Bɔfoi 2:47 - ŊMALƐ KRƆŊKRƆŊ LƐ

⁴⁷ ni amɛ jieɔ Nyɔŋmɔ yi, ni amɛhiɛ ba nyam yɛ maŋ muu lɛ fɛɛ hiɛ. Ni Nuŋtsɔ lɛ ŋɔɔ mɛi ni ahere amɛyiwala lɛ efataa asafo lɛ he gbi fɛɛ gbi.

Ṅmãle̱ Kroṅkroṅ Le̱

⁴⁷ ni ame̱dšieo̱ Nyoṅmo̱ yi, ni ame̱hĩe ba nyam ye̱ maṅ mū le̱ fẽ hĩe. Ni Nuṅtšo̱ le̱ *ṅõo̱ mei ní ahere ame̱yiwala le̱ efataä asafo le̱ he gbĩ-fẽ-gbĩ. *4,4; 5,14; 11,21; 14,1.

Bɔfoi 2:47 ပူးပေါင်းရင်းမြစ်များ

Luka 19:48

shi amɛnaaa bɔ ni amɛaafee, ejaakɛ maŋ muu lɛ fɛɛ kpɛtɛ lɛ ni amɛboɔ lɛ toi.

Luka 2:52

Ni Yesu tee hiɛ yɛ nilee kɛ dalɛ kɛ dromɔ mli yɛ Nyɔŋmɔ kɛ gbɔmɛi ahiɛ.

Bɔfoi 11:21

Ni Nuŋtsɔ lɛ hewalɛ fata amɛhe, ni mɛi babaoo he ye, ni amɛkpale kɛba Nuŋtsɔ lɛ ŋɔɔ.

Bɔfoi 11:24

Gbɔmɔ kpakpa ji Barnaba ni eyi obɔ̃ kɛ Mumɔ Krɔŋkrɔŋ kɛ hemɔkɛyeli. Ni ana mɛi babaoo afata Nuŋtsɔ lɛ asafo lɛ he.

Bɔfoi 13:48

Shi be ni jeŋmajiaŋbii lɛ nu enɛ lɛ amɛna miishɛɛ, ni amɛwo Nyɔŋmɔ wiemɔ lɛ hiɛ nyam, ni mɛi abɔ ni ajie ato naanɔ wala lɛ he ye.

Bɔfoi 14:1

Yɛ Ikonium nɛɛ hu Paulo kɛ Barnaba tee Yudafoi lɛ akpeehe lɛ ni amɛyawie amɛtsɔ̃ɔ amɛ bɔ ni ehã Yudafoi lɛ kɛ Helabii lɛ ateŋ mɛi babaoo he ye.

Bɔfoi 14:21

Ni be ni amɛjaje Sanekpakpa lɛ amɛtsɔ̃ɔ yɛ Derbe ni amɛfee mɛi pii kaselɔi lɛ, amɛku amɛsɛɛ kɛtee Listra kɛ Ikonium kɛ Antiokia.

Bɔfoi 16:5

Agbɛnɛ asafoi lɛ na hewalɛ yɛ hemɔkɛyeli mli, ni amɛyi faa daa gbi.

Bɔfoi 17:12

Hewɔ lɛ amɛteŋ mɛi pii he ye, Helayei ni yɔɔ gbɛi kɛ hii hu pii.

Bɔfoi 2:39

Ejaakɛ shiwoo lɛ, nyɛ kɛ nyɛbii, kɛ mɛi fɛɛ ni yɔɔ shɔŋŋ, mɛi abɔ ni Nuŋtsɔ, wɔNyɔŋmɔ lɛ, aaatsɛ kɛaaba lɛ anɔ ni.”

Bɔfoi 2:41

Kɛkɛ ni abaptisi mɛi ni he ewiemɔ lɛ, ni nakai gbi lɛ nɔ nɔŋŋ lɛ akɛ susumai aaafee akpei etɛ̃ fata amɛhe.

Bɔfoi 4:21

Shi be ni gwabɔɔ lɛ saa wo amɛhe gbeyei lɛ, amɛŋmɛɛ amɛhe, ejaakɛ amɛnaaa bɔ ni amɛaafee ni amɛpiŋ amɛ yɛ maŋ lɛ hewɔ, ejaakɛ mɛi fɛɛ miiwo Nyɔŋmɔ hiɛ nyam yɛ nɔ ni afee lɛ hewɔ;

Bɔfoi 4:33

Ni hewalɛ kpeteŋkple bɔfoi lɛ kɛye Nuŋtsɔ Yesu shitee lɛ he odase, ni dromɔ kpeteŋkple yɛ amɛ fɛɛ amɛnɔ.

Bɔfoi 4:4

Shi mɛi ni nu lɛ ateŋ mɛi pii he ye, ni hii lɛ ayibɔ bashɛ aaafee akpei enumɔ.

Bɔfoi 6:1

Nakai bei lɛ amli, be ni kaselɔi lɛ ayi faa lɛ, Helenibii lɛ wie huhuuhu amɛshi Hebribii lɛ, ejaakɛ Hebribii lɛ ahiɛ jeɔ Helenibii lɛ okulafoi lɛ anɔ yɛ daa kwɛmɔ lɛ gbɛfaŋ.

Bɔfoi 6:7

Ni Nyɔŋmɔ wiemɔ lɛ shwere, ni kaselɔi lɛ ayi bafa diɛŋtsɛ yɛ Yerusalɛm, ni osɔfoi lɛ tete ateŋ mɛi pii mɔ hemɔkɛyeli lɛ mli.

Bɔfoi 9:31

Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

Bɔfoi 9:35

Ni mɛi fɛɛ ni yɔɔ Lida kɛ Sharon lɛ na lɛ, ni amɛtsake ni amɛba Nuŋtsɔ lɛ ŋɔɔ.

Romabii 14:18

ni mɔ ni sɔ̃mɔɔ Kristo yɛ enɛɛmɛi amli lɛ, Nyɔŋmɔ naa ehe tsuijurɔ ni esa gbɔmɛi ahiɛ hu.

Romabii 8:30

Shi mɛi ni ejie eto lɛ, amɛ nɔŋŋ etsɛ; ni mɛi ni etsɛ lɛ, amɛ nɔŋŋ bem ebu; ni mɛi ni ebu amɛ bem lɛ, amɛ nɔŋŋ amɛhiɛ nyam ewo.

Romabii 9:27

Shi Yesaia bo yɛ Israel he akɛ, “Kɛ Israelbii lɛ ayibɔ tamɔ ŋshɔnaa shia lɛ, mɛi fioo ni baashwɛ lɛ yiwala aaahere.

1 Korintobii 1:18

Ejaakɛ sɛŋmɔtso lɛ he sane lɛ ji kwashiai asane hã mɛi ni hiɛ kpãtãa lɛ; shi wɔ mɛi ni ahereɔ wɔyiwala lɛ, eji Nyɔŋmɔ hewalɛ hã wɔ.