Bɔfoi 2:9 - ŊMALƐ KRƆŊKRƆŊ LƐ

⁹ Partiabii kɛ Mediabii kɛ Elambii kɛ mɛi ni yɔɔ Mesopotamia kɛ Yudea kɛ Kapadokia, Ponto kɛ Asia,

Ṅmãle̱ Kroṅkroṅ Le̱

⁹ Partiabii ke̱ Mediabii ke̱ Elambii, ke̱ mei ní yo̱ Mesopotamia ke̱ Iudea ke̱ Kapadokia, Ponto ke̱ Asia,

Bɔfoi 2:9 ပူးပေါင်းရင်းမြစ်များ

1 Mose 10:22

Shem fɔ Elam kɛ Ashur kɛ Arpakshad kɛ Lud kɛ Aram.

1 Mose 14:1

Maŋtsɛmɛi ejwɛ, Babilon maŋtsɛ Amrafel kɛ Elasar maŋtsɛ Ariok kɛ Elam maŋtsɛ Kedorlaomer kɛ Goiim maŋtsɛ Tidal abei amli lɛ,

1 Mose 24:10

Kɛkɛ ni tsulɔ lɛ ŋɔ enuŋtsɔ yoomai lɛ ateŋ nyɔŋma, ni eŋɔ enuŋtsɔ lɛ nikeenii kpakpai srɔtoi ehiɛ edɛ̃ŋ, ni eyiŋ kɛtee maŋ he ni Nahor hi yɛ Mesopotamia kooyigbɛ shikpɔŋ lɛ nɔ lɛ.

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

1 Kronika 19:6

Hanun kɛ Amonbii lɛ na akɛ amɛyatsi David sɛ̃, no hewɔ lɛ, amɛkɛ jwiɛtɛi talentai akpe tsu akɛtee ayabɔ tayaa shwiilii kɛ okpɔŋɔnɔtalɔi apaa yɛ Mesopotamia kɛ Aram-Maaka kɛ Zoba yɛ Siriabii ashikpɔŋ lɛ nɔ koni amɛbawa amɛ.

Ezra 6:2

Shi Ekbatana, maŋtsɛmaŋ ni yɔɔ Media shikpɔŋ lɛ nɔ lɛ mli ji he ni ayana wolo ko yɛ; ni sane ni aŋmã yɛ mli nɛ,

Yesaia 11:11

Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba.

Yesaia 21:2

Ajie ninaa ko ni yɔɔ gbeyei atsɔ̃ɔ mi: mɔsɛɛgbɛtsɔ̃ɔlɔ ni miitsɔ̃ɔ mɔ ko sɛɛgbɛ, kɛ nifitelɔ ni miifite nii. Elam, kwɔɔ kɛya! Media, yaasa maji lɛ ayi! Mahã ŋkɔmɔi fɛɛ ni Babilon eha eyeɔ lɛ sɛɛ afo!

Daniel 5:28

ni ‘aja mli’ lɛ miitsɔ̃ɔ akɛ aja omaŋtsɛyeli lɛ mli, ni akɛhã Medianbii lɛ kɛ Persiabii lɛ.”

Daniel 8:2

Mina yɛ ninaa nɛɛ mli akɛ miyɛ maŋtsɛmaŋ ni atsɛɔ lɛ Susa ni yɔɔ Elam kpokpai anɔ shikpɔŋ lɛ nɔ lɛ mli. Midamɔ Ulai Faa lɛ naa.

Daniel 8:20

“Gwantɛŋ nuu agbo ni ona kɛ eklontoi enyɔ lɛ damɔ shi hã Media kɛ Persia maŋtsɛmɛi lɛ.

Bɔfoi 16:6

Shi akɛni Mumɔ Krɔŋkrɔŋ lɛ etsi amɛ gbɛ akɛ amɛkawie wiemɔ lɛ amɛtsɔ̃ɔ yɛ Asia hewɔ lɛ, amɛfo mli yɛ Frigia kɛ Galatia shikpɔŋ lɛ nɔ;

Bɔfoi 18:2

Ni eyana Yudafonyo ko ni atsɛɔ lɛ Akwila, ni afɔ lɛ yɛ Ponto, kɛ eŋa Priskila. Akwila jɛ Italia ba etsɛko. Eba ejaakɛ Kaisare Klaudio efã akɛ Yudafoi fɛɛ aje Roma. Ni Paulo tee amɛŋɔɔ;

Bɔfoi 19:10

Ehiɛ nakai feemɔ aahu afii enyɔ sɔŋŋ, ni mɛi fɛɛ ni yɔɔ Asia lɛ, Yudafoi kɛ Helabii lɛ fɛɛ, nu Nuŋtsɔ Yesu wiemɔ lɛ.

Bɔfoi 19:27

Miishe gbeyei akɛ, jeee wɔnitsumɔ nɛɛ kɛkɛ he guɔ baagbo, shi moŋ nyɔŋmɔyoo Artemi kekenam lɛ Sɔlemɔ we lɛ hu abuŋ lɛ ahaŋ nɔ ko nɔ ko, ni enunyam kpeteŋkple lɛ ni Asia kɛ jeŋ muu lɛ fɛɛ hu jaa lɛ baabutu.”

