Bɔfoi 26:18 - ŊMALƐ KRƆŊKRƆŊ LƐ

¹⁸ ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Ṅmãle̱ Kroṅkroṅ Le̱

¹⁸ ní oyagble ame̱hĩṅme̱ii, koni ame̱kpale ke̱-dše̱ duṅ mli ke̱-ba la he, ke̱-dše̱ abonsam hewale̱ mli ke̱-ba Nyoṅme̱ ṅõ, ni ame̱ná ame̱he ešai fã ke̱ *gbošinii ye̱ mei ní ake̱ mino̱ hemo̱-ke̱-yeli efeame̱ kroṅkroṅ le̱ ateṅ. *20,32.

Bɔfoi 26:18 ပူးပေါင်းရင်းမြစ်များ

Lalai 119:18

Gbelemɔ mihiŋmɛii koni mana omla lɛ mli naakpɛɛnii lɛ.

Lalai 146:8

Yehowa gbeleɔ shwilafoi ahiŋmɛii; Yehowa holeɔ mɛi ni edɔrɔ kɔmɔɔ lɛ anɔ; Yehowa sumɔɔ jalɔi.

Yesaia 29:18

Nakai gbi lɛ nɔ lɛ, toimulɔi tete baanu wolo lɛ mli wiemɔi ni shwilafoi ahiŋmɛii anɔ ni ewo duŋ lɛ aaatse, ni amɛaana nii.

Yesaia 32:3

Amɛteŋ mɛi ni hiŋmɛi nɔ tse baana nɔ fɛɛ nɔ faŋŋ, ni mɛi hu ni toiiaŋ tse baabo nɔ fɛɛ nɔ toi jogbaŋŋ.

Yesaia 35:5

Kɛkɛ lɛ aaagbele shwilafoi ahiŋmɛii, ni aaagbele toimulɔi hu atoii;

Yesaia 42:16

Ni makpala shwilafoi kɛtsɔ̃ tɛmpɔŋi ni amɛtsɔ̃ko nɔ dã nɔ; mabu amɛhe kɛtsɔ̃ nanegbɛ ni aleee nɔ. Mahã amɛhiɛ duŋ lɛ atsɔ̃ la, ni hei ni yɔɔ dokoidokoi lɛ afee trɛnɛɛ. Nii nɛɛ mafee mahã amɛ, ni mikwaŋ amɛ.

Yesaia 42:7

koni ogbele shwilafoi ahiŋmɛii, ni ojie gboklɛfoi yɛ gboklɛfoi atsuŋ; koni ojie gboklɛfoi ni tara kpabuŋ duŋ mli lɛ.

Yesaia 43:8

Nyɔŋmɔ kɛɛ, “Tsɛ mimaŋbii lɛ kɛba kojomɔ. Amɛyɛ hiŋmɛii shi amɛnaaa nii; amɛyɛ toii, shi amɛnuuu nii.

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 9:2

Mɛi ni nyiɛ duŋ mli lɛ, ena la kpeteŋkple ko; mɛi ni hi duŋ kabitii shikpɔŋ nɔ lɛ, la ekpɛ ehã amɛ.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Mateo 4:16

Maŋ ni ta duŋ mli lɛ, ena la kpeteŋkple, ni mɛi ni tara gbele shikpɔŋ, kɛ ehɔ̃ɔŋ mli lɛ, la ete shi ehã amɛ!”

Luka 1:77

koni okɛ walaheremɔ he nilee ahã omaŋ lɛ yɛ amɛhe eshaifaa

Luka 1:79

Koni ehã jeŋ atse ahã mɛi ni tara duŋ kɛ gbele hɔɔŋ mli lɛ, Ni akudɔ wɔnaji kɛya hejɔlɛ gbɛ lɛ nɔ.”

Luka 2:32

La ni aaahã jeŋmaji lɛ ahiɛ agbele, ni ewo omaŋ Israel hiɛ nyam lɛ.”

Luka 24:45

Kɛkɛ lɛ egbele amɛjwɛŋmɔ naa, koni amɛna Ŋmalɛi lɛ anaa.

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Yohane 17:17

Feemɔ amɛ krɔŋkrɔŋ yɛ anɔkwale lɛ mli; owiemɔ lɛ anɔkwaleŋ.

Yohane 3:19

Shi kojomɔ lɛ nɛ, akɛ la lɛ eba je lɛ mli, ni gbɔmɛi sumɔɔ duŋ lɛ moŋ fe la lɛ, ejaakɛ amɛnitsumɔi lɛ efɔ̃ɔji ni;

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Yohane 9:39

Ni Yesu kɛɛ, “Kojomɔ hewɔ miba je nɛɛŋ, koni mɛi ni enaaa nii lɛ ana nii, ni mɛi ni naa nii lɛ atsɔ̃mɔ shwilafoi.”

Yohane 9:5

Gbii abɔ ni miyɔɔ je lɛ mli nɛɛ, je lɛ la ji mi.”

