Bɔfoi 22:3 - ŊMALƐ KRƆŊKRƆŊ LƐ

³ “Yudanyo ji mi, ni afɔ mi yɛ Tarso yɛ Kilikia moŋ, shi maŋ nɛɛ mli alɛ mi yɛ, ni Gamaliel naji anaa atsɔse mi yɛ, yɛ wɔtsɛmɛi lɛ amla lɛ naa fitsofitso, ni mihiɛ dɔɔ Nyɔŋmɔ sane he, tamɔ bɔ ni nyɛ fɛɛ nyɛfeɔ ŋmɛnɛ nɛɛ;

Ṅmãle̱ Kroṅkroṅ Le̱

³ Mi le̱ Iudanyo dšimi, ni afo̱mi ye̱ Tarso ye̱ Kilikia moṅ, ši mā ne̱ṅ alè̱mi ye̱, ni *Gamaliel nãdši anā atšo̱semi ye̱, ye̱ wo̱tše̱mei le̱ amla le̱ nā fitšofitšo, ni mihĩe do̱ö̱ Nyoṅmo̱ sane he, tamo̱ bo̱ni nyefẽ nyefeo̱ ṅme̱ne̱ ne̱; *5,34.

Bɔfoi 22:3 ပူးပေါင်းရင်းမြစ်များ

2 Samuel 21:2

Gibeonbii nɛɛ, jeee Israelbii ni, shi moŋ Amorbii ni shwɛ ji amɛ. Israelbii lɛ ekã amɛ kitã akɛ amɛkpãtãŋ amɛhiɛ, shi be ni Saul hiɛ dɔ yɛ Israelbii kɛ Yudabii lɛ ahewɔ lɛ, kulɛ eetao ekpãtã amɛhiɛ.

2 Maŋtsɛmɛi 4:38

Be ni Elisha ku esɛɛ eba Gilgal ekoŋŋ lɛ, no mli lɛ hɔmɔ eba shikpɔŋ lɛ nɔ. Gbi ko be mli ni gbalɔi aku lɛ mli bii tara shi lɛ, ekɛɛ etsulɔ lɛ akɛ, “Ŋɔɔ kukwɛi wulu lɛ oma la nɔ, ni ohoo nii ohã gbalɔi nɛɛ.”

Luka 10:39

Eyɛ nyɛmi yoo ko ni atsɛɔ lɛ Maria; enyɛmi yoo nɛɛ bata Yesu najianaa ni ebo ewiemɔ toi.

Luka 2:46

Gbii etɛ̃ sɛɛ lɛ amɛyana lɛ yɛ Sɔlemɔ we lɛ ni eta shi yɛ tsɔɔlɔi lɛ ateŋ eebo amɛ toi ni eebibii amɛ nii;

Luka 8:35

Kɛkɛ ni amɛje kpo amɛtee nɔ ni eba lɛ kwɛmɔ, ni amɛba Yesu ŋɔɔ ni amɛbana nuu lɛ ni mumɔi fɔ̃ji lɛ eje emli lɛ. Eta Yesu najianaa ni ewo atade ni ehiɛ etserɛ lɛ. Ni amɛshe gbeyei.

Bɔfoi 11:25

Ni Barnaba yiŋ etee Tarso ni eyatao Saul, ni be ni ena lɛ lɛ, ekɛ lɛ ba Antiokia.

Bɔfoi 15:23

Ni amɛŋma wolo amɛhã amɛ akɛ, “Bɔfoi lɛ kɛ onukpai lɛ kɛ nyɛmimɛi lɛ miibi nyɛmimɛi ni jɛ jeŋmaji lɛ ateŋ ni yɔɔ Antiokia kɛ Siria kɛ Kilikia lɛ jogbaŋŋ.

Bɔfoi 15:41

Ni etsɔ̃ Siria kɛ Kilikia eyawo asafoi lɛ ahewalɛ.

Bɔfoi 21:20

Shi be ni amɛnu lɛ, amɛwo Nyɔŋmɔ hiɛ nyam, ni amɛkɛɛ lɛ akɛ, “Anyɛmi, kwɛmɔ Yudafoi akpei abɔ ni ehe eye nɛɛ, ni amɛ fɛɛ lɛ, Mla lɛ he hiɛdɔlɔi ji amɛ.

Bɔfoi 21:39

Ni Paulo kɛɛ, “Mi lɛ Yudanyo ji mi, ni mijɛ Tarso, Kilikia maŋ ko ni yɔɔ gbɛi lɛ mli. Shi miikpa bo fai; ŋmɛɛ mi gbɛ ni mikɛ maŋ lɛ awie.”

