Bɔfoi 21:34 - ŊMALƐ KRƆŊKRƆŊ LƐ

³⁴ Shi be ni asafo lɛ mli mɛi komɛi miibolɔ miikɛɛ nɛkɛ lɛ, mɛi komɛi hu miibolɔ miikɛɛ nɔ kroko. Ni akɛni hoofeemɔ lɛ hewɔ lɛ enyɛɛɛ ena anɔkwale lɛ, efã akɛ akɛ lɛ aya mɔɔ lɛ mli.

Ṅmãle̱ Kroṅkroṅ Le̱

³⁴ Ši asafo le̱ mli meikomei mīblo̱ ne̱ke̱ ni meikomei hũ mīblo̱ ekroko. Ni ake̱-ní enaa mli ano̱kwale ye̱ hōfemo̱ le̱ hewo̱ le̱, efã́ ake̱ ake̱le̱ aya mō̃ le̱ṅ.

Bɔfoi 21:34 ပူးပေါင်းရင်းမြစ်များ

Bɔfoi 23:10

Shi be ni bei lɛ mli wa lɛ, asafoiatsɛnukpa lɛ she gbeyei akɛ ekolɛ amɛaatserɛ Paulo mli hewɔ lɛ, efã asraafoi lɛ akɛ amɛkpeleke shi ni amɛyashɔ̃ lɛ yɛ amɛdɛŋ, ni amɛkɛ lɛ aba mɔɔ lɛ mli.

Bɔfoi 19:32

Agbɛnɛ be ni mɛi komɛi bolɔɔ nɛkɛ lɛ, mɛi komɛi hu miibolɔ ekroko; ejaakɛ kpee lɛ efee basabasa ni mɛi kpotoo leee nɔ hewɔ ni amɛbakpe tete.

Bɔfoi 23:16

Shi Paulo nyɛmi yoo bi ko nu amɛkawoo nɛɛ he, ni eyiŋ kɛtee mɔɔ lɛ mli eyatswa Paulo adafi.

Bɔfoi 22:24

asafoiatsɛnukpa lɛ fã akɛ akɛ lɛ aya mɔɔ lɛ mli, ni ekɛɛ akɛ akɛ kpelebii atao eyitsoŋ koni ena ele nɔ sane hewɔ ni Yudafoi bolɔɔ amɛwoɔ lɛ nɛkɛ nɛɛ.

Bɔfoi 21:37

Shi be ni akɛ Paulo baabote mɔɔ lɛ mli lɛ, ebi asafoiatsɛnukpa lɛ akɛ, “Ani miyɛ hegbɛ akɛ mikɛ bo wieɔ wiemɔ ko lo?” Ebi lɛ akɛ, “Ole Hela wiemɔ?

Bɔfoi 22:30

Shi akɛni eetao ele nɔ hewɔ krɛdɛɛ ni Yudafoi lɛ folɔɔ enaa hewɔ lɛ, enɔ jetsɛremɔ lɛ efɛne lɛ, ni efã akɛ osɔfonukpai lɛ kɛ akwaashɔŋ lɛ fɛɛ aba, ni ekɛ Paulo kpeleke shi, ni ekɛ lɛ yadamɔ amɛhiɛ.

Bɔfoi 25:26

Shi mibɛ sane krɛdɛɛ ko ni kulɛ maŋma mahã Kaisare; no hewɔ hu ni mikɛ lɛ ba nyɛhiɛ nɛɛ, ni titri lɛ bo Maŋtsɛ Agripa ohiɛ, bɔ ni afee ni kɛji atao sane lɛ mli lɛ, mana nɔ ko maŋma.

Bɔfoi 23:32

Ni je tsɛre lɛ amɛhã okpɔŋɔiatsɛmɛi lɛ kɛ lɛ tee, ni amɛ lɛ amɛku amɛsɛɛ kɛba mɔɔ lɛ mli.