Bɔfoi 22:16 - ŊMALƐ KRƆŊKRƆŊ LƐ

¹⁶ Ni agbɛnɛ mɛɛba oshashaoɔ shi? Tee shi ni ohã abaptisi bo, ni afɔ ohe eshai lɛ ashwie ahã bo, ni osɔle otsɛ Nuŋtsɔ lɛ.

Ṅmãle̱ Kroṅkroṅ Le̱

¹⁶ Ni agbe̱ne̱ mẽba ošašaoo̱ ši? Te ši ní ohã abaptisio, ní afó̱ ohe ešai le̱ aſie ahăo, ní obo otšé̱ Nuṅtšo̱ le̱ gbe̱i.

Bɔfoi 22:16 ပူးပေါင်းရင်းမြစ်များ

Lalai 119:60

Mihe feɔ oya koni maye okitãi lɛ anɔ, ni mishashaooo shi.

Lalai 51:2

Fɔ mihe nishaianii lɛ fɛɛ oshwie, koni ohã mihe atse,

Yeremia 8:14

Nyɔŋmɔ webii lɛ kɛɛ akɛ, “Mɛɛba mɔ wɔtara shi nɛkɛ lolo? Nyɛbuaa nyɛhe naa; nyɛhãa wɔbotea maji ni atswa gbogboi awo amɛhe lɛ amli koni wɔhiɛ ayakpãtã yɛ jɛi; ejaakɛ Yehowa, wɔNyɔŋmɔ lɛ, eŋmɛɛ wɔhe ehã hiɛkpãtãmɔ, ehã wɔ nu ni awo mli ebɔɔ koni wɔnu, ejaakɛ wɔtɔ̃ Yehowa nɔ.

Yohane 13:8

Petro kɛɛ lɛ akɛ, “Kaafɔ minaji ahe kɔkɔɔkɔ.” Yesu here lɛ nɔ akɛ, “Kɛji mifɔɔɔ onaji ahe lɛ, obɛ gbɛfaŋ nɔ ko yɛ miŋɔɔ.”

Bɔfoi 2:21

Ni aaaba mli akɛ mɔ fɛɛ mɔ ni aaabo atsɛ Nuŋtsɔ lɛ gbɛi lɛ, aaahere eyiwala.’

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 7:59

Ni be ni amɛtswiaa Stefano tɛi lɛ, ebo etsɛ Yesu ni ekɛɛ, “Nuŋtsɔ Yesu, heremɔ mimumɔ lɛ!”

Bɔfoi 9:14

ni biɛ hu tete ena hegbɛ kɛjɛ osɔfonukpai lɛ adɛŋ akɛ ebafimɔ mɛi fɛɛ ni tsɛɔ ogbɛi lɛ.”

Bɔfoi 9:18

Ni amrɔ lɛ nibii komɛi jɛ ehiŋmɛii anɔ shwie shi tamɔ loototoi, ni ena nii, ni ete shi ni abaptisi lɛ;

1 Korintobii 1:2

ŋma wolo nɛɛ yahã Nyɔŋmɔ asafo ni yɔɔ Korinto lɛ, ni ji mɛi ni atsuu amɛhe yɛ Kristo Yesu mli lɛ. Mɛi krɔŋkrɔŋi ni atsɛ amɛ kɛ mɛi fɛɛ ni yɔɔ he fɛɛ he ni tsɛɔ wɔNuŋtsɔ Yesu Kristo ni ji wɔ kɛ amɛ fɛɛ Nuŋtsɔ lɛ gbɛi lɛ.

1 Korintobii 12:13

Ejaakɛ Yudafoi ji wɔ jio, Helabii ji wɔ jio, nyɔji ji wɔ jio, wɔhiɛ wɔhe jio, wɔ fɛɛ lɛ Mumɔ kome nɔ atsɔ abaptisi wɔ awo gbɔmɔtso kome mli; ni wɔ fɛɛ lɛ, Mumɔ kome akɛhã wɔ ni wɔnu.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Galatabii 3:27

ejaakɛ nyɛ mɛi abɔ ni abaptisi nyɛ awo Kristo mli lɛ, nyɛwo Kristo.

Efesobii 5:26

koni ekɛ hejuu yɛ nu mli kɛ wiemɔ atsuu ehe ni ehã efee krɔŋkrɔŋ,

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,