Bɔfoi 23:34

Amralo lɛ kane wolo lɛ, ni ebi lɛ shikpɔŋ nɔ ni ejɛ; ni be ni ena ele akɛ Kilikia ejɛ lɛ,

Bɔfoi 23:6

Shi be ni Paulo yoo akɛ amɛfã kome lɛ Sadukifoi ni, ni amɛfã kroko lɛ Farisifoi ni lɛ, ebo yɛ akwaashɔŋ lɛ teŋ akɛ, “Anyɛmimɛi, naa, mi lɛ Farisifonyo ji mi kɛ Farisifonyo bi hu. Hiɛnɔkãmɔ kɛ gbohiiashitee lɛ hewɔ akojoɔ mi nɛɛ.”

Bɔfoi 26:5

Ni kɛji amɛmiisumɔ akɛ amɛaaye he odase lɛ, amɛle mi sa kɛjɛ shishijee lɛ akɛ miba mijeŋ yɛ wɔjamɔ lɛ mli kuu ni yɔɔ veveeve fe fɛɛ lɛ tsɔ̃ɔmɔ naa akɛ Farisifonyo.

Bɔfoi 26:9

“Shi mi diɛŋtsɛ hu efee mi akɛ esa akɛ mafee nii pii kɛku Yesu Nazarenyo lɛ gbɛi lɛ naa;

Bɔfoi 5:34

Shi Farisifonyo ko ni atsɛɔ lɛ Gamaliel, mlatsɔɔlɔ ni maŋ lɛ fɛɛ buɔ lɛ lɛ, te shi damɔ shi yɛ akwaashɔŋ lɛ teŋ, ni efã akɛ akɛ bɔfoi lɛ aje kpo fioo,

Bɔfoi 6:9

Shi mɛi komɛi ni jɛ kpeehe ni atsɛɔ lɛ “Mɛi ni eye amɛhe” akpeehe lɛ, kɛ Kirenemɛi kɛ Aleksandriamɛi kɛ mɛi ni jɛ Kilikia kɛ Asia lɛ ateŋ mɛi komɛi te shi ni amɛkɛ Stefano taa naa;

Bɔfoi 9:1

Shi Saul kã he ekɛ gbele miiwo Nuŋtsɔ lɛ kaselɔi lɛ ahe gbeyei lolo, ni eyiŋ kɛtee osɔfonukpa lɛ ŋɔɔ,

Bɔfoi 9:11

Ni Nuŋtsɔ lɛ kɛɛ lɛ akɛ, “Tee shi ni oya blohu ni atsɛɔ lɛ Trɔmɔɔ lɛ mli, ni oyabi mɔ ko ni atsɛɔ lɛ Saul ni jɛ Tarso lɛ shi yɛ Yuda we lɛ; ejaakɛ naa, eesɔle,

Bɔfoi 9:30

Be ni nyɛmimɛi lɛ nu he lɛ amɛkɛ lɛ tee Kaisarea, ni amɛwo lɛ gbɛ kɛtee Tarso.

Romabii 11:1

Agbɛnɛ miibi akɛ, “Belɛ Nyɔŋmɔ eshɛ emaŋ lɛ efɔ̃?” Dabida! Ejaakɛ mi hu Israelnyo ji mi, ni mijɛ Abraham shwiei kɛ Benyamin akutso lɛ mli.

2 Korintobii 11:22

Hebribii ji amɛ? Mi hu eko ji mi. Israelbii ni? Mi hu eko ji mi. Abraham shwiei ni? Mi hu eko ji mi.

Galatabii 1:14

ni mitee hiɛ yɛ Yudafoi ajamɔ lɛ mli fe mitipɛŋfoi pii yɛ mijakubii ateŋ, ni mihiɛ dɔ naakpa yɛ wɔtsɛmɛi ablema tsɔ̃ɔmɔi ni akɛhã wɔ lɛ he.

Galatabii 1:21

No sɛɛ lɛ, miba Siria kɛ Kilikia niiaŋ.

5 Mose 33:3

“Anɔkwa, edɔɔ emɛi ahe, ehiɛ emɛi krɔŋkrɔŋi lɛ yɛ edɛŋ, no hewɔ lɛ, wɔkula enaji anaa ni wɔmiibo egbɛtsɔ̃ɔmɔ toi.