Bɔfoi 26:20 - ŊMALƐ KRƆŊKRƆŊ LƐ

²⁰ shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Ṅmãle̱ Kroṅkroṅ Le̱

²⁰ ši moṅ midšadše mitšõ mei ní yo̱ Damasko le̱ tšutšu, ke̱ mei ní yo̱ Ierusalem ke̱ Iudea šikpoṅ le̱ no̱ fē, ke̱ dšeṅmãdši le̱ hũ, ake̱ ame̱tšake ame̱tšui ni ame̱kpale ke̱-ba Nyoṅme̱ ṅõ ni ame̱tšu nii ni sa tšuitšakemo̱.

Bɔfoi 26:20 ပူးပေါင်းရင်းမြစ်များ

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Yesaia 55:7

Ha mɔ fɔŋ lɛ akwa ejeŋba fɔŋ lɛ; ni nɔshafeelɔ atsake ejwɛŋmɔ. Ha eku esɛɛ kɛba Yehowa ŋɔɔ ni emusuŋ aaatsɔ lɛ yɛ ehewɔ. Ekpale kɛba wɔNyɔŋmɔ lɛ ŋɔɔ, ni ekɛaafa lɛ aahu.

Yeremia 18:11

No hewɔ lɛ, agbɛnɛ kɛɛmɔ Yudabii lɛ kɛ Yerusalɛm maŋbii lɛ akɛ nɔ ni mi, Yehowa, mikɛɔ amɛ nɛ, ‘Naa, misusu nyɛhe efɔŋ, ni mikɔ nyɛyi tɛ. No hewɔ lɛ, nyɛteŋ mɔ fɛɛ mɔ akpa ejeŋba gbonyo lɛ, ni etsake esu kɛ enifeemɔnii fɔŋ lɛ.’

Yeremia 35:15

Mitsu mitsuji, ni ji gbalɔi lɛ nyɛŋɔɔ shii abɔ kɛ wiemɔ akɛ, ‘Nyɛteŋ mɔ fɛɛ mɔ ashi ejeŋba gbonyo lɛ sɛɛ koni etsake, ni nyɛkayanyiɛa nyɔŋmɔi krokomɛi asɛɛ ni nyɛsɔ̃mɔ amɛ; ja no dani nyɛaahi shikpɔŋ ni mikɛhãa nyɛ kɛ nyɛtsɛmɛi lɛ nɔ. Shi nyɛbooo mi toi, ni nyɛfeee nɔ ni mikɛɛ lɛ.

Yāfó 3:40

Nyɛhãa wɔtaoa wɔjeŋba mli wɔkwɛa koni wɔkpale kɛba Yehowa ŋɔɔ.

Hosea 12:6

Nyɛ hu, enɛ hewɔ lɛ nyɛhea nyɛNyɔŋmɔ lɛ nɔ nyɛyea, ni nyɛkpalea kɛbaa eŋɔɔ. Nyɛnaa mɛi amɔbɔ; nyɛyea jalɛ sane, ni nyɛyea anɔkwa daa kɛkwɛa lɛ gbɛ.”

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 3:8

Belɛ nyɛwoa yibii ni sa tsuitsakemɔ mɔ!

Mateo 4:17

Kɛjɛ no nɔ lɛ Yesu bɔ̃i shiɛmɔ ni ekɛɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ!”

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Marko 6:12

Ni amɛyiŋ amɛtee, ni amɛyashiɛ amɛtsɔ̃ɔ mɛi akɛ amɛtsake amɛtsui.

Luka 1:16

Ni eeekpale Israelbii lɛ ateŋ mɛi pii kɛaaba Nuŋtsɔ, amɛNyɔŋmɔ lɛ; ŋɔɔ.

Luka 13:3

Miikɛɛ nyɛ akɛ ebɛ mli nakai, shi moŋ kɛ nyɛtsakeee nyɛtsui lɛ, nyɛ fɛɛ nyɛhiɛ baakpãtã nakai nɔŋŋ.

Luka 13:5

Miikɛɛ nyɛ akɛ ebɛ mli nakai, shi moŋ, kɛ nyɛtsakeee nyɛtsui lɛ, nyɛ fɛɛ nyɛhiɛ baakpãtã nakai nɔŋŋ.”

Luka 15:10

Nakai nɔŋŋ, miikɛɛ nyɛ akɛ, Nyɔŋmɔ bɔfoi lɛ naa miishɛɛ yɛ eshafeelɔ kome ni tsakeɔ etsui lɛ hewɔ.”

Luka 15:7

Miikɛɛ nyɛ akɛ nakai nɔŋŋ miishɛɛ aaaba ŋwɛi yɛ eshafeelɔ kome ni tsakeɔ etsui lɛ hewɔ fe jalɔi nyɔŋmai nɛɛhu kɛ nɛɛhu ni tsuitsakemɔ he ehiaaa amɛ lɛ.”

Bɔfoi 11:18

Shi be ni amɛnu wiemɔi nɛɛ lɛ, amɛmua amɛnaa, ni amɛwo Nyɔŋmɔ hiɛ nyam moŋ amɛkɛɛ, “Belɛ jeŋmaji lɛ hu Nyɔŋmɔ ehã amɛ tsuitsakemɔ ni akɛhere amɛyiwala!”

Bɔfoi 15:19

“No hewɔ lɛ, nɔ ni mikɛɔ ji akɛ akagba mɛi ni eku amɛsɛɛ kɛjɛ jeŋmaji lɛ amli kɛba Nyɔŋmɔ ŋɔɔ lɛ anaa tuutu;

Bɔfoi 17:30

No hewɔ lɛ, bei ni aleee lɛ Nyɔŋmɔ eku ehiɛ efɔ̃ nɔ, shi agbɛnɛ lɛ eewo gbɔmɛi fɛɛ ni yɔɔ he fɛɛ he kitã akɛ amɛtsake amɛtsui,

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 26:17

Ni majie bo kɛjɛ maŋ lɛ kɛ jeŋmaji lɛ ni mitsuɔ bo kɛya amɛŋɔɔ nɛɛ adɛŋ,

Bɔfoi 26:19

“No hewɔ lɛ, Maŋtsɛ Agripa, migbooo nɔ ni ajie kpo kɛjɛ ŋwɛi atsɔɔ mi lɛ nɔ toi;

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Bɔfoi 9:35

Ni mɛi fɛɛ ni yɔɔ Lida kɛ Sharon lɛ na lɛ, ni amɛtsake ni amɛba Nuŋtsɔ lɛ ŋɔɔ.

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

2 Korintobii 3:16

shi kɛ amɛku amɛsɛɛ kɛba Nuŋtsɔ lɛ ŋɔɔ lɛ, aaajie hiɛhaanɔ lɛ.

2 Korintobii 7:10

Ejaakɛ dɔlɛ ni sa Nyɔŋmɔ hiɛ lɛ tsɛɔ tsuitsakemɔ kɛbaa, tsuitsakemɔ ni kɛ mɔ yaa yiwalaheremɔ ni ashwaaa he yɛ he lɛ mli; shi je nɛɛ mli dɔlɛ lɛ tsɛɔ gbele.

Efesobii 4:17

No hewɔ lɛ, miikɛɛ ni miima nɔ mi yɛ Nuŋtsɔ lɛ mli, akɛ nyɛkanyiɛ tamɔ bɔ ni jeŋbii lɛ nyiɛɔ yɛ amɛyaka jwɛŋmɔ lɛ mli lɛ dɔŋŋ,

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

Kpojiemɔ 16:11

Ni amɛwie musubɔɔ wiemɔi amɛshi ŋwɛi Nyɔŋmɔ lɛ yɛ nɔnai lɛ kɛ amɛfaji lɛ ahewɔ, ni amɛtsakeee amɛtsui yɛ amɛnitsumɔi fɔ̃ji lɛ ahe.

Kpojiemɔ 2:21

Ni mihã lɛ be koni ekɛtsake etsui, shi esumɔ̃ɔɔ akɛ etsake ni efɔ̃ɔ ejwamaŋbɔɔ lɛ.

Kpojiemɔ 2:5

No hewɔ lɛ, kaimɔ he ni ojɛ ogbee shi lɛ, ni otsake otsui, ni otsu tsutsu nitsumɔi lɛ. Shi kɛ jeee nakai lɛ, maba onɔ oya ni matsi okanetso lɛ kɛaajɛ egbɛhe lɛ, belɛ ja oshwa ohe.

Kpojiemɔ 3:3

No hewɔ lɛ, kaimɔ nɔ ni ona ni onu lɛ, ni oye nɔ, ni otsake otsui. Shi kɛ ohiɛ etsɛ̃ɛɛ lɛ, maba tamɔ julɔ, ni oleŋ nɔ ŋmɛlɛtswaa nɔ ni maba onɔ kwraa.