Bɔfoi 20:2 - ŊMALƐ KRƆŊKRƆŊ LƐ

² Ni be ni eyatsɔ̃ jɛi niiaŋ ni ekɛ wiemɔi pii wo amɛŋaa lɛ, eba Akaia.

Ṅmãle̱ Kroṅkroṅ Le̱

² Ni beni eyatšṍ dše̱i niiaṅ ni eke̱ wiemo̱i pī woame̱ ṅã le̱, eba Hela.

Bɔfoi 20:2 ပူးပေါင်းရင်းမြစ်များ

Zakaria 9:13

Ejaakɛ midɔ Yuda mli tamɔ gãitso, ni mikɛ Efraim efee egãimlibi. Bo Zion, matee obihii lɛ ashi, ni amɛaatsɔ̃ tamɔ tatsɛ klante yɛ midɛŋ, yɛ bo, Hela, obihii lɛ anɔ.”

Luka 3:18

Ewie nibii krokomɛi pii hu ekɛwo maŋ lɛ ŋaa, ni ekɛshiɛ Sanekpakpa lɛ etsɔ̃ɔ amɛ.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 15:41

Ni etsɔ̃ Siria kɛ Kilikia eyawo asafoi lɛ ahewalɛ.

Bɔfoi 16:12

Wɔjɛ jɛi lɛ, wɔtee Filipi ni ji Makedonia shikpɔŋ lɛ nɔ maŋ wulu kɛ Romabii ashimɔmɔhe lɛ. Ni wɔhi nɛkɛ maŋ nɛɛ mli gbii kplaŋŋ.

Bɔfoi 17:1

Paulo kɛ Sila tsɔ̃ Amfipoli kɛ Apolonia, ni amɛba Tesalonika, he ni Yudafoi akpeehe ko yɔɔ lɛ.

Bɔfoi 17:10

Ni amrɔ̃ lɛ nyɛmimɛi lɛ jie Paulo kɛ Sila gbɛ nyɔɔŋ kɛtee Beroia. Ni be ni amɛshɛ jɛi lɛ, amɛyabote Yudafoi lɛ akpeehe lɛ mli.

Bɔfoi 2:40

Ni ewie wiemɔi krokomɛi pii ekɛye odase ni ekɛwo amɛ ŋaa akɛ, “Nyɛhãa aherea nyɛyiwala kɛjea yinɔ kɔɔdɔŋ nɛɛ mli.”

Bɔfoi 20:1

Be ni gidigidifeemɔ lɛ sɛɛ efo lɛ, Paulo tsu ayatsɛ kaselɔi lɛ kɛba eŋɔɔ ni ewie etsɔ̃ɔ amɛ ni ekɛ amɛ ye shɛɛ, ni eyi mli kɛmiiya Makedonia.

Bɔfoi 20:11

Ni be ni ekwɔ kɛba ekoŋŋ lɛ, ebakumɔ aboloo lɛ, ni eye eko, ni ekã he ewie aahu kɛyashi jetsɛremɔ wɛlɛŋŋ, kɛkɛ ni eyi mli.

Bɔfoi 20:3

Ni eye nyɔji etɛ̃ yɛ jɛi, ni akɛni Yudafoi lɛ ewo lɛ ka be ni eheɔ efã kɛya Siria hewɔ lɛ, eto eyiŋ akɛ eeeku esɛɛ eyatsɔ̃ Makedonia ekoŋŋ.

1 Korintobii 4:19

Shi kɛ Nuŋtsɔ lɛ miisumɔ lɛ, etsɛŋ ni maba ni mabana mɛi ni woɔ amɛhe nɔ lɛ ahewalɛ, shi jeee amɛwiemɔ.

Kolosebii 1:28

Lɛ ehe sane wɔjajeɔ, ni wɔwoɔ gbɔmɔ fɛɛ gbɔmɔ ŋaa, ni wɔtsɔ̃ɔ gbɔmɔ fɛɛ gbɔmɔ nilee nɛɛ fɛɛ, koni wɔkɛ gbɔmɔ fɛɛ gbɔmɔ adamɔ shi akɛ mɔ ni eye emuu yɛ Kristo mli.

1 Tesalonikabii 2:11

Tamɔ bɔ nɔŋŋ ni nyɛle akɛ wɔhiɛ nyɛteŋ mɔ fɛɛ mɔ tamɔ tsɛ hiɛɔ ebii.

1 Tesalonikabii 2:3

Ejaakɛ wɔwiemɔ kɛ tsɔ̃ɔmɔ lɛ, jeee shishiumɔ loo nyaŋemɔ nitsumɔ loo kutumpɔo mli ejɛ;

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.