Bɔfoi 2:21 - ŊMALƐ KRƆŊKRƆŊ LƐ

²¹ Ni aaaba mli akɛ mɔ fɛɛ mɔ ni aaabo atsɛ Nuŋtsɔ lɛ gbɛi lɛ, aaahere eyiwala.’

Ṅmãle̱ Kroṅkroṅ Le̱

²¹ Ni aaba mli ake̱ mofẽmo ní aabo atšé̱ Nuṅtšo̱ le̱ gbe̱i le̱, aahere eyi wala.” Rom. 10.13.

Bɔfoi 2:21 ပူးပေါင်းရင်းမြစ်များ

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

Yoel 2:32

Shi mɔ fɛɛ mɔ ni aaasɔle atsɛ Yehowa gbɛi lɛ, aaahere eyi wala. Ni tamɔ bɔ ni Yehowa ekɛɛ lɛ. Mɛi komɛi ahe aaaje mli, yɛ Zion Gɔŋ, Yerusalɛm; mɛi ni mahala lɛ ayi aaana wala.”

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Bɔfoi 2:20

Hulu aaatsɔ̃ duŋ, ni nyɔɔŋtsere aaatsɔ̃ lá, dani Nuŋtsɔ lɛ gbi wulu ni yɔɔ nyam lɛ aaaba.

Bɔfoi 22:16

Ni agbɛnɛ mɛɛba oshashaoɔ shi? Tee shi ni ohã abaptisi bo, ni afɔ ohe eshai lɛ ashwie ahã bo, ni osɔle otsɛ Nuŋtsɔ lɛ.

Bɔfoi 9:11

Ni Nuŋtsɔ lɛ kɛɛ lɛ akɛ, “Tee shi ni oya blohu ni atsɛɔ lɛ Trɔmɔɔ lɛ mli, ni oyabi mɔ ko ni atsɛɔ lɛ Saul ni jɛ Tarso lɛ shi yɛ Yuda we lɛ; ejaakɛ naa, eesɔle,

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

1 Korintobii 1:2

ŋma wolo nɛɛ yahã Nyɔŋmɔ asafo ni yɔɔ Korinto lɛ, ni ji mɛi ni atsuu amɛhe yɛ Kristo Yesu mli lɛ. Mɛi krɔŋkrɔŋi ni atsɛ amɛ kɛ mɛi fɛɛ ni yɔɔ he fɛɛ he ni tsɛɔ wɔNuŋtsɔ Yesu Kristo ni ji wɔ kɛ amɛ fɛɛ Nuŋtsɔ lɛ gbɛi lɛ.

Hebribii 4:16

Hewɔ lɛ nyɛhãa wɔkɛ ekãa atsia abɛŋkɛa dromɔ sɛi lɛ, koni wɔnine ashɛ mɔbɔnalɛ nɔ ni wɔna dromɔ ni aaaye abua wɔ yɛ be ni sa mli.