Bɔfoi 10:43

Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Bɔfoi 13:47

Ejaakɛ nakai Nuŋtsɔ lɛ wo wɔ kitã akɛ, ‘Miŋɔ bo midamɔ shi akɛ jeŋmaji lɛ ala, koni otsɔ̃ yiwalaheremɔ kɛyashi shikpɔŋ lɛ naagbee hei lɛ.’ ”

Bɔfoi 15:9

ni ejieee niiaŋ yɛ wɔ kɛ amɛ teŋ, ejaakɛ ekɛ hemɔkɛyeli tsuɔ amɛtsuii ahe.

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 20:32

“Ni agbɛnɛ lɛ, anyɛmimɛi, miitu nyɛ miiwo Nyɔŋmɔ kɛ edromɔ wiemɔ lɛ dɛŋ; lɛ eyɔɔ hewalɛ ni ekɛaahã nyɛnane amɔ shi ni ekɛ gboshinii lɛ ahã nyɛ yɛ mɛi fɛɛ ni atsuu amɛhe lɛ ateŋ.

Bɔfoi 26:19

“No hewɔ lɛ, Maŋtsɛ Agripa, migbooo nɔ ni ajie kpo kɛjɛ ŋwɛi atsɔɔ mi lɛ nɔ toi;

Bɔfoi 26:23

bɔ ni Kristo lɛ baana amanehulu, bɔ ni ebaatsɔ̃ klɛŋklɛŋ mɔ yɛ gbohiiashitee lɛ mli ni ebaajaje la lɛ he sane etsɔɔ maŋ lɛ kɛ jeŋmaji lɛ.”

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Bɔfoi 5:31

lɛ enɔ Nyɔŋmɔ wo kɛtee eninejurɔ nɔ, ni ewo lɛ lumɔ kɛ yiwalaherelɔ, koni ehã Israel ana tsuitsakemɔ kɛ eshaifaa.

Romabii 8:17

Ni kɛ bii ji wɔ lɛ, belɛ niyelɔi hu ji wɔ, Nyɔŋmɔ niyelɔi kɛ Kristo nanemɛi niyelɔi; kɛji wɔ kɛ lɛ na amanehulu lɛ, koni awo wɔ kɛ lɛ hiɛ nyam hu.

1 Korintobii 1:2

ŋma wolo nɛɛ yahã Nyɔŋmɔ asafo ni yɔɔ Korinto lɛ, ni ji mɛi ni atsuu amɛhe yɛ Kristo Yesu mli lɛ. Mɛi krɔŋkrɔŋi ni atsɛ amɛ kɛ mɛi fɛɛ ni yɔɔ he fɛɛ he ni tsɛɔ wɔNuŋtsɔ Yesu Kristo ni ji wɔ kɛ amɛ fɛɛ Nuŋtsɔ lɛ gbɛi lɛ.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

2 Korintobii 6:14

Nyɛkɛ mɛi ni heee yeee lɛ akagbalaa kɔŋtso kome, akɛni amɛkɛ nyɛ yeee hegbɔ lɛ. Ejaakɛ mɛɛ bɔɔ jalɛ kɛ mlatɔ̃mɔ yɔɔ? Aloo mɛɛ yeli la kɛ duŋ yɔɔ?

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Galatabii 3:14

koni Abraham jɔɔmɔ lɛ aba jeŋmaji lɛ anɔ yɛ Kristo Yesu mli, ni wɔkɛ hemɔkɛyeli ana Mumɔ ni awo he shi lɛ.

Galatabii 3:2

Enɛ kɛkɛ mitaoɔ male yɛ nyɛnaa: Mumɔ lɛ ni nyɛna lɛ, Mla nitsumɔi amli nyɛna kɛjɛ, aloo hemɔkɛyeli ni nyɛkɛ bo Sanekpakpa lɛ toi mli?

Efesobii 1:11

Lɛ emli wɔna gboshinii lɛ hu yɛ, wɔ mɛi ni ajie wɔ ato yɛ mɔ ni tsuɔ nibii fiaa lɛ gbɛjianɔtoo naa, yɛ eyiŋ ni eto bɔ ni lɛ diɛŋtsɛ esumɔɔ lɛ naa,

Efesobii 1:14

Mumɔ Krɔŋkrɔŋ lɛ ji wɔgboshinii lɛ ayibaafoonɔ kɛyashi Nyɔŋmɔ aaakpɔ̃ mɛi ni ji lɛ diɛŋtsɛ enii lɛ hã enunyam lɛ yijiemɔ.

