Bɔfoi 2:42 - ŊMALƐ KRƆŊKRƆŊ LƐ

⁴² Ni amɛhiɛ bɔfoi lɛ atsɔ̃ɔmɔ lɛ kɛ naanyobɔɔ lɛ kɛ abolookuumɔ lɛ kɛ sɔlemɔi lɛ amli.

Ṅmãle̱ Kroṅkroṅ Le̱

⁴² Ni ame̱hĩe bo̱foi le̱ atšõmo̱ le̱ ke̱ nanyobō̱ le̱ ke̱ *abolo kũomo̱ le̱ ke̱ so̱lemo̱i le̱ amli. *20,7.

Bɔfoi 2:42 ပူးပေါင်းရင်းမြစ်များ

Luka 24:30

Ni eba mli akɛ, be ni ekɛ amɛ tara niyenii ahe lɛ, ekɔ aboloo lɛ ni ejɔɔ nɔ, ni ekumɔ mli ni ekɛhã amɛ;

Luka 24:35

Ni amɛ hu amɛgba nɔ ni ba yɛ gbɛ lɛ nɔ lɛ kɛ bɔ ni fee ni amɛyoo lɛ yɛ abolookuumɔ lɛ mli lɛ.

Bɔfoi 1:14

Mɛnɛɛmɛi fɛɛ kɛ yei lɛ kɛ Yesu nyɛ Maria kɛ enyɛmimɛi hii lɛ kɛ jwɛŋmɔ kome hiɛ sɔlemɔ mli waa.

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 2:46

Ni daa gbi lɛ amɛkɛ jwɛŋmɔ kome yaa Sɔlemɔ we lɛ, ni amɛkumɔkumɔɔ aboloo yɛ shĩai, ni amɛkɛ miishɛɛ kɛ tsui krɔŋŋ yeɔ nii,

Bɔfoi 20:11

Ni be ni ekwɔ kɛba ekoŋŋ lɛ, ebakumɔ aboloo lɛ, ni eye eko, ni ekã he ewie aahu kɛyashi jetsɛremɔ wɛlɛŋŋ, kɛkɛ ni eyi mli.

Bɔfoi 20:7

Shi otsi lɛ klɛŋklɛŋ gbi lɛ nɔ be ni wɔbabua wɔhe naa koni amɛye suɔmɔ niyenii lɛ, Paulo wie tsɔ̃ɔ amɛ, ni ekã wiemɔ lɛ he kɛyashi nyɔɔŋteŋ, ejaakɛ kɛ je tsɛre lɛ ebaayi mli.

Bɔfoi 4:23

Shi be ni aŋmɛɛ amɛhe lɛ, amɛba amɛnyɛmimɛi lɛ aŋɔɔ, ni amɛbagba nibii fɛɛ ni osɔfonukpai lɛ kɛ maŋ onukpai lɛ kɛɛ amɛ lɛ.

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Bɔfoi 6:4

shi wɔ lɛ wɔɔhiɛ sɔlemɔ kɛ wiemɔ lɛ he sɔ̃ɔmɔ lɛ mli.”

Romabii 12:12

Nyɛnyãa yɛ hiɛnɔkãmɔ mli; nyɛmiaa nyɛhiɛ yɛ amanehulu mli; nyɛhiɛa sɔlemɔ mli daa.

1 Korintobii 10:21

Nyɛnyɛŋ Nuŋtsɔ lɛ kpulu lɛ kɛ mumɔi fɔ̃ji akpulu fɛɛ nyɛnu shi kome; nyɛnyɛŋ Nuŋtsɔ lɛ okplɔ̃ lɛ nɔ nii kɛ mumɔi fɔ̃ji anɔ lɛ nɔ nii fɛɛ nyɛye shi kome.

1 Korintobii 11:2

Shi, anyɛmimɛi, miijie nyɛyi akɛ nyɛkaiɔ mi yɛ nibii fɛɛ mli, ni nyɛhiɛ tsɔ̃ɔmɔi ni mikɛhã nyɛ lɛ mli bɔ pɛ ni mikɛhã nyɛ lɛ.

1 Korintobii 14:6

Shi agbɛnɛ, anyɛmimɛi, kɛji miba nyɛŋɔɔ mibawie wiemɔi srɔtoi ni jeee kpojiemɔ loo nilee loo gbalɛ loo nitsɔɔmɔ ko ni lɛ, mɛɛ sɛɛ mibahã nyɛna?

Galatabii 1:6

Efee mihiɛ yaa akɛ amrɔ nɛɛ nɔŋŋ lɛ nyɛmiitsi nyɛhe kɛjɛ mɔ ni tsɛ nyɛ yɛ Kristo dromɔ mli lɛ he kɛya Sanekpakpa kroko he;

Efesobii 2:20

ni atswa nyɛ ama bɔfoi lɛ kɛ gbalɔi lɛ shishitoo lɛ ni ekoŋtɛ ji Yesu Kristo lɛ nɔ.

Efesobii 6:18

Ni nyɛkɛ sɔlemɔ kɛ faikpamɔ fɛɛ asɔlea be fɛɛ be yɛ mumɔ mli, ni enɛ hewɔ lɛ nyɛsaraa, ni nyɛkãa he daa nyɛkpaa fai nyɛhãa krɔŋkrɔŋbii lɛ fɛɛ

Filipibii 1:5

yɛ wa ni nyɛwa yɛ Sanekpakpa lɛ gbɛfaŋ kɛjɛ klɛŋklɛŋ gbi lɛ nɔ kɛbashi be nɛ lɛ hewɔ;

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 4:2

Nyɛhiɛa sɔlemɔ mli, ni nyɛshia kpe yɛ mli kɛ shidaa.

2 Timoteo 3:14

Shi bo lɛ, hii shi yɛ nii ni okase ni oyɔɔ hewalɛ yɛ nɔ lɛ amli, ejaakɛ ole mɛi anaa ni okase yɛ,

Hebribii 10:25

Ni wɔkakwa wɔhe naabuamɔ, tamɔ bɔ ni mɛi komɛi fɔɔ feemɔ lɛ, shi moŋ wɔwowoo wɔhe ŋaa, ni titri lɛ akɛni nyɛmiina akɛ Gbi lɛ miibɛŋkɛ nɛɛ.

Hebribii 10:39

Shi wɔ lɛ, jeee mɛi ni kpaleɔ kɛyaa hiɛkpãtãmɔ mli lɛ ateŋ mɛi komɛi ji wɔ, shi moŋ wɔji mɛi ni kɛ hemɔkɛyeli naa amɛsusuma yiwalaheremɔ lɛ ateŋ mɛi komɛi.

1 Yohane 1:3

Nɔ ni wɔna ni wɔnu lɛ, no wɔjajeɔ wɔtsɔ̃ɔ nyɛ hu, koni nyɛ hu nyɛkɛ wɔ abɔ naanyo. Shi wɔnaanyobɔɔ lɛ, Tsɛ lɛ kɛ eBi Yesu Kristo lɛ wɔkɛbɔɔ.

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

Yuda 1:20

Shi suɔmɔmɛi, nyɛ lɛ nyɛtswaa nyɛhe nyɛmaa nyɛhemɔkɛyeli ni he tse jogbaŋŋ lɛ nɔ, ni nyɛsɔlea yɛ Mumɔ Krɔŋkrɔŋ lɛ mli,