Bɔfoi 19:9 - ŊMALƐ KRƆŊKRƆŊ LƐ

⁹ Shi be ni mɛi komɛi waje amɛtsui ni amɛbooo toi ni amɛwie tsɔ̃ɔmɔ lɛ he efɔŋ yɛ mɛi lɛ ahiɛ lɛ, eje amɛŋɔɔ ni ejie kaselɔi lɛ hu yɛ amɛteŋ, ni daa gbi lɛ eyawieɔ etsɔ̃ɔ mɛi yɛ mɔ ko ni atsɛɔ lɛ Tirano lɛ nikasemɔhe lɛ.

Ṅmãle̱ Kroṅkroṅ Le̱

⁹ Ši beni meikomei *wadše ame̱tšui ni ame̱boo toi ni ame̱wie †tšõmo̱ le̱ he efõṅ ye̱ asafo le̱ hĩe le̱, edše ame̱ṅõ ni edšie kaselo̱i le̱ hũ ye̱ ame̱teṅ, ni dāne̱ eyawieo̱ etšõo̱ mei ye̱ moko ní atšé̱o̱le̱ Tirano le̱ nikasemo̱he le. *2 Tim. 1,16. †Bo̱f. 9,2.

Bɔfoi 19:9 ပူးပေါင်းရင်းမြစ်များ

2 Maŋtsɛmɛi 17:14

Shi kɛ̃lɛ amɛbooo toi; amɛfee amɛhe kuɛŋtilɔi tamɔ amɛtsɛmɛi ni heee Yehowa amɛNyɔŋmɔ lɛ amɛyeee lɛ.

2 Kronika 30:8

Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

2 Kronika 36:16

Shi Yudabii lɛ, Nyɔŋmɔ bɔfoi lɛ, he fɛo moŋ amɛyeyee, ni amɛgbe amɛwiemɔi lɛ ahe guɔ, ni amɛliɔ gbalɔi lɛ. Amɛfee nɛkɛ aahu kɛyashi beyinɔ ni Yehowa mli fu emaŋ lɛ kɛteke nɔ bɔ ni ehiii he nɔ ko feemɔ dɔŋŋ.

Nehemia 9:29

Obɔ amɛ kɔkɔ koni amɛbɔ̃i omla lɛ nɔyeli ekoŋŋ; shi amɛwo amɛhe, ni amɛbooo okitãi lɛ atoi; amɛfee esha amɛshi omlai lɛ ni kɛji gbɔmɔ ye nɔ ni eyi naa wala lɛ. Amɛtsi amɛhe kɛje ohe; amɛfee amɛhe kuɛŋtilɔi, ni amɛbooo bo toi.

Lalai 95:8

Nyɛkawajea nyɛtsuii tamɔ eba lɛ yɛ Meriba lɛ, tamɔ bɔ ni amɛfee yɛ Masa gbi lɛ nɔ, yɛ ŋa lɛ nɔ lɛ.

Abe̱i 8:34

Ajɔɔ gbɔmɔ ni boɔ mi toi ni ebuɔ migboi lɛ anaa daa ní emɛɔ daa yɛ mishinai lɛ anaa lɛ.

Yesaia 8:14

ni eeetsɔ̃ he krɔŋkrɔŋ ehã nyɛ; eeetsɔ̃ tamɔ tɛ kɛ nanetɔ̃tɔ̃mɔ tɛsaa ehã Israel akutsei enyɔ lɛ fɛɛ, ni eeetsɔ̃ yaa kɛ tsɔne hu ehã Yerusalɛmbii lɛ.

Yeremia 19:15

“Bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, ‘Naa, efɔŋ fɛɛ ni mito miyiŋ akɛ mibafee maŋ nɛɛ kɛ ehe majimaji lɛ, mibafee amɛ kɛ̃, ejaakɛ amɛfee amɛhe kuɛŋtilɔi, ni amɛbooo miwiemɔ toi.’ ”

Yeremia 7:26

shi fɛɛ sɛɛ lɛ amɛbooo mi toi, ni amɛyeee migbee nɔ; shi moŋ amɛfee amɛhe kuɛŋtilɔi, ni amɛfee nifɔɔjianii fe amɛtsɛmɛi lɛ tete.

Mateo 15:14

Nyɛkadia amɛsɛɛ! Shwilafoi ni tsɔ̃ɔ shwilafoi agbɛ ji amɛ; ni kɛ shwilafo miitsɔ̃ɔ shwilafo gbɛ lɛ, amɛyi enyɔ lɛ fɛɛ amɛaagbee bu mli.”

Mateo 16:4

Yinɔbii fɔ̃ji kɛ gbãlãfitelɔi miitao okadi, shi ahaŋ amɛ okadi ko, akɛ ja gbalɔ Yona okadi lɛ.” Ni eshi amɛ eyiŋ etee.

Mateo 26:55

No ŋmɛlɛtswaa lɛ nɔ nɔŋŋ lɛ Yesu kɛɛ asafoi lɛ akɛ, “Mimɔmɔ nyɛba kɛ klante kɛ kpotii, tamɔ amɔɔ ojotswalɔ ko nɛɛ? Mitaa Sɔlemɔ we lɛ daa mitsɔ̃ɔ nii, ni nyɛmɔɔɔ mi.

Yohane 12:40

“Eshwila amɛhiŋmɛii, ni ekpliŋ amɛtsui; koni amɛkana kɛ amɛhiŋmɛii, ni amɛna naa kɛ amɛtsui, ni amɛku amɛsɛɛ ni mitsa amɛ.”

Bɔfoi 11:26

Ni eba mli akɛ amɛkɛ asafo lɛ hi shi afi naakplɔ, ni amɛtsɔ̃ɔ mɛi babaoo anii, ni Antiokia klɛŋklɛŋ awo kaselɔi lɛ agbɛi yɛ akɛ Kristofoi.

Bɔfoi 14:4

Shi maŋ lɛ mli bii lɛ amli gba enyɔ, fã fata Yudafoi lɛ ahe, ni fã hu fata bɔfoi lɛ ahe.

Bɔfoi 17:4

Ni amɛteŋ mɛi komɛi he ye, ni amɛkɛ amɛhe kpɛtɛ Paulo kɛ Sila he; nakai nɔŋŋ Helabii Nyɔŋmɔ gbeyeishelɔi lɛ ateŋ mɛi babaoo kɛ yei hiɛnaanɔbii lɛ hu pii fee.

Bɔfoi 19:23

Shi nakai be lɛ mli nɔŋŋ lɛ sakasakafeemɔ ko ni bate shi yɛ tsɔ̃ɔmɔ lɛ hewɔ lɛ ejeee shwɛmɔ.

Bɔfoi 19:30

Shi be ni Paulo tao akɛ eya mɛi lɛ ateŋ lɛ, kaselɔi lɛ ekpɛlɛ̃ɛɛ lɛ;

Bɔfoi 20:31

No hewɔ lɛ, nyɛsaraa, ni nyɛkaia akɛ afii etɛ̃ sɔŋŋ mikɛ yaafonui efɔ̃ɔɔ nyɛteŋ mɔ fɛɛ mɔ kɔkɔbɔɔ nyɔɔŋ kɛ shwane lɛ.

Bɔfoi 22:4

ni miwaa nɛkɛ tsɔ̃ɔmɔ nɛɛ yi kɛyashiɔ gbele mli, ni mifimɔ̃ɔ hii kɛ yei fɛɛ mihãa ni ayawoɔ amɛ tsuŋ,

Bɔfoi 24:21

akɛ ja nɛkɛ wiemɔ kome ni be ni midamɔ amɛteŋ ni mibo akɛ, ‘Gbohiiashitee hewɔ nyɛkojoɔ mi ŋmɛnɛ gbi nɛɛ’ lɛ kɛkɛ.”

Bɔfoi 28:22

Shi wɔmiisumɔ akɛ wɔle ojwɛŋmɔ, ejaakɛ nɛkɛ kuu nɛɛ wɔle akɛ he fɛɛ he lɛ awieɔ ashiɔ.”

Bɔfoi 7:51

“Nyɛ kuɛŋtilɔi kɛ tsuiiaŋ kɛ toiiaŋ foolɔi! Nyɛ lɛ, daa nɛɛ nyɛkuɔ Mumɔ Krɔŋkrɔŋ lɛ naa; bɔ ni nyɛtsɛmɛi lɛ fee lɛ, nakai nyɛ hu nyɛfeɔ.

Bɔfoi 9:2

ni eyabi lɛ woji ni ekɛya Damasko kpeehei lɛ, bɔ ni afee ni kɛji ena mɛi komɛi ni hiɛ nɛkɛ tsɔ̃ɔmɔ nɛɛ mli lɛ, hii jio, yei jio, ni efimɔ amɛ ni ekpala amɛ kɛba Yerusalɛm.

Romabii 11:7

Belɛ te tɛŋŋ? Nɔ ni Israel taoɔ lɛ enine shɛɛɛ nɔ; shi mɛi ni ahala lɛ anine shɛ nɔ, ni mɛi ni eshwɛ lɛ, awaje amɛtsui,

Romabii 9:18

Belɛ no hewɔ lɛ, mɔ ni esumɔɔ akɛ ena lɛ mɔbɔ lɛ, enaa lɛ mɔbɔ, ni kɛ eesumɔ akɛ ewaje mɔ ko tsui lɛ, ewajeɔ.

1 Korintobii 16:9

Agbele shinaa kpeteŋkple ahã mi kɛhã nitsumɔ ni baawo yibii, shi mɛi ni kuɔ naa lɛ ayi fa.

1 Timoteo 6:5

yakayaka blɔmɔi — enɛɛmɛi fɛɛ lɛ mɛi ateŋ ni anaa yɛ ji gbɔmɛi ni amɛjwɛŋmɔ efite ni ashɔ̃ anɔkwale lɛ yɛ amɛdɛŋ ni amɛsusuɔ akɛ Nyɔŋmɔjamɔ ji ninamɔ lɛ.

2 Timoteo 1:15

Ole enɛ akɛ mɛi ni yɔɔ Asia lɛ fɛɛ kpa yɛ misɛɛ; amɛteŋ mɛi komɛi ji Figelo kɛ Hermogene.

2 Timoteo 3:5

mɛi ni hiɛ Nyɔŋmɔjamɔ kpo nɔ gbɛ su lɛ mli, shi amɛkwa emli hewalɛ lɛ. Tsi ohe kɛjɛ nɛkɛ gbɔmɛi ahe.

2 Timoteo 4:2

Shiɛmɔ wiemɔ lɛ, kã he, be ni hi jio, be ni ehiii jio, kã hiɛ, wo ŋaa, tsɔ̃ɔmɔ nii kɛ tsuishitoo fɛɛ.

Hebribii 3:13

Shi moŋ nyɛwiea nyɛtsɔ̃tsɔ̃ɔa nyɛhe gbi fɛɛ gbi ni atsɛɔ lɛ “ŋmɛnɛ” lɛ, koni esha lakamɔ akahã nyɛteŋ mɔ ko tsui kpliŋ.

2 Petro 2:12

Shi nɛkɛ gbɔmɛi nɛɛ tