Bɔfoi 22:14 - ŊMALƐ KRƆŊKRƆŊ LƐ

¹⁴ Ni ekɛɛ, ‘Wɔtsɛmɛi aNyɔŋmɔ lɛ ehala bo eto, ni ole esuɔmɔnaanii, ni ona Nyɔŋmɔ Jalɔ lɛ, ni onu edaaŋ gbee;

Ṅmãle̱ Kroṅkroṅ Le̱

¹⁴ Ni ekē̱: Wo̱tše̱mei a-Nyoṅmo̱ le̱ ehalao eto, ní ole esuomo̱nānii, ni ona dšalo̱ le̱, ní onu edāṅ gbē ko;

Bɔfoi 22:14 ပူးပေါင်းရင်းမြစ်များ

2 Maŋtsɛmɛi 21:22

Ekwa Yehowa, etsɛmɛi aNyɔŋmɔ lɛ, ni ebaaa ejeŋ tamɔ bɔ ni Yehowa taoɔ lɛ.

1 Kronika 12:17

Ni David je kpo kɛba, ni ekɛɛ amɛ akɛ, “Kɛji hejɔlɛ nyiɛmɔ nyɛnyiɛ kɛba koni nyɛbaye nyɛbua mi lɛ, no lɛ miyɛ he tsui akɛ mi kɛ nyɛ aaafee ekome. Shi kɛji nyɛba koni nyɛbatsɔ̃ɔ mihenyɛlɔi lɛ misɛɛgbɛ lɛ, akɛni miyeko mɔ ko sane fɔŋ ko lɛ, wɔtsɛmɛi aNyɔŋmɔ lɛ aaaye misane lɛ eha mi.”

1 Kronika 29:18

Yehowa, wɔtsɛmɛi Abraham kɛ Isak kɛ Yakob aNyɔŋmɔ, hã su nɛɛ ahi owebii atsuiiaŋ kɛya naanɔ, koni amɛhi shi kɛye bo anɔkwa daa.

2 Kronika 28:25

Agbɛnɛ efee hei grɔŋŋi koni ashã tsofakɛŋma akɛja jemawɔji yɛ jɛi yɛ Yuda maji wuji fɛɛ amli. Jeŋba nɛɛ hã Yehowa, etsɛmɛi aNyɔŋmɔ lɛ, mli fu lɛ.

2 Kronika 30:19

“Yehowa, wɔtsɛmɛi lɛ aNyɔŋmɔ, yɛ omlihilɛ naa lɛ mɔ fɛɛ mɔ ni miitao osɛɛgbɛ kɛ etsuiŋ fɛɛ lɛ, kɛji etsuuko ehe yɛ Sɔlemɔ we lɛ mlai lɛ anaa tete lɛ okɛ etɔ̃mɔ lɛ afa lɛ.”

Ezra 7:27

Kɛkɛ ni Ezra kɛɛ, “Ajie Yehowa, wɔtsɛmɛi aNyɔŋmɔ lɛ, yi akɛ ekɛ nɛkɛ nɔ ko wo maŋtsɛ lɛ yiŋ akɛ ewula Yehowa we ni yɔɔ Yerusalɛm lɛ.

2 Mose 15:2

Yehowa ji mihewalɛ kɛ milala, ni lɛ etsɔ̃ miyiwalaherelɔ. Lɛ ji miNyɔŋmɔ, ni majie eyi, mitsɛmɛi aNyɔŋmɔ ni, ni mawo ehiɛ nyam.

Yeremia 1:5

“Dani mibɔ bo yɛ onyɛ musuŋ beebe lɛ, mile bo; ni dani afɔ bo lɛ, mifee bo krɔŋkrɔŋ momo, ni miwo bo gbalɔ mihã majimaji lɛ.”

Daniel 2:23

Mitsɛmɛi aNyɔŋmɔ, miida bo shi, ni miijie oyi, ejaakɛ oduro mi jwɛŋmɔ kɛ hewalɛ; ni otsɔ̃ɔ mi nii ni wɔkpa bo ehe fai lɛ, ejaakɛ oha wɔle maŋtsɛ sane lɛ.”

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Bɔfoi 13:17

Nɛkɛ maŋ Israel nɛɛ Nyɔŋmɔ lɛ hala wɔtsɛmɛi lɛ, ni be ni amɛyato gbɔ yɛ Ijipt shikpɔŋ lɛ nɔ lɛ, ewo maŋ lɛ nɔ, ni ekɛ hewalɛ jie amɛ kɛjɛ jɛi.

Bɔfoi 22:15

ejaakɛ obaatsɔ ehe odasefonyo koni oye nii fiaa ni ona ni onu lɛ ahe odase otsɔ̃ɔ gbɔmɛi fɛɛ.

Bɔfoi 22:18

ni mina Nuŋtsɔ lɛ ni ekɛɛ mi akɛ, ‘Feemɔ kpa ni oje Yerusalɛm oya, ejaakɛ amɛboŋ mihe odase ni oyeɔ lɛ toi.’

Bɔfoi 24:14

Shi nɔ ni migbaa mli faŋŋ mikɛɔ bo ji enɛ akɛ, tsɔ̃ɔmɔ ni amɛtsɛɔ lɛ akɛ amaletsɔ̃ɔmɔ lɛ, no nɔŋŋ naa mijaa wɔtsɛmɛi aNyɔŋmɔ lɛ yɛ, miheɔ nibii fɛɛ ni aŋma yɛ Mla lɛ kɛ gbalɔi lɛ amli lɛ miyeɔ,

Bɔfoi 26:16

Shi tee shi ni odamɔ onaji anɔ; ejaakɛ enɛ hewɔ mijie mihe kpo mitsɔ̃ɔ bo nɛɛ, koni mafee bo sɔ̃ɔlɔ kɛ odasefonyo yɛ nibii ni ona kɛ nii ni mibajie mihe kpo matsɔ̃ɔ bo yɛ hewɔ lɛ ahe.

Bɔfoi 5:30

Yesu ni nyɛsɛŋ lɛ yɛ tso nɔ ni nyɛgbe lɛ lɛ, wɔtsɛmɛi aNyɔŋmɔ lɛ tee lɛ shi;

Bɔfoi 7:52

Gbalɔi lɛ ateŋ namɔ ni nyɛtsɛmɛi lɛ waaa lɛ yi? Amɛgbe mɛi ni gba yɛ jalɔ lɛ baa lɛ he amɛto lɛ. Ni agbɛnɛ nyɛ nyɛtsɔ̃ɔ esɛɛgbɛ ni nyɛgbe lɛ,

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Bɔfoi 9:17

Kɛkɛ ni Anania yiŋ etee ni eyabote shĩa lɛ, ni ekɛ eniji shwie enɔ ni ekɛɛ, “Anyɛmi Saul! Nuŋtsɔ Yesu, mɔ ni jie ehe kpo etsɔ̃ɔ bo be ni obaa yɛ gbɛ lɛ nɔ lɛ, etsu mi oŋɔɔ, bɔ ni afee ni ona nii ekoŋŋ ni oyi obɔ̃ kɛ Mumɔ Krɔŋkrɔŋ lɛ.”

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

1 Korintobii 11:23

Ejaakɛ nɔ ni mikɛhã nyɛ lɛ mina kɛjɛ Nuŋtsɔ lɛ dɛŋ, akɛ, Nuŋtsɔ Yesu lɛ, nakai nyɔɔŋ lɛ mli nɔŋŋ ni atsɔ̃ɔ esɛɛgbɛ lɛ, ekɔ aboloo,

1 Korintobii 15:3

Ejaakɛ saji ni he hiaa fe fɛɛ ni akɛhã mi ni mi hu mikɛhã nyɛ lɛ ji akɛ Kristo gbo yɛ wɔhe eshai lɛ ahewɔ yɛ ŋmalɛi lɛ anaa;

1 Korintobii 15:8

Shi amɛ fɛɛ amɛsɛɛ lɛ ejie ehe kpo etsɔ̃ɔ mi hu ni mitamɔ mɔ ko ni akpatu afɔ lɛ lɛ.

1 Korintobii 9:1

Ani mihiɛɛɛ mihe? Ani jeee bɔfo ji mi? Ani minako Yesu, wɔNuŋtsɔ lɛ? Jeee minine naa nitsumɔ ji nyɛ yɛ Nuŋtsɔ lɛ mli lo?

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 1:12

ejaakɛ jeee gbɔmɔ ko dɛŋ mina kɛjɛ, ni jeee tsɔ̃ɔmɔ hu atsɔ̃ɔ mi, shi moŋ Yesu Kristo kpojiemɔ naa mina yɛ.

Galatabii 1:15

Shi be ni esa Nyɔŋmɔ ni jie mi eto kɛjɛ minyɛ musuŋ beebe ni ekɛ edromɔ lɛ tsɛ mi kɛba lɛ hiɛ,

2 Timoteo 1:1

Paulo, ni ji Kristo Yesu bɔfo yɛ Nyɔŋmɔ suɔmɔ naa kɛ wala ni yɔɔ Kristo Yesu mli lɛ he shiwoo naa lɛ,

Tito 1:1

Paulo, ni ji Nyɔŋmɔ tsulɔ kɛ Yesu Kristo bɔfo lɛ, ŋma wolo nɛɛ. Nyɔŋmɔ hala mi ni etsu mi koni mayawo Nyɔŋmɔ halamɔbii lɛ ahemɔkɛyeli kɛ Nyɔŋmɔjamɔ anɔkwale lɛ he nilee lɛ mli hewalɛ,

1 Petro 2:22

Lɛ mɔ ni efeee esha ni asaŋ anaaa shishiumɔ yɛ edaaŋ lɛ.

1 Yohane 2:1

Mibii bibii, miiŋma nyɛ nii nɛɛ koni nyɛkafee esha. Ni kɛ mɔ ko fee esha jiŋŋ, wɔyɛ mlidaamɔlɔ yɛ Tsɛ lɛ ŋɔɔ, Yesu Kristo jalɔ lɛ.