Bɔfoi 2:10 - ŊMALƐ KRƆŊKRƆŊ LƐ

¹⁰ Frigia kɛ Pamfilia, Ijipt kɛ Libia niiaŋ yɛ Kirene masɛi kɛ gbɔi ni jɛ Roma, Yudafoi kɛ mɛi ni etsɔ̃mɔ Yudafoi,

Ṅmãle̱ Kroṅkroṅ Le̱

¹⁰ Frigia ke̱ Pamfilia, Mizraim ke̱ Libia niiaṅ ye̱ Kirëne mase̱i, ke̱ gbo̱i ni dše̱ Roma, Iudafoi ke̱ mei ni etšṍmo̱ Iudafoi,

Bɔfoi 2:10 ပူးပေါင်းရင်းမြစ်များ

1 Mose 12:10

Shi hɔmɔ ko ba shikpɔŋ lɛ nɔ; no hewɔ lɛ, Abram yiŋ kɛtee Ijipt koni eyato gbɔ yɛ jɛi, ejaakɛ hɔmɔ lɛ naa wa yɛ shikpɔŋ lɛ nɔ.

Ester 8:17

Anɔkwa shikpɔŋ fɛɛ shikpɔŋ kɛ maŋ fɛɛ maŋ nɔ ni Maŋtsɛ Ahashwerosh shɛɛ kɛ akpɔ lɛ yashɛ lɛ, jɛi Yudafoi lɛ na miishɛɛ, ni amɛnya, ni amɛŋmɛŋmɛɛ okplɔ̃, ni amɛyeyee gbii juji. Shikpɔji anɔ bii lɛ ateŋ mɛi babaoo tsɔ̃mɔ amɛhe Yudafoi tete, ejaakɛ Yudafoi lɛ ahe ŋmiŋmi emɔmɔ amɛ.

Yeremia 46:9

Okpɔŋɔi, nyɛfãa kɛyaa, Ta shwiilii, nyɛwoa foi kɛyaa! Nyɛhãa kãkãlɔi lɛ afã; Etiopiabii kɛ Libiabii ni hiɛɔ tsɛŋi, kɛ Ludiabii ni le gãitsɛ̃mɔ, nyɛfãa.”

Yeremia 9:26

Mibagbala Ijipt kɛ Yuda kɛ Edombii kɛ Amonbii kɛ Moabbii kɛ shiaŋa lɛ nɔ bii ni shɛɔ amɛyitsei ahe lɛ hu atoi, ejaakɛ maji nɛɛ fɛɛ lɛ foolɔi ni, ni Israelbii lɛ hu tsuiŋ foolɔi ji amɛ.”

Ezekiel 30:5

“Akɛ klante baaplene Etiopiabii kɛ Ludbii kɛ Libiabii kɛ Arabbii kɛ Kubbii kɛ shikpɔŋ lɛ nɔ bii fɛɛ hu ni kɛ Ijipt efee ekome lɛ.

Daniel 11:43

Ebaaloo Ijipt shika kɛ jwiɛtɛi kɛ ejwetri fɛɛ kɛya. Ebaaye Libia kɛ Etiopia hu fɛɛ nɔ.

Hosea 11:1

Yehowa kɛɛ, “Israel gbekɛbiashi beebe misumɔ lɛ kɛjɛ; Ijipt tɔ̃ɔ eyɔɔ ni mitsɛ lɛ akɛ mibi.

Zakaria 8:20

Bɔ ni Yehowa, Taiatsɛ lɛ, kɛɛ ekoŋŋ nɛ, “Mɛi aaakã he ajɛ majimaji babaoo anɔ aba.

