Bɔfoi 2:2 - ŊMALƐ KRƆŊKRƆŊ LƐ

² Ni trukaa lɛ gbɛɛmɔ ko ni tamɔ ahum ni tswaa waa jɛ ŋwɛi ba, ni ebayi shĩa he ni amɛtara lɛ fɛɛ obɔ̃.

Ṅmãle̱ Kroṅkroṅ Le̱

² Ni trukā le̱ gbē̱mo̱ ko ní tamo̱ ahum ni tſaä wā dše̱ ṅwei ba, ni ebayi šĩa heni ame̱trá le̱ fẽ obõ.

Bɔfoi 2:2 ပူးပေါင်းရင်းမြစ်များ

1 Maŋtsɛmɛi 19:11

Yehowa kɛɛ Elia akɛ, “Jee kpo koni oyadamɔ gɔŋ lɛ nɔ, ejaakɛ Yehowa baaho.” Kɛkɛ ni Yehowa baho: ahum ni naa wa ko tswa, ni egbala gɔji, ni ejwra tɛsai kɛnyiɛ Yehowa hiɛ; shi Yehowa bɛ ahum lɛ mli. Ahum lɛ sɛɛ lɛ shikpɔŋ hoso, shi Yehowa bɛ shikpɔŋhosomɔ lɛ mli.

Lalai 18:10

Eta kerub nɔ, ni efiliki; eta kɔɔyɔɔ fiji anɔ kɛkpeleke shi oya.

Salomo Lalai 4:16

Bo, kooyigbɛ kɔɔyɔɔ, ohiɛ atsɛ̃, ni bo wuoyigbɛ kɔɔyɔɔ, ba ni obatswa yɛ mitrom lɛ mli, koni anu emli ŋma gbalaŋŋ lɛ yɛ hei fɛɛ. Hã misuɔlɔ lɛ aba ebɔɔ lɛ mli ni ebaye etsei ayibii ni hi fe fɛɛ lɛ.

Yesaia 65:24

Ni aaaba mli akɛ dani amɛaatsɛ mi lɛ mahere amɛ nɔ, ni be ni amɛwieɔ lolo lɛ, mabo amɛtoi.

Maleaki 3:1

Yehowa, Taiatsɛ lɛ, kɛɛ akɛ, “Naa, miitsu mibɔfo lɛ kɛtsɔ̃ mihiɛ koni ebasaa gbɛ lɛ eto mi. Kɛkɛ lɛ Nuŋtsɔ ni nyɛtaoɔ lɛ lɛ baaba Sɔlemɔ we lɛ trukaa. Kpãŋmɔ Bɔfo lɛ ni nyɛshwe lɛ aahu lɛ aaashɛ shi.”

Luka 2:13

Ni trukaa lɛ ŋwɛi ta kpele bafata bɔfo lɛ he, ni amɛ jie Nyɔŋmɔ yi amɛkɛɛ,

Yohane 3:8

Kɔɔyɔɔ lɛ, he ni esumɔɔ etswaa kɛyaa, ni egbɛɛmɔ onuɔ, shi oleee he ni ejɛɔ kɛ he ni eyaa; nakai ji mɔ fɛɛ mɔ ni ajɛ Mumɔ mli afɔ lɛ lɛ.”

Bɔfoi 2:3

Ni lilɛii ni agbalagbalaa mli ni tamɔ la lilɛii pue; ni ebatara amɛyiteaŋ ekomekome;

Bɔfoi 2:6

Ni be ni anu nɛkɛ gbɛɛmɔ nɛɛ, mɛi babaoo babua amɛhe naa, ni amɛhe jɔ̃ amɛhe, ejaakɛ mɔ fɛɛ mɔ nu akɛ amɛmiiwie lɛ diɛŋtsɛ emaŋwiemɔ.

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

1 Petro 1:12

Ni ajie atsɔ̃ɔ amɛ akɛ, jeee amɛ diɛŋtsɛ amɛhewɔ, shi moŋ nyɛhewɔ ni amɛsɔ̃mɔ yɛ nɛkɛ nii nɛɛ ahe, nii ni agbɛnɛ mɛi ni jaje Sanekpakpa lɛ tsɔ̃ɔ nyɛ yɛ Mumɔ Krɔŋkrɔŋ ni atsu kɛjɛ ŋwɛi lɛ mli lɛ eshiɛ etsɔ̃ɔ nyɛ lɛ, ni ŋwɛi bɔfoi tete shweɔ akɛ amɛaana mli lɛ.