Bɔfoi 2:27 - ŊMALƐ KRƆŊKRƆŊ LƐ

²⁷ ejaakɛ oshiŋ misusuma yɛ gbohiiaje, ni ohaŋ omɔ krɔŋkrɔŋ lɛ ana fitemɔ.

Ṅmãle̱ Kroṅkroṅ Le̱

²⁷ edšake̱ ošīṅ misusuma ye̱ gbohĩĩadše, ni ohãṅ omokroṅkroṅ le̱ ana fitemo̱.

Bɔfoi 2:27 ပူးပေါင်းရင်းမြစ်များ

Lalai 116:3

Gbele tsɔnei lɛ bɔle mi kɛkpe, gbohiiaje gbeyei lɛ mɔ mi; mina nɔ̃, ni miwerɛ ho mihe.

Lalai 16:10

Ejaakɛ oŋmɛŋ mihe ohaŋ gbohiiaje, ni mɔ ni heɔ onɔ eyeɔ lɛ enaŋ gbohiiaje.

Lalai 49:15

Shi mi lɛ, Nyɔŋmɔ aaakpɔ̃ misusuma kɛjɛ gbohiiaje hewalɛ dɛŋ. Ejaakɛ eeehe mi eto.

Lalai 86:13

Ejaakɛ osuɔmɔ kpele ni sɛɛ efooo lɛ fa hã mi. Ohere misusuma kɛje gbohiiaje tɔ̃ɔ.

Lalai 89:19

Blema ko lɛ okɛ otsuji anɔkwafoi lɛ wie yɛ ninaa mli akɛ, “Miye mibua kãkãlɔ ko, miŋɔ mɔ ko yɛ maŋbii lɛ ateŋ ni miwo enɔ.

Yona 2:6

Mikpeleke shi kɛtee gɔji ashishitoo hei diɛŋtsɛ po, shikpɔŋ ni enaa agboi lɛ sa miyi kɛmiiya naanɔ lɛ. Shi Yehowa, miNyɔŋmɔ, ohere miyiwala kɛjɛ bu kwɔŋkwɔŋ lɛ mli.

Mateo 11:23

Ni bo Kapernaum, ani aaawo onɔ kɛshɛ ŋwɛi? Gbohiiaje tɔ̃ɔ aaaba bo shi kɛaatee; ejaakɛ hewalɛ nitsumɔi ni atsu yɛ omli lɛ, eji atsu yɛ Sodom kulɛ ema shi kɛbashi ŋmɛnɛ.

Marko 1:24

“Mɛɛ sane wɔkɛ bo yɔɔ, Yesu Nazarenyo? Oba wɔhiɛ kpãtãmɔ? Mile mɔ ni ji bo. Bo ji Nyɔŋmɔ Mɔ krɔŋkrɔŋ lɛ!”

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Luka 16:23

Ni be ni eyɔɔ hejaramɔi amli yɛ gbohiiaje ni eyaawo ehiɛ nɔ lɛ, ena Abraham yɛ shɔŋŋ, kɛ Lazaro ni hɔ emlishi.

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Luka 4:34

ekɛɛ, “Ao! Mɛɛ sane wɔkɛ bo yɔɔ, bo Yesu Nazarenyo? Oba wɔhiɛ kpãtãmɔ? Mile mɔ ni ji bo, bo ji Nyɔŋmɔ Mɔ Krɔŋkrɔŋ lɛ!”

Yohane 11:39

Yesu kɛɛ, “nyɛjiea tɛ lɛ.” Marta, mɔ ni egbo lɛ nyɛmi yoo lɛ kɛɛ akɛ, “Nuŋtsɔ, be nɛ mli lɛ efite, ejaakɛ eye gbii ejwɛ sɔŋŋ.”

Bɔfoi 2:26

No hewɔ lɛ, mitsui nyɔ̃ mimli ni mililɛi nya, ni asaŋ migbɔmɔtso hu aaajɔɔ ehe yɛ hiɛnɔkãmɔ mli;

Bɔfoi 2:28

Ohã mile wala gbɛ̃i lɛ, Ni ooowo mi obɔ̃ kɛ miishɛɛ yɛ ohiɛ.’

Bɔfoi 2:31

ena eto ni ewie Kristo shitee lɛ he akɛ ashiii esusuma yɛ gbohiiaje ni egbɔmɔtso hu fiteee.

Bɔfoi 3:14

Shi nyɛ lɛ, nyɛkwa Mɔ Krɔŋkrɔŋ kɛ Jalɔ lɛ, ni nyɛkpa fai akɛ akɛ gbɔmɔ awuyelɔ moŋ ake nyɛ,

Bɔfoi 4:27

“Lɛɛlɛŋ, Herode kɛ Pontio Pilato kɛ jeŋmaji lɛ kɛ Israel maji lɛ hu ebabua amɛhe naa yɛ maŋ nɛɛŋ amɛwo otsulɔ Krɔŋkrɔŋ Yesu, mɔ ni ofɔ lɛ mu lɛ,

1 Korintobii 15:52

trukaa, hiŋmɛitswaa mli, be ni aaakpã naagbee tɛtɛrɛmantɛrɛ lɛ; ejaakɛ abaakpã tɛtɛrɛmantɛrɛ, ni aaatee gbohii ashi ni amɛfiteŋ dɔŋŋ, ni wɔ lɛ, abaatsake wɔ.

1 Korintobii 15:55

“Ao gbele, nɛgbɛ okunim lɛ yɔɔ? Ao gbele, nɛgbɛ ogãi lɛ yɔɔ?”

1 Yohane 2:20

Ni nyɛ lɛ, nyɛna mufɔɔ kɛjɛ Mɔ Krɔŋkrɔŋ lɛ dɛŋ, ni nyɛle nii fɛɛ.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 20:13

Ni ŋshɔ jie gbohii ni yɔɔ emli lɛ ehã, ni gbele kɛ gbohiiaje hu jie gbohii ni yɔɔ amɛmli lɛ amɛhã; ni akojo amɛ, mɔ fɛɛ mɔ yɛ enitsumɔi lɛ anaa.

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,