Bɔfoi 22:30 - ŊMALƐ KRƆŊKRƆŊ LƐ

³⁰ Shi akɛni eetao ele nɔ hewɔ krɛdɛɛ ni Yudafoi lɛ folɔɔ enaa hewɔ lɛ, enɔ jetsɛremɔ lɛ efɛne lɛ, ni efã akɛ osɔfonukpai lɛ kɛ akwaashɔŋ lɛ fɛɛ aba, ni ekɛ Paulo kpeleke shi, ni ekɛ lɛ yadamɔ amɛhiɛ.

Ṅmãle̱ Kroṅkroṅ Le̱

³⁰ Ši ake̱-ní ētao ele nõ hewo̱ kre̱dē̱ ní Iudafoi le̱ flo̱ö̱ enā hewo̱ le̱, dšetše̱reno̱ le̱ efẽnele̱, ni efã́ ake̱ oso̱fonukpai le̱ ke̱ ame̱kuašoṅ le̱ fẽ aba, ni eke̱ Paulo kpleke, ši, ni eke̱le̱ yadamo̱ ame̱hĩe.

Bɔfoi 22:30 ပူးပေါင်းရင်းမြစ်များ

Mateo 10:17

“Shi nyɛhĩɛ ahia nyɛhe nɔ yɛ gbɔmɛi ahewɔ; ejaakɛ amɛaaŋɔ nyɛ kɛaatee kojomɔhei, ni amɛaayi nyɛ yɛ amɛkpeehei lɛ.

Mateo 27:2

Ni amɛfi lɛ ni amɛkpala lɛ kɛtee amɛyahã Amralo Pontio Pilato.

Mateo 5:22

Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ.

Bɔfoi 21:11

ni be ni eba wɔŋɔɔ lɛ, ekɔ Paulo hɛfiinɔ lɛ ni ekɛfi lɛ diɛŋtsɛ eniji kɛ enaji ekɛɛ, “Bɔ ni Mumɔ Krɔŋkrɔŋ lɛ kɛɛ nɛ, ‘Nuu mɔ nɔ̃ ni ji hɛfiinɔ nɛɛ, nɛkɛ Yudafoi lɛ baafi lɛ yɛ Yerusalɛm, ni amɛaaŋɔ lɛ amɛwo jeŋmajiaŋbii lɛ adɛŋ.’ ”

Bɔfoi 21:33

Kɛkɛ ni asafoiatsɛnukpa lɛ tsi bɛŋkɛ ni emɔ emli, ni efã akɛ awo lɛ kɔsɔŋkɔsɔi enyɔ, ni ebi mɔ ni ji lɛ kɛ nɔ ni efee.

Bɔfoi 22:5

bɔ ni osɔfonukpa lɛ tete kɛ onukpai lɛ fɛɛ aaanyɛ aye mi odase. Amɛdɛŋ miŋɔ woji kɛjɛ ni kulɛ mikɛyaahã nyɛmimɛi ni yɔɔ Damasko lɛ, ni miyafimɔ mɛi ni yɔɔ jɛi lɛ hu kɛba Yerusalɛm koni agbala amɛ toi.

Bɔfoi 23:1

Ni Paulo tɛje ehiɛ ekwɛ akwaashɔŋ lɛ hiɛ kɛkpe ni ekɛɛ, “Ataamɛi kɛ anyɛmimɛi! Mi lɛ, henilee kpakpa sɔŋŋ mikɛba mijeŋ yɛ Nyɔŋmɔ hiɛ kɛbashi ŋmɛnɛ gbi nɛɛ.”

Bɔfoi 23:15

No hewɔ lɛ, agbɛnɛ nyɛkɛ akwaashɔŋ lɛ fɛɛ ayakɛa asafoiatsɛ nukpa lɛ, koni (wɔ lɛ) ekɛ lɛ akpeleke shi kɛba nyɛŋɔɔ, tamɔ nɔ ni esane lɛ mli nyɛbaatao fitsofitso, shi wɔ lɛ, dani eeeshɛ nyɛŋɔɔ lɛ, wɔsaa wɔhe ni wɔgbe lɛ.”

Bɔfoi 23:20

Ni ekɛɛ, “Yudafoi lɛ efee ekome akɛ amɛbaakpa bo fai, ni wɔ ni okɛ Paulo akpeleke shi kɛba akwaashɔŋ lɛ hiɛ, tamɔ nɔ ni esane lɛ mli amɛbaatao fitsofitso.

Bɔfoi 23:28

Shi akɛni miitao male nɔ sane hewɔ ni amɛfolɔɔ enaa lɛ, mikɛ lɛ tee amɛkuashɔŋ lɛ hiɛ,

Bɔfoi 23:6

Shi be ni Paulo yoo akɛ amɛfã kome lɛ Sadukifoi ni, ni amɛfã kroko lɛ Farisifoi ni lɛ, ebo yɛ akwaashɔŋ lɛ teŋ akɛ, “Anyɛmimɛi, naa, mi lɛ Farisifonyo ji mi kɛ Farisifonyo bi hu. Hiɛnɔkãmɔ kɛ gbohiiashitee lɛ hewɔ akojoɔ mi nɛɛ.”

Bɔfoi 26:29

Ni Paulo kɛɛ, “Mina ni kulɛ Nyɔŋmɔ hã ba mli akɛ, shwɛ fioo jio, shwɛ pii jio, jeee bo okome kɛkɛ, shi moŋ mɛi fɛɛ ni boɔ mi toi ŋmɛnɛ nɛɛ hu tsɔ̃ tamɔ mi, shi gboklɛi nɛɛ eko kɛkɛ akawo amɛ!”

Bɔfoi 5:21

Ni be ni amɛnu lɛ, amɛyiŋ leebi maŋkpa amɛtee Sɔlemɔ we lɛ amɛyatsɔ̃ɔ nii. Agbɛnɛ osɔfonukpa lɛ kɛ mɛi ni kɛ lɛ yɔɔ lɛ ba ni amɛbatsɛ akwaashɔŋ lɛ kɛ Israelbii lɛ anukpai lɛ fɛɛ kɛkpe, ni amɛtsu kɛtee tsu lɛ mli koni ayajie bɔfoi lɛ kɛba.