Efesobii 1:18

Nyɛmligbɛ hiŋmɛii anɔ atse, koni nyɛna nyɛle nɔ ni ji hiɛnɔkãmɔ ni yɔɔ etsɛmɔ lɛ mli, kɛ egboshinii lɛ anunyam lɛ falɛ yɛ mɛi krɔŋkrɔŋi amli,

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Efesobii 2:8

Ejaakɛ dromɔ akɛhere nyɛyiwala kɛtsɔ hemɔkɛyeli nɔ, ni enɛ lɛ, jeee nyɛmli ejɛ, Nyɔŋmɔ nɔkeenɔ ni,

Efesobii 4:18

ejaakɛ amɛjwɛŋmɔ mli ewo duŋ. Ni mɛi kpɔ̃ji ji amɛ yɛ Nyɔŋmɔ wala gbɛfaŋ, akɛni nilee ekaaa amɛ ni amɛtsui hu ekpliŋ lɛ.

Efesobii 5:11

ni nyɛkatsua duŋ nitsumɔi ni wooo yibii lɛ eko, shi nyɛjiea amɛ shi.

Efesobii 5:14

No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

Efesobii 5:8

Ejaakɛ sa lɛ duŋ ji nyɛ, shi agbɛnɛ lɛ nyɛtsɔ̃mɔ la yɛ Nuŋtsɔ lɛ mli; nyɛnyiɛa tamɔ la bii.

Efesobii 6:12

Ejaakɛ jeee gbɔmɛi wɔkɛna lɛ, shi moŋ wɔkɛ onukpayelii kɛ hegbɛi kɛ je nɛɛŋ duŋ lɛ mli lumɛi lɛ kɛ mumɔi fɔ̃ji ni yɔɔ ŋwɛiniiaŋ lɛ.

2 Timoteo 2:26

Ni amɛhiɛ aaatserɛ amɛ ni amɛaaje abonsam tsɔne lɛ mli lo; ejaakɛ ekɛdu amɛ ni amɛfee esuɔmɔnaanii.

Hebribii 10:10

Nakai suɔmɔnaa nii lɛ mli atsuu wɔhe yɛ kɛtsɔ̃ Yesu Kristo gbɔmɔtso ni ekɛhã shi kome nyɔŋlo lɛ nɔ.

Hebribii 10:14

Ejaakɛ afɔle kome ni eshã lɛ, ekɛhã mɛi ni atsuu amɛhe lɛ ehi kɛwula shi nyɔŋlo.

Hebribii 11:6

Shi kɛji hemɔkɛyeli bɛ lɛ anyɛŋ Nyɔŋmɔ hiɛ asa; ejaakɛ mɔ ni baa Nyɔŋmɔ ŋɔɔ lɛ, ja ehe eye akɛ eyɛ, ni eji mɛi ni taoɔ esɛɛgbɛ lɛ anyɔmɔwolɔ hu.

Hebribii 9:15

Ni enɛ hewɔ ni eji kpãŋmɔ hee mlidaamɔlɔ lɛ, bɔ ni afee ni mɛi ni Nyɔŋmɔ etsɛ amɛ lɛ anine ashɛ naanɔ gboshinii lɛ ni ewo he shi lɛ nɔ, akɛni ekɛ egbele kpɔ̃ amɛ kɛjɛ klɛŋklɛŋ kpãŋmɔ lɛ nɔtɔmɔi lɛ amli lɛ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

1 Petro 1:4

No hewɔ lɛ, wɔmiikwɛ gboshinii ni fiteee ni he bɛ kpa ko ni ekwaaa, ni akɛto yɛ ŋwɛi ahã wɔ lɛ gbɛ.

1 Petro 2:25

Ejaakɛ kulɛ nyɛtamɔ toi ni elaaje, shi agbɛnɛ lɛ nyɛku nyɛsɛɛ kɛba nyɛsusumai alɛlɔ kɛ nɔkwɛlɔ lɛ ŋɔɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

1 Yohane 2:12

Miiŋma nyɛ, mibii bibii, ejaakɛ akɛ nyɛhe eshai lɛ efa nyɛ yɛ Kristo gbɛi lɛ hewɔ.

1 Yohane 3:8

Mɔ ni feɔ esha lɛ, ejɛ abonsam mli; ejaakɛ kɛjɛ shishijee beebe lɛ, abonsam feɔ esha. Enɛ hewɔ Nyɔŋmɔ Bi lɛ jie ehe kpo koni efite abonsam nitsumɔi lɛ.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

Yuda 1:1

Yuda, ni ji Yesu Kristo tsulɔ kɛ Yakobo nyɛmi lɛ; ŋma yahã mɛi ni atsɛ amɛ ni afee amɛ krɔŋkrɔŋ yɛ Tsɛ Nyɔŋmɔ lɛ mli ni akɛ amɛ eto ahã Yesu Kristo lɛ.

Kpojiemɔ 21:27

Ni nɔ ko nɔ ko ni he tseee kɛ mɔ ni feɔ nihiinii kɛ mɔ ni maleɔ boteŋ mli kwraa akɛ ja mɛi ni aŋma amɛgbɛi yɛ Toobi lɛ wala wolo lɛ mli lɛ kɛkɛ.