Zakaria 8:23

Bɔ ni Yehowa, Taiatsɛ lɛ kɛɛ ekoŋŋ nɛ, “Nakai be lɛ mli lɛ mɛi nyɔŋma ni jɛ majimaji ni wieɔ wiemɔi srɔtoi anɔ baamɔ Yudanyo kome atade mli, ni amɛaakɛɛ lɛ akɛ, ‘Ha wɔkɛ bo aya, ejaakɛ wɔnu akɛ Nyɔŋmɔ kɛ nyɛ yɛ.’ ”

Mateo 2:15

Ni ehi shi yɛ jɛi kɛyashi Herode gbo; koni nɔ ni Nuŋtsɔ lɛ wie yɛ gbalɔ lɛ naa lɛ aba mli akɛ, “Ijipt mitsɛ mibi lɛ kɛjɛ.”

Mateo 23:15

“Kpoo hã nyɛ, mlatsɔɔlɔi kɛ Farisifoi, osatofoi! Nyɛbɔleɔ ŋshɔ kɛ shikpɔŋ kpula, koni nyɛfee mɔ kome Yudafonyo; ni be ni mɔ lɛ etsɔ̃ nakai lɛ, nyɛfeɔ lɛ abonsamiiaje bi toi enyɔ fe nyɛ diɛŋtsɛ nyɛhe.

Mateo 27:32

Be ni amɛyaa lɛ; amɛna nuu Kirenenyo ko ni atsɛɔ lɛ Simon, ni amɛnyɛ enɔ ni ewo Yesu sɛŋmɔtso lɛ.

Marko 15:21

Ni asraafoi lɛ nyɛ Simon Kirenenyo ko ni jɛ kosɛɛ ni ji Aleksandro kɛ Rufo tsɛ lɛ nɔ akɛ ewo Yesu sɛŋmɔtso lɛ.

Bɔfoi 11:20

Shi amɛteŋ mɛi komɛi lɛ, Kiprobii kɛ Kirenebii ji amɛ, ni amɛba Antiokia amɛbawie amɛtsɔ̃ɔ Helabii lɛ hu, ni amɛjaje Nuŋtsɔ Yesu he Sanekpakpa lɛ amɛtsɔ̃ɔ amɛ.

Bɔfoi 13:1

Shi gbalɔi kɛ tsɔɔlɔi komɛi yɛ Antiokia asafo lɛ mli, amɛ ji Barnaba kɛ Simeon, mɔ ni atsɛɔ lɛ Niger hu lɛ, kɛ Lukio, Kirenenyo lɛ, kɛ Manahen, mɔ ni alɛ lɛ kɛ lumɔ Herode lɛ kɛ Saul.

Bɔfoi 13:13

Shi be ni Paulo kɛ emɛi lɛ fã kɛjɛ Pafo lɛ, amɛkɛ lɛlɛ ba Perga yɛ Pamfilia; ni Yohane shi amɛ, ni eku esɛɛ kɛtee Yerusalɛm ekoŋŋ.

Bɔfoi 13:43

Ni be ni mɛi ni yɔɔ kpeehe lɛ ekpa lɛ, Yudafoi kɛ mɛi ni sheɔ Nyɔŋmɔ gbeyei ni emɔ Yudafoi lɛ ajamɔ lɛ mli lɛ ateŋ mɛi pii nyiɛ amɛsɛɛ, ni Paulo kɛ Barnaba wie tsɔ̃ɔ amɛ, ni amɛwo amɛ ŋaa akɛ amɛhi Nyɔŋmɔ dromɔ lɛ mli.

Bɔfoi 14:24

Ni amɛfo mli kɛtsɔ̃ Pisidia kɛba Pamfilia.

Bɔfoi 15:38

Shi Paulo lɛ, lɛ lɛ esusu akɛ esaaa akɛ amɛaaŋɔ mɔ ni kpale yɛ amɛsɛɛ yɛ Pamfilia ni ekɛ amɛ eyaaa nitsumɔ lɛ amɛfata amɛhe.

Bɔfoi 16:6

Shi akɛni Mumɔ Krɔŋkrɔŋ lɛ etsi amɛ gbɛ akɛ amɛkawie wiemɔ lɛ amɛtsɔ̃ɔ yɛ Asia hewɔ lɛ, amɛfo mli yɛ Frigia kɛ Galatia shikpɔŋ lɛ nɔ;

Bɔfoi 17:21

Shi Atenebii fɛɛ kɛ gbɔi ni yɔɔ jɛi lɛ, nɔ ni eshwɛ amɛ pɛ ji sane hee ko gbaa kɛ sane toiboo.

Bɔfoi 18:2

Ni eyana Yudafonyo ko ni atsɛɔ lɛ Akwila, ni afɔ lɛ yɛ Ponto, kɛ eŋa Priskila. Akwila jɛ Italia ba etsɛko. Eba ejaakɛ Kaisare Klaudio efã akɛ Yudafoi fɛɛ aje Roma. Ni Paulo tee amɛŋɔɔ;

Bɔfoi 18:23

Ni ehi jɛi fioo, ni no sɛɛ lɛ, eyi mli ekoŋŋ ni eyakpa Galatia kɛ Frigia shikpɔji lɛ anɔ ewo kaselɔi lɛ fɛɛ ahewalɛ.

Bɔfoi 2:11

Kretabii kɛ Arabiabii: wɔmiinu akɛ amɛmiijaje Nyɔŋmɔ nibii wuji lɛ yɛ wɔwiemɔi lɛ amli.”

Bɔfoi 23:11

Shi enɔ nyɔɔŋ lɛ Nuŋtsɔ lɛ badamɔ emasɛi ni ekɛɛ, “Paulo, hã otsui anyɔ omli, ejaakɛ bɔ ni oye mihe odase yɛ Yerusalɛm nɛɛ, ja oyaye odase nakai nɔŋŋ yɛ Roma hu.”

Bɔfoi 27:5

Ni be ni wɔfo Kilikia kɛ Pamfilia ŋshɔ lɛ, wɔbamã Mira yɛ Likia.

Bɔfoi 28:15

Nyɛmimɛi ni yɔɔ jɛi lɛ nu wɔhe, ni amɛbakpee wɔ yɛ Apio jara nɔ kɛ Gbɔiatoohei Etɛ̃ lɛ; ni be ni Paulo na amɛ lɛ, eda Nyɔŋmɔ shi ni etsui nyɔ emli.

Bɔfoi 6:5

Ni wiemɔ lɛ sa asafo muu lɛ fɛɛ hiɛ; ni amɛfamɔ Stefano, nuu ko ni hemɔkɛyeli kɛ Mumɔ Krɔŋkrɔŋ eyi lɛ obɔ̃, kɛ Filipo kɛ Prokoro kɛ Nikanora kɛ Timon kɛ Parmena kɛ Nikolao ni emɔ Yudafoi ajamɔ mli ni ejɛ Antiokia lɛ,

Bɔfoi 6:9

Shi mɛi komɛi ni jɛ kpeehe ni atsɛɔ lɛ “Mɛi ni eye amɛhe” akpeehe lɛ, kɛ Kirenemɛi kɛ Aleksandriamɛi kɛ mɛi ni jɛ Kilikia kɛ Asia lɛ ateŋ mɛi komɛi te shi ni amɛkɛ Stefano taa naa;

Romabii 1:15

No hewɔ lɛ, miishwe akɛ nyɛ mɛi ni nyɛyɔɔ Roma lɛ hu, mabajaje Sanekpakpa lɛ matsɔ̃ɔ nyɛ.

Romabii 1:7

Miiŋma nyɛ mɛi ni Nyɔŋmɔ sumɔɔ ni etsɛ nyɛ ni nyɛ ji mɛi krɔŋkrɔŋi ni yɔɔ Roma lɛ fɛɛ, dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ!

2 Timoteo 1:17

shi be ni eba Roma lɛ, ebɔ mɔdɛŋ etao mi ni ena mi.

Kpojiemɔ 11:8

ni amɛgbohii lɛ aaajwere maŋ kpeteŋkple lɛ blohu lɛ mli, maŋ ni atsɛɔ lɛ yɛ mumɔ mli akɛ Sodom kɛ Ijipt lɛ, he ni asɛŋ amɛNuŋtsɔ lɛ yɛ lɛ.