Bɔfoi 2:17 - ŊMALƐ KRƆŊKRƆŊ LƐ

¹⁷ “Nyɔŋmɔ kɛɛ, ‘Ni aaaba mli yɛ naagbee gbii lɛ anɔ akɛ, mafɔse miMumɔ lɛ eko mashwie gbɔmɛi fɛɛ anɔ, ni nyɛbihii kɛ nyɛbiyei lɛ aaagba, ni nyɛblahii lɛ aaana ninai, ni nyɛnukpai lɛ aaala lamɔi.

Ṅmãle̱ Kroṅkroṅ Le̱

¹⁷ “Nyoṅmo̱ kē̱: Ni aaba mli ye̱ nāgbē gbĩĩ le̱ ano̱, ake̱ mafo̱se mi-Mumo̱ le̱ eko maſie helo fẽ no̱, ni nyebihĩĩ ke̱ nyebiyei le̱ aagba, ní nyeblahĩĩ le̱ aana ninai, ni nyenukpai le̱ aala lamōi;

Bɔfoi 2:17 ပူးပေါင်းရင်းမြစ်များ

1 Mose 49:1

Kɛkɛ ni Yakob tsɛ ebii lɛ ni ekɛɛ, “Nyɛbuaa nyɛhe naa koni magba nyɛ wɔsɛɛ saji ni baaba nyɛ nɔ:

1 Mose 6:12

Nyɔŋmɔ na akɛ shikpɔŋ lɛ nɔ efite ejaakɛ gbɔmɛi fɛɛ efite amɛjeŋba yɛ shikpɔŋ lɛ nɔ.

Lalai 65:2

Oo, bo ni oboɔ sɔlemɔ toi, bo oŋɔɔ adesai fɛɛ baa.

Lalai 72:6

Maŋtsɛ atsɔ̃ tamɔ nu ni nɛɔ jwɛi ni ashwao nɔ; etsɔ̃ tamɔ futufuli ni shwãa shikpɔŋ gbiŋ nɔ.

Abe̱i 1:23

Kɛji mikã nyɛ lɛ, nyɛboa toi. Naa, mafɔse mimumɔ mawo nyɛmli, ni mahã nyɛyoo minilee wiemɔi lɛ hu.

Yesaia 2:2

Ebaaba mli akɛ naagbee mli lɛ, gɔŋ lɛ ni Yehowa Sɔlemɔ we lɛ ma nɔ lɛ baatsɔ̃ gɔŋ ni kwɔ fe gɔji fɛɛ. Abaawo enɔ fe gɔji lɛ fɛɛ, ni aaajɛ jeŋjeŋ fɛɛ aba jɛi.

Yesaia 40:5

Kɛkɛ lɛ abaajie Yehowa anunyam kpo, ni gbɔmɛi adesai fɛɛ baana, ejaakɛ enɛ jɛ Yehowa diɛŋtsɛ naa.”

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Yesaia 49:26

Maha ohaolɔi lɛ agbegbee amɛ diɛŋtsɛ amɛhe, ni amɛ diɛŋtsɛ amɛlá aaatɔ amɛ dãa. Kɛkɛ lɛ adesai fɛɛ aaana ale akɛ Mi ji Yehowa, nyɛ-Kpɔ̃lɔ kɛ Yiwalaherelɔ, Israel Nyɔŋmɔ Ofe lɛ.”

Yesaia 66:23

Yehowa kɛɛ, “Ni aaaba mli akɛ nyɔŋ hee fɛɛ nyɔŋ hee kɛ hejɔɔmɔ gbi fɛɛ hejɔɔmɔ gbi nɔ lɛ, gbɔmɛi fɛɛ aaaba abaja yɛ mihiɛ,” Yehowa kɛɛ.

Ezekiel 11:19

Ni mahã amɛ tsui kroko, ni mikɛ mumɔ hee baawo amɛmli; majie amɛtsui ni wa tamɔ tɛ lɛ kɛje amɛmli ni mahã amɛ loo tsui;

Ezekiel 39:29

Mafɔse miMumɔ lɛ mashwie Israel we lɛ nɔ, ni mitsiŋ mihe kɛjɛŋ amɛhe dɔŋŋ,” Nuŋtsɔ Yehowa kɛɛ.

