawo otsuji ni ji gbalɔi lɛ kɛ krɔŋkrɔŋbii lɛ kɛ mɛi ni sheɔ ogbɛi lɛ gbeyei, mɛi bibii kɛ mɛi wuji lɛ anyɔmɔ. Ni abaafite mɛi ni fiteɔ shikpɔŋ lɛ!”

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

1 Samuel 7:12

Kɛkɛ ni Samuel wo tɛ ekɛma shi yɛ Mizpa kɛ Shem teŋ, ni ewo lɛ gbɛi akɛ “Ebenezer” ejaakɛ ekɛɛ, “Biɛ Yehowa eye ebua wɔ kɛbashi.”