Bɔfoi 2:23 - ŊMALƐ KRƆŊKRƆŊ LƐ

²³ Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Ṅmãle̱ Kroṅkroṅ Le̱

²³ le̱ ní *adšiele̱ ye̱ Nyoṅmo̱ yiṅtō ke̱ enii ní ele eto le̱ nā ahã le̱, nyetšṍ mei ní be̱ mla le̱ anine no̱ nyese̱ṅle̱ ni nyegbele̱; *4,28.

Bɔfoi 2:23 ပူးပေါင်းရင်းမြစ်များ

1 Mose 50:20

Tsɛbelɛ, nyɛ lɛ, nyɛto nyɛyiŋ akɛ nyɛaafee mi efɔŋ, shi Nyɔŋmɔ hã etsɔ̃ nɔ kpakpa; bɔ ni afee ni atsɔ̃ no nɔ ahere mɛi babaoo ayiwala, tamɔ bɔ ni eba mli ŋmɛnɛ nɛɛ.

Lalai 76:10

Gbɔmɔ adesã mlila tete aaajie oyi. Mɛi ni aaaje gbele mli yɛ ta lɛ mli lɛ, aaaye ogbii juji lɛ.

Yesaia 37:26

“Ani onuko kwraa akɛ mi, mito nibii nakai kɛjɛ blema beebe lo? Ni nibii ni mito kɛjɛ blema lɛ mihã eba mli agbɛnɛ nɛɛ akɛ okpãtã maji ni atswa gbogbo awo amɛhe ahiɛ koni amɛtsɔmɔ nii ni akumɔ abua shi kuikui.

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Mateo 20:19

Ni amɛkɛ lɛ aaahã jeŋmajiaŋbii lɛ ni amɛye ehe fɛo ni amɛkɛ kpelebii ayi lɛ ni amɛsɛŋ lɛ, ni gbi ni ji etɛ̃ lɛ aaatee lɛ shi.”

Mateo 26:24

Gbɔmɔ Bi lɛ miiya tamɔ bɔ ni aŋma yɛ ehe lɛ moŋ; shi kpoo hã mɔ ni tsɔ̃ɔ Gbɔmɔ Bi lɛ sɛɛgbɛ lɛ; faŋ nɔ ni anaaa afɔ nakai gbɔmɔ lɛ.”

Mateo 27:35

Be ni amɛsɛŋ lɛ lɛ, amɛfɔ̃ oshiki amɛkɛja etadei lɛ.

Marko 15:24

Ni be ni amɛsɛŋ lɛ lɛ, amɛja etadei lɛ amli, ni amɛfɔ̃ nɔ oshiki, nɔ ni mɔ akɔ.

Luka 22:22

ni Gbɔmɔ Bi lɛ miiya, tamɔ bɔ ni akpɛ mli ato lɛ moŋ; shi kpoo hã mɔ ni tsɔ̃ɔ esɛɛgbɛ lɛ!”

Luka 22:37

Ejaakɛ miikɛɛ nyɛ akɛ nɔ ni aŋma nɛɛ hu, ja eba mli yɛ mihe, akɛ, ‘Ni abu lɛ ashi mlatɔlɔi anɔ’; ejaakɛ nibii ni aŋmala yɛ mihe lɛ miiba mli.”

Luka 23:33

Ni be ni amɛshɛ he ni atsɛɔ jɛi akɛ Yitsoŋoŋo lɛ, amɛsɛŋ lɛ kɛ efɔŋfeelɔi lɛ yɛ jɛi, mɔ kome ye ninejurɔgbɛ ni mɔ kome hu ye abɛkugbɛ.

Luka 24:20

kɛ bɔ ni wɔsɔfonukpai lɛ kɛ wɔmaŋ onukpai lɛ kɛ lɛ hã ni abu lɛ gbele fɔ, ni amɛsɛŋ lɛ lɛ.

Yohane 19:18

Jɛi amɛyasɛŋ lɛ yɛ; ni amɛkɛ mɛi krokomɛi enyɔ fata ehe, mɔ kome yɛ biɛ ni mɔ kome hu yɛ biɛ, ni Yesu yɛ teŋ.

Yohane 19:24

No hewɔ lɛ, amɛkɛɛkɛɛ amɛhe akɛ, “Nyɛkahãa wɔgbalaa no, shi nyɛhãa wɔfɔ̃a nɔ oshiki ni wɔna mɔ nɔ ni aaatsɔ̃.” Koni ŋmalɛ ni kɛɛ akɛ, “Amɛja mitadei lɛ amli amɛhã amɛhe, ni mihebo lɛ amɛfɔ̃ nɔ oshiki lɛ aba mli. Enɛ ji nɔ ni asraafoi lɛ fee lɛ.”

Bɔfoi 13:27

Ejaakɛ mɛi ni yɔɔ Yerusalɛm lɛ kɛ amɛmaŋ onukpai lɛ, akɛni amɛleee Yesu, ni asaŋ amɛnuuu gbalɔi lɛ awiemɔi ni akaneɔ hejɔɔmɔ gbi fɛɛ hejɔɔmɔ gbi nɔ lɛ ashishi hewɔ lɛ, amɛkɛ amɛfɔ ni amɛbu lɛ lɛ ehã gbalɔi lɛ awiemɔi lɛ eba mli.

Bɔfoi 15:18

Nuŋtsɔ lɛ ni hã ale enɛ kɛjɛ teteete lɛ kɛɛ.

Bɔfoi 2:36

“No hewɔ lɛ, Israel we lɛ fɛɛ ale krɛdɛɛ akɛ Nyɔŋmɔ eŋɔ nɛkɛ Yesu ni nyɛsɛŋ lɛ nɛɛ efee Nuŋtsɔ kɛ Kristo fɛɛ.”

Bɔfoi 3:18

shi nii ni Nyɔŋmɔ ekɛɛ eto momo yɛ egbalɔi lɛ fɛɛ anaa akɛ eKristo lɛ aaana amanehulu lɛ, ehã eba mli nakai.

Bɔfoi 4:28

koni amɛfee nii abɔ ni onine kɛ oyiŋtoo lɛ eto efɔ shi akɛ afee lɛ.

Bɔfoi 5:28

akɛ, “Ani wɔwooo nyɛ kitã kadikadi akɛ nyɛkatsɔ̃ɔ nii yɛ nɛkɛ gbɛi nɛɛ mli? Nyɛkwɛa bɔ ni nyɛhã Yerusalɛm eyi obɔ̃ kɛ nyɛtsɔ̃ɔmɔ lɛ, ni nyɛmiitao akɛ nyɛkɛ nɛkɛ nuu nɛɛ lá lɛ baa wɔnɔ.”

Bɔfoi 5:30

Yesu ni nyɛsɛŋ lɛ yɛ tso nɔ ni nyɛgbe lɛ lɛ, wɔtsɛmɛi aNyɔŋmɔ lɛ tee lɛ shi;

Bɔfoi 7:52

Gbalɔi lɛ ateŋ namɔ ni nyɛtsɛmɛi lɛ waaa lɛ yi? Amɛgbe mɛi ni gba yɛ jalɔ lɛ baa lɛ he amɛto lɛ. Ni agbɛnɛ nyɛ nyɛtsɔ̃ɔ esɛɛgbɛ ni nyɛgbe lɛ,

Romabii 2:12

Ejaakɛ mɛi abɔ ni bɛ Mla lɛ ni amɛfee esha lɛ amɛaalaaje akɛ mɛi ni bɛ Mla; ni mɛi abɔ ni yɔɔ Mla lɛ shishi ni amɛfee esha lɛ, Mla lɛ nɔŋŋ akɛaakojo amɛ.

Romabii 4:17

tamɔ bɔ ni aŋma lɛ akɛ, “Mikɛ bo efee jeŋmaji pii atsɛ” yɛ Nyɔŋmɔ mɔ ni ehe eye lɛ hiɛ, mɔ hu ni tsiɛ̃ɔ gbohii ahiɛ, ni etsɛɔ nibii ni bɛ lɛ kɛbaa tamɔ nɔ ni amɛyɛ momo lɛ.

1 Tesalonikabii 2:15

amɛgbe Nuŋtsɔ Yesu kɛ gbalɔi lɛ hu, ni amɛwa wɔ yi. Amɛsaaa Nyɔŋmɔ hiɛ, ni amɛkɛ gbɔmɛi fɛɛ yeee.

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!

1 Petro 1:20

Ahala lɛ ato momosa dani ato jeŋ shishi, shi ajie lɛ kpo yɛ bei lɛ anaagbee mli yɛ nyɛhewɔ.

1 Petro 2:8

kɛ “Tɛmɔtɛ kɛ nanetɔ̃tɔ̃mɔ tɛsaa ehã amɛ.” Ejaakɛ akɛni amɛbooo wiemɔ lɛ toi hewɔ lɛ amɛtɛrɛ, ni no nɔŋŋ ato amɛ ahã;

Yuda 1:4

Ejaakɛ gbɔmɛi komɛi eju shi ebabote wɔteŋ, mɛi ni blema beebe ajɛ aŋma amɛhe sane afɔ̃ shi ahã nɛkɛ kojomɔ nɛɛ, mɛi ni sheee Nyɔŋmɔ gbeyei ni ŋɔɔ wɔNyɔŋmɔ dromɔ lɛ amɛbɔɔ nyɛnyɛŋtswi, ni amɛkwaa Nyɔŋmɔ ni ji nɔyelɔ koome lɛ kɛ wɔNuŋtsɔ Yesu Kristo lɛ.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.