Bɔfoi 2:20 - ŊMALƐ KRƆŊKRƆŊ LƐ

²⁰ Hulu aaatsɔ̃ duŋ, ni nyɔɔŋtsere aaatsɔ̃ lá, dani Nuŋtsɔ lɛ gbi wulu ni yɔɔ nyam lɛ aaaba.

Ṅmãle̱ Kroṅkroṅ Le̱

²⁰ Hũīl aatsṍ duṅ, ni nyoṅtšĕre aatšṍ lá dãni Nuṅtšo̱ le̱ gbĩ wulu ní yo̱ nyam le̱ aaba.

Bɔfoi 2:20 ပူးပေါင်းရင်းမြစ်များ

Yesaia 13:10

Ejaakɛ gbi lɛ ŋulamii krokomɛi lɛ kɛ oŋwɛ̃i fɛɛ kpɛŋ, ni hulushitee mli tɔ̃ɔ lɛ, ehiɛ aaawo duŋ, ni nyɔɔŋtsere hu kpɛŋ.

Yesaia 13:15

Mɔ fɛɛ mɔ ni aaana lɛ lɛ, aaatsu lɛ nɔ, ni mɔ fɛɛ mɔ ni aaamɔ lɛ lɛ, eeenyɔ yɛ klante naa.

Yesaia 13:9

Naa, gbi ni Yehowa eto lɛ miiba. Gbi lɛ baafee yiwalɛ gbi ni jɛ mlila kɛ mlifu ni naa wa mli. Ebaaha je lɛ atsɔ̃ amaŋfɔ̃, ni aaakpãtã emli eshafeelɔi lɛ ahiɛ kɛje je lɛ mli.

Yesaia 24:23

Nyɔɔŋtsere kpɛŋ, ni hulu etsoŋ, ejaakɛ Yehowa, Taiatsɛ lɛ, baaye nɔ yɛ Zion Gɔŋ lɛ nɔ, yɛ Yerusalɛm, ni ebaajie enunyam lɛ kpo etsɔ̃ɔ maŋ lɛ mli onukpai lɛ.”

Yesaia 34:8

Ejaakɛ Yehowa oweletɔɔ be lɛ ni, be ni ebaaye Zion sane lɛ ehã lɛ koni eto lɛ najiaŋ pɛpɛɛpɛ lɛ.

Yeremia 4:23

Mikwɛ shikpɔŋ lɛ, naa, ekã shi olɛŋlɛ; ni efee floŋŋ; ni mikwɛ ŋwɛi hu lɛ, la ko bɛ jɛi.

Yoel 2:1

Nyɛkpãa tɛtɛrɛmantɛrɛ yɛ Zion; nyɛbɔa oshe yɛ migɔŋ krɔŋkrɔŋ lɛ nɔ! Shikpɔŋ lɛ nɔ bii fɛɛ ahe akpokpo, ejaakɛ Yehowa gbi lɛ miiba; eshɛ shi etã.

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Yoel 3:14

Gbɔmɛi akpeiakpei abɔ yɛ Kojomɔ Jɔɔ lɛ mli. Jɛi ji he ni Yehowa Gbi ni eshɛ etã lɛ baaba yɛ.

Amos 8:9

Nuŋtsɔ Nyɔŋmɔ kɛɛ akɛ, “Nakai gbi lɛ nɔ lɛ, mibahã hulu anyɔ shi shwane koni duŋ awo yɛ shikpɔŋ lɛ nɔ shwane fintiŋŋ.

Maleaki 4:5

“Shi dani nakai Yehowa gbi wulu ni yɔɔ gbeyei lɛ baashɛ lɛ, mibatsu Gbalɔ Elia kɛba nyɛŋɔɔ.

Mateo 24:29

“Shi nakai gbii lɛ amli amanehului lɛ asɛɛ nɔŋŋ lɛ, hulu aaawo duŋ, ni nyɔɔŋtsere kpɛŋ dɔŋŋ, ni ŋulamii aaatserɛ kɛaajɛ ŋwɛi atswia shi, ni ŋwɛi hewalɛi lɛ aaahoso.

Mateo 27:45

Shi kɛjɛ shwane ŋmɛlɛ nyɔŋma kɛ enyɔ kɛyashi ŋmɛji etɛ̃ lɛ duŋ wo yɛ shikpɔŋ lɛ nɔ fɛɛ.

Marko 13:24

“Shi no bei lɛ amli yɛ amanehulu nɛɛ sɛɛ lɛ, hulu hiɛ aaawo duŋ, ni nyɔɔŋtsere hu kpɛŋ;

Luka 21:25

“Ni okadii aaaba hulu kɛ nyɔɔŋtsere kɛ ŋulamii amli, ni jeŋmaji lɛ ahe aaajara amɛ yɛ shikpɔŋ lɛ nɔ, ni amɛaafee yeyeeye yɛ ŋshɔ gbɛɛmɔ kɛ ŋshɔkei akuumɔ hewɔ;

Bɔfoi 2:19

Ni mahã naakpɛɛnii aba ŋwɛi, ni okadii hu aba shikpɔŋ lɛ nɔ, lá kɛ la kɛ lasu lamɔ.

Bɔfoi 2:21

Ni aaaba mli akɛ mɔ fɛɛ mɔ ni aaabo atsɛ Nuŋtsɔ lɛ gbɛi lɛ, aaahere eyiwala.’

1 Korintobii 5:5

wɔkɛ gbɔmɔ ni tamɔ nɛkɛ nɛɛ awo Satan dɛŋ, koni epiŋ egbɔmɔtso lɛ ni ahere mumɔ lɛ yiwala yɛ Nuŋtsɔ Yesu Gbi lɛ nɔ.

1 Tesalonikabii 5:2

Ejaakɛ nyɛ diɛŋtsɛ nyɛle krɛdɛɛ akɛ Nuŋtsɔ lɛ Gbi lɛ baaba tamɔ julɔ baa nyɔɔŋ lɛ.

2 Petro 3:10

Shi Nuŋtsɔ lɛ Gbi lɛ baaba tamɔ julɔ, ni no mli lɛ ŋwɛi lɛ aaaho aya kɛ gbɛɛmɔ, ni je nɛɛ mli shishijeenii lɛ aaashã ni amɛaatserɛ, ni shikpɔŋ kɛ emli nii lɛ aaashã.

2 Petro 3:7

Shi ŋwɛi kɛ shikpɔŋ ni yɔɔ amrɔ nɛɛ, nakai wiemɔ lɛ nɔŋŋ nɔ etsɔ̃ ekɛ amɛ to hã là kɛyashi kojomɔ gbi lɛ ni aaakpãtã mɛi ni sheee Nyɔŋmɔ gbeyei lɛ ahiɛ lɛ.

Kpojiemɔ 16:8

Ni bɔfo ni ji ejwɛ lɛ fɔse etɔ lɛ mli nii lɛ eshwie hulu nɔ; ni ahã lɛ hewalɛ ni ekɛ la ashã gbɔmɛi.

Kpojiemɔ 6:12

Ni mina be ni etse naasɔomɔ ni ji ekpaa lɛ, ni naa, shikpɔŋ hoso waa, ni hulu tsɔ ediŋ tamɔ kpekpe ni akɛ yitsɔi fee, ni nyɔɔŋtsere muu lɛ tsɔ̃ tamɔ lá;