Bɔfoi 19:31

ni Asia lumɛi lɛ ateŋ mɛi komɛi hu ni ji Paulo shieŋtsɛmɛi lɛ tsu eŋɔɔ abawo lɛ ŋaa akɛ ekakwɛ ni etee nikwɛmɔhe lɛ.

Bɔfoi 2:8

Shi te fee tɛŋŋ ni wɔteŋ mɔ fɛɛ mɔ nuɔ lɛ diɛŋtsɛ emaŋ he ni afɔ lɛ yɛ lɛ wiemɔ nɛɛ?

Bɔfoi 20:16

Ejaakɛ Paulo ekpɛ mli akɛ eeeho Efeso he, bɔ ni afee ni ekatsɛ yɛ Asia; ejaakɛ eeye oyai ni kɛ aaaho lɛ, eyashɛ Yerusalɛm Pentekoste gbi lɛ.

Bɔfoi 20:18

Ni be ni amɛba eŋɔɔ lɛ, ekɛɛ amɛ akɛ, “Nyɛle bɔ ni mitsɔ̃ mikɛ nyɛ hi shi be muu lɛ fɛɛ, kɛjɛ klɛŋklɛŋ gbi nɔ ni miba Asia nɛɛ,

Bɔfoi 20:4

Ni Sopatre, Beroianyo lɛ ni ji Pirho bi lɛ, kɛ Aristarko kɛ Sekundo, Tesalonikabii lɛ, kɛ Gaio, Derbenyo lɛ, kɛ Timoteo, kɛ Asiabii ni ji Tihiko kɛ Trofimo lɛ, kɛ lɛ tee Asia.

Bɔfoi 21:27

Shi be ni eshwɛ fioo ni aaagbe gbii kpawo lɛ naa lɛ, Yudafoi ni jɛ Asia lɛ na lɛ yɛ Sɔlemɔ we lɛ, ni amɛta asafo lɛ fɛɛ mli, ni amɛbamɔ lɛ;

Bɔfoi 24:18

Enɛ feemɔ mli amɛna mi yɛ Sɔlemɔ we lɛ akɛ mitsuu mihe, shi amɛnaaa mi kɛ asafo ko lɛ, amɛnaaa mi kɛ hoofeemɔ ko hu.

Bɔfoi 27:2

Shi be ni wɔbote Adramitio lɛlɛ ko ni baafã kɛyatsɔ̃ Asia ŋshɔnaa maji lɛ anɔ lɛ mli lɛ, wɔfã, ni Aristarko, Makedonianyo ni jɛ Tesalonika lɛ fata wɔhe.

Bɔfoi 6:9

Shi mɛi komɛi ni jɛ kpeehe ni atsɛɔ lɛ “Mɛi ni eye amɛhe” akpeehe lɛ, kɛ Kirenemɛi kɛ Aleksandriamɛi kɛ mɛi ni jɛ Kilikia kɛ Asia lɛ ateŋ mɛi komɛi te shi ni amɛkɛ Stefano taa naa;

Bɔfoi 7:2

Ni ekɛɛ, “Anyɛmimɛi kɛ Ataamɛi, nyɛboa toi! Anunyam Nyɔŋmɔ lɛ jie ehe kpo etsɔ̃ɔ wɔtsɛ Abraham be ni eyɔɔ Mesopotamia, ni enako ebahi Haran lɛ,

Romabii 16:5

Nyɛŋaa asafo ni yɔɔ amɛwe lɛ hu. Nyɛŋaa misuɔlɔ Epaineto ni ji mɔ klɛŋklɛŋ ni jɛ Asia ni kɛ ehe hã Kristo lɛ.

1 Korintobii 16:19

Asia asafoi lɛ miibi nyɛ. Akwila kɛ Priskila kɛ asafo ni yɔɔ amɛwe lɛ miibi nyɛ jogbaŋŋ yɛ Nuŋtsɔ lɛ mli.

2 Korintobii 1:8

Ejaakɛ anyɛmimɛi, wɔsumɔɔɔ akɛ wɔkɛ wɔmanehului ni wɔna yɛ Asia lɛ atee nyɛ, akɛ wɔna nɔ tsɔ̃ fe bɔ ni wɔɔnyɛ po, ni wɔhiɛ kãaa wala nɔ tete,

5 Mose 23:4

ejaakɛ be ni nyɛjɛ Ijipt ni nyɛbaa lɛ, amɛhiɛɛɛ niyenii kɛ nu amɛkɛbakpeee nyɛ, shi moŋ amɛyabɔ Beor binuu Balaam apaa kɛjɛ Petor yɛ Mesopotamia akɛ ebalomɔ nyɛ.

2 Timoteo 1:15

Ole enɛ akɛ mɛi ni yɔɔ Asia lɛ fɛɛ kpa yɛ misɛɛ; amɛteŋ mɛi komɛi ji Figelo kɛ Hermogene.

1 Petro 1:1

Petro ni ji Yesu Kristo bɔfo lɛ ŋma yahã gbɔi ni egbɛ eshwã Ponto, Galatia, Kapadokia, Asia kɛ Bitinia lɛ. Amɛ ji mɛi ni ahala

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kojolɔi 3:8

No hewɔ lɛ, Yehowa mli wo Israelbii lɛ ala, ni ehã Mesopotamia maŋtsɛ Kushan-Rishataim ye amɛnɔ kunim ni amɛsɔmɔ lɛ afii kpaanyɔ.