Daniel 10:14

ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Mika 4:1

Wɔsɛɛ ko lɛ Sɔlemɔ We lɛ gɔŋ lɛ aaakwɔ fe gɔŋkpɔi lɛ fɛɛ, ni eeeta gɔŋkpɔi lɛ fɛɛ anɔ. Majimaji aaabu kɛaaba enɔ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Zakaria 2:13

Gbɔmɛi fɛɛ afee dioo yɛ Yehowa hiɛ, ejaakɛ ete shi kɛjɛ eshihilɛhe krɔŋkrɔŋ lɛ.

Luka 3:6

Ni heloo fɛɛ aaana Nyɔŋmɔ yiwalaheremɔ lɛ.’ ”

Yohane 17:2

tamɔ bɔ ni ohã lɛ hegbɛ yɛ gbɔmɛi fɛɛ anɔ, koni mɛi fɛɛ ni okɛhã lɛ lɛ, ehã amɛ naanɔ wala lɛ.

Yohane 7:39

Shi Mumɔ lɛ ni mɛi ni heɔ enɔ yeɔ lɛ baana lɛ he ewie nɛɛ; shi Mumɔ Krɔŋkrɔŋ lɛ nako aba, ejaakɛ anako awo Yesu hiɛ nyam.

Bɔfoi 10:45

Ni heyelɔi abɔ ni jɛ ketiafolɔi ateŋ ni kɛ Petro ba lɛ anaa kpɛ amɛhe akɛ afɔse Mumɔ Krɔŋkrɔŋ nɔkeenɔ lɛ ashwie jeŋmajiaŋbii hu anɔ,

Bɔfoi 11:27

Shi nɛkɛ bei nɛɛ amli lɛ, gbalɔi komɛi jɛ Yerusalɛm ba Antiokia.

Bɔfoi 11:28

Ni amɛteŋ mɔ ko ni atsɛɔ lɛ Agabo lɛ te shi damɔ shi, ni etsɔ̃ɔ yɛ Mumɔ lɛ naa akɛ hɔmɔ waa baaba jeŋ fɛɛ, ni eba mli nakai yɛ Kaisare Klaudio yinɔ.

Bɔfoi 2:16

shi moŋ enɛ ji nɔ ni gbalɔ Yoel wie lɛ akɛ,

Bɔfoi 2:18

Ni asaŋ mitsuji hii kɛ mitsuji yei lɛ anɔ hu mafɔse miMumɔ lɛ eko mashwie yɛ nakai gbii lɛ anɔ, ni amɛaagba.

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Bɔfoi 21:9

Ni eyɛ biyei oblayei ejwɛ ni gbaa.

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

1 Korintobii 12:10

Mɔ ko lɛ hewalɛnii atsumɔ; mɔ ko lɛ gbalɛ; mɔ ko hu mumɔi ashikpamɔ ni akɛnaa mumɔi amligbalamɔi; mɔ ko lɛ wiemɔi srɔtoi awiemɔ; ni mɔ ko hu wiemɔi ashishitsɔ̃ɔmɔ.

1 Korintobii 12:28

Ni klɛŋklɛŋ lɛ, Nyɔŋmɔ wo mɛi komɛi bɔfoi yɛ asafo lɛ mli, nɔ ni ji enyɔ lɛ, gbalɔi, nɔ ni ji etɛ̃ lɛ, tsɔɔlɔi, no sɛɛ lɛ, hewalɛ nitsulɔi, no sɛɛ lɛ, mɛi ni yɔɔ helaiatsamɔ he dromɔ keenii, yelikɛbualɔi, hiɛnyiɛlɔi, mɛi ni wieɔ wiemɔi srɔtoi.

Hebribii 1:2

Shi nɛkɛ bei nɛɛ anaagbee mli lɛ, eBi lɛ naa ekɛ wɔ wie yɛ. Ekɛ lɛ efee nibii fɛɛ yelɔ, ni enɔ hu etsɔ̃ efee je lɛ.

Yakobo 5:3

Nyɛshika kɛ nyɛjwiɛtɛi lɛ edɔ ŋkanale, ni amɛhe ŋkanale lɛ aaaye odase ashi nyɛ, ni eeeye nyɛhewojiaŋ tamɔ lá. Nyɛbɔ jwetri yɛ naagbee gbii lɛ amli.

2 Petro 3:3

Klɛŋklɛŋ lɛ nyɛle enɛ, akɛ naagbee gbii lɛ anɔ lɛ, hefɛoyelɔi aaaba kɛ hefɛoyeli, ni amɛaanyiɛ yɛ amɛ diɛŋtsɛ amɛkɔnɔi lɛ anaa,