Bɔfoi 2:3 - ŊMALƐ KRƆŊKRƆŊ LƐ

³ Ni lilɛii ni agbalagbalaa mli ni tamɔ la lilɛii pue; ni ebatara amɛyiteaŋ ekomekome;

Ṅmãle̱ Kroṅkroṅ Le̱

³ Ni lile̱ii ni agblagbla mli ní tamo̱ lalileii pue; ni ebatrá ame̱yĩteaṅ ekomekome; Mat. 3,11.

Bɔfoi 2:3 ပူးပေါင်းရင်းမြစ်များ

1 Mose 11:6

Yehowa kɛɛ akɛ, “Kwɛ, gbɔmɛi kome ni, ni amɛ fɛɛ amɛwieɔ wiemɔ kome, ni nɔ ni amɛaafee wɔsɛɛ ko lɛ, eshishijee kɛkɛ po nɛ, etsɛŋ kwraa ni amɛaafee nɔ ni amɛ diɛŋtsɛ amɛsumɔɔ.

Lalai 55:9

Oo Nuŋtsɔ, futumɔ amɛjwɛŋmɔi lɛ, kaahã amɛmiikpã gbee, ejaakɛ miina basabasafeemɔ kɛ nɔmɔ yɛ maŋ lɛ mli.

Yesaia 6:5

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Yeremia 23:29

Ani miwiemɔ lɛ etamɔɔɔ la; ni etamɔɔɔ hamle ni jwaraa tɛsaa mli wɔtsɔwɔtsɔ lo?

Mateo 3:11

Mi lɛ, nu mikɛbaptisiɔ nyɛ hã tsuitsakemɔ; shi mɔ ni baa yɛ misɛɛ lɛ, ehe wa fe mi; etokotai tete misaaa mɔ ni hiɛɔ. Lɛ eeebaptisi nyɛ kɛ Mumɔ Krɔŋkrɔŋ kɛ la.

Mateo 3:15

Shi Yesu here nɔ ekɛɛ lɛ akɛ, “Kpɛlɛ̃mɔ kɛkɛ, ejaakɛ nɛkɛ sa akɛ wɔgbeɔ jalɛ fɛɛ naa.” Kɛkɛ ni ekpɛlɛ̃.

Luka 24:32

Ni amɛkɛɛkɛɛ amɛhe akɛ, “Ani nɔ ko etaaa wɔmli be ni ekɛ wɔ wieɔ yɛ gbɛ lɛ nɔ ni etsɔ̃ɔ wɔ Ŋmalɛi lɛ amli lɛ?”

Bɔfoi 1:15

Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ,

Bɔfoi 2:11

Kretabii kɛ Arabiabii: wɔmiinu akɛ amɛmiijaje Nyɔŋmɔ nibii wuji lɛ yɛ wɔwiemɔi lɛ amli.”

Bɔfoi 2:2

Ni trukaa lɛ gbɛɛmɔ ko ni tamɔ ahum ni tswaa waa jɛ ŋwɛi ba, ni ebayi shĩa he ni amɛtara lɛ fɛɛ obɔ̃.

Bɔfoi 2:4

ni Mumɔ Krɔŋkrɔŋ bayimɔ amɛ fɛɛ obɔ̃bɔ̃, ni amɛbɔ̃i wiemɔi krokomɛi awiemɔ tamɔ bɔ ni Mumɔ lɛ kɛwo amɛnaa lɛ.

1 Korintobii 12:10

Mɔ ko lɛ hewalɛnii atsumɔ; mɔ ko lɛ gbalɛ; mɔ ko hu mumɔi ashikpamɔ ni akɛnaa mumɔi amligbalamɔi; mɔ ko lɛ wiemɔi srɔtoi awiemɔ; ni mɔ ko hu wiemɔi ashishitsɔ̃ɔmɔ.

Yakobo 3:6

Ni lilɛi lɛ hu, la ni; wɔhenii lɛ ateŋ lɛ, lilɛi ji nishaianii ajeŋ muu; ni ebuleɔ gbɔmɔtso muu lɛ fɛɛ ni emaa fɔmɔŋ tsakpãa lɛ naa la, ni abonsamiiaje enaa ela lɛ kɛjɛɔ.

Kpojiemɔ 11:3

Ni mahã midasefoi enyɔ lɛ hegbɛ ni amɛgba gbii akpe kɛ ohai enyɔ kɛ nyɔŋmai ekpaa ni amɛwo kpekpe.”

Kpojiemɔ 14:6

Ni mina bɔfo kroko miifiliki yɛ ŋwɛi teŋ, ni ehiɛ naanɔ Sanekpakpa ni eyaajaje etsɔ̃ɔ mɛi ni yɔɔ shikpɔŋ lɛ nɔ kɛjɛ jeŋmaŋ fɛɛ jeŋmaŋ kɛ akutso fɛɛ akutso kɛ maji anɔ wiemɔi fɛɛ kɛ maŋ fɛɛ maŋ mli.