Bɔfoi 2:45 - ŊMALƐ KRƆŊKRƆŊ LƐ

⁴⁵ amɛhɔ̃ɔhɔ̃ɔ amɛshikpɔji kɛ amɛhenii, ni amɛja shika lɛ amɛhã mɛi lɛ fɛɛ bɔ ni he hiaa mɔ fɛɛ mɔ.

Ṅmãle̱ Kroṅkroṅ Le̱

⁴⁵ ni ame̱šikpõdši ke̱ ame̱henii le̱ ame̱hõhõi, ni ame̱dša mli ame̱hã mei le̱ fẽ boni he hīaä mofẽmo.

Bɔfoi 2:45 ပူးပေါင်းရင်းမြစ်များ

Lalai 112:9

Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Mateo 19:21

Yesu kɛɛ lɛ akɛ, “Kɛji ootao akɛ ohi kɛwula shi lɛ, yaa ni oyahɔ̃ɔ nii ni oyɔɔ lɛ, ni okɛhã ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 16:9

“Ni mi hu miikɛɛ nyɛ akɛ, Nyɛŋɔa kutumpɔo ninamɔ lɛ nyɛkɛfea shieŋtsɛmɛi nyɛhãa nyɛhe, koni, be ni nyɛbɛ nɔ ko dɔŋŋ lɛ, amɛhere nyɛ yɛ naanɔ bui lɛ amli.

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 19:8

Shi Zakeo ho damɔ shi ni ekɛɛ Nuŋtsɔ lɛ akɛ, “Nuŋtsɔ, naa, miiŋɔ minii fã make ohiafoi, ni kɛji mikɛ yaka naafolɔmɔ eshɔ̃ mɔ ko nɔ ko yɛ edɛŋ lɛ, miiku mabɔ he toi ejwɛ mahã lɛ.”

Bɔfoi 11:29

Shi kaselɔi lɛ kpɛ mli akɛ amɛaabua nɔ ko naa amɛkɛyahã nyɛmimɛi ni yɔɔ Yudea lɛ bɔ ni mɔ fɛɛ mɔ aaanyɛ.

Bɔfoi 4:34

Ni mɔ ko mɔ ko bɛ amɛteŋ ni efiɔ lɛ; ejaakɛ mɛi abɔ ni yɔɔ shikpɔji loo shĩai lɛ hɔ̃ɔhɔ̃ɔ amɛ ni amɛkɛ nii ni ahɔ̃ɔ lɛ ayinii lɛ ba,

Bɔfoi 4:35

amɛkɛbashwie bɔfoi lɛ anajianaa, ni ajaa ahãa mɔ fɛɛ mɔ bɔ ni hiaa lɛ.

2 Korintobii 9:1

Shi nɔ ni kɔɔ sɔ̃ɔmɔ ni akɛyaasɔ̃mɔ krɔŋkrɔŋbii lɛ he lɛ, ehĩaaa akɛ maŋma nyɛ nɔ ko.

2 Korintobii 9:9

tamɔ bɔ ni aŋma lɛ akɛ, “Egbɛɔ eshwãa ehãa ohiafoi lɛ; ejalɛ lɛ hiɔ shi kɛyaa naanɔ.”

1 Yohane 3:17

Shi mɔ ni yɔɔ je nɛɛ mli nii, ni enaa akɛ efi enyɛmi, ni emli joɔ yɛ enɔ lɛ, te aaafee tɛŋŋ ni Nyɔŋmɔ suɔmɔ lɛ aaahi emliŋ?