Bɔfoi 2:38 - ŊMALƐ KRƆŊKRƆŊ LƐ

³⁸ Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Ṅmãle̱ Kroṅkroṅ Le̱

³⁸ Ni Petro kē̱ame̱ ake̱: *Nyetšakea nyetšuii amli ní nyeteṅ mofẽmo ahã abaptisile̱ awo Iesu Kristo gbe̱i amli, koni aṅõ nyehe ešai le̱ afanye, ni nyeaná Mumo̱ kroṅkroṅ nõkēnõ le̱. *3,17-19. Luk. 24,17.

Bɔfoi 2:38 ပူးပေါင်းရင်းမြစ်များ

Yesaia 32:15

Be miiba ni Nyɔŋmɔ aaafɔse Mumɔ lɛ kɛaajɛ ŋwɛi eshwie wɔnɔ, ni shiaŋa lɛ aaatsɔ̃ shikpɔŋ ni baa nii, ni shikpɔŋ ni baa nii aaatsɔ̃ koo.

Yesaia 59:20

Yehowa kɛɛ emaŋbii lɛ akɛ, “Mibaba Zion taakɛ kpɔ̃lɔ, akɛ kpɔ̃lɔ ha Yakob shwiei ni ekpale kɛje nifɔɔjianiifeemɔ mli lɛ.

Yesaia 59:21

Ni naa, mi lɛ kpãŋmɔ ni mi kɛ nyɛ kpãŋɔ nɛ: Mimumɔ lɛ ni yɔɔ omli lɛ, kɛ miwiemɔi ni mikɛwo onaa lɛ, ha akã bo kɛ oshwiei ashwiei fɛɛ anaa kɛjɛ be nɛɛ mli kɛyashi naanɔi anaanɔ.”

Ezekiel 39:29

Mafɔse miMumɔ lɛ mashwie Israel we lɛ nɔ, ni mitsiŋ mihe kɛjɛŋ amɛhe dɔŋŋ,” Nuŋtsɔ Yehowa kɛɛ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 3:6

ni ebaptisi amɛ yɛ Yordan faa lɛ mli, be ni amɛjajeɔ emɛhe eshai lɛ.

Mateo 4:17

Kɛjɛ no nɔ lɛ Yesu bɔ̃i shiɛmɔ ni ekɛɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ!”

Marko 1:15

Ekɛɛ, “Be lɛ eshɛ; Nyɔŋmɔ Maŋtsɛyeli lɛ enina nyɛ! Nyɛtsakea nyɛtsui, ni nyɛhea Sanekpakpa lɛ nyɛyea.”

Marko 16:16

Mɔ ni heɔ yeɔ ni aaabaptisi lɛ lɛ, aaahere eyiwala, shi mɔ ni heee yeee lɛ, aaabu lɛ fɔ.

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Luka 3:10

Ni asafoi lɛ bi lɛ akɛ, “Belɛ mɛni wɔfee mɔ?”

Bɔfoi 10:43

Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Bɔfoi 10:48

Ni efã akɛ abaptisi amɛ yɛ Yesu Kristo gbɛi lɛ mli. Kɛkɛ ni amɛkpa lɛ fai akɛ ekɛ amɛ ahi shi gbii fioo ko.

Bɔfoi 13:38

No hewɔ lɛ, anyɛmimɛi hii, nyɛnaa nyɛlea akɛ mɔ nɛ nɔŋŋ nɔ atsɔ̃ɔ ajajeɔ eshaifaa atsɔɔ nyɛ lɛ; ni nibii fɛɛ ni anyɛŋ abu nyɛ bem yɛ he yɛ Mose Mla lɛ naa lɛ,

Bɔfoi 16:15

Ni be ni abaptisi lɛ kɛ ewe lɛ, ekpa wɔ fai akɛ, “Kɛji nyɛbu mi akɛ mihe Nuŋtsɔ lɛ miye anɔkwale mli lɛ, no lɛ nyɛbaa miwe lɛ, ni nyɛbahia jɛi.” Ni ehiɛ wɔ aahu, ni wɔkpɛ̃lɛ.

Bɔfoi 17:30

No hewɔ lɛ, bei ni aleee lɛ Nyɔŋmɔ eku ehiɛ efɔ̃ nɔ, shi agbɛnɛ lɛ eewo gbɔmɛi fɛɛ ni yɔɔ he fɛɛ he kitã akɛ amɛtsake amɛtsui,

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 22:16

Ni agbɛnɛ mɛɛba oshashaoɔ shi? Tee shi ni ohã abaptisi bo, ni afɔ ohe eshai lɛ ashwie ahã bo, ni osɔle otsɛ Nuŋtsɔ lɛ.

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Bɔfoi 5:31

lɛ enɔ Nyɔŋmɔ wo kɛtee eninejurɔ nɔ, ni ewo lɛ lumɔ kɛ yiwalaherelɔ, koni ehã Israel ana tsuitsakemɔ kɛ eshaifaa.

Bɔfoi 8:12

Shi be ni amɛhe Filipo ni jaje Nyɔŋmɔ maŋtsɛyeli lɛ kɛ Yesu Kristo gbɛi lɛ he Sanekpakpa lɛ etsɔ̃ɔ amɛ lɛ amɛye lɛ, abaptisi hii kɛ yei fɛɛ.

Bɔfoi 8:20

Shi Petro kɛɛ lɛ akɛ, “Okɛ oshika lɛ fɛɛ hiɛ akpãtã, ejaakɛ osusuɔ akɛ Nyɔŋmɔ nɔkeenɔ lɛ shika akɛheɔ!

Romabii 6:3

Aloo nyɛleee akɛ wɔteŋ mɛi abɔ ni abaptisi wɔ awo Kristo Yesu mli lɛ, egbele lɛ mli abaptisi wɔ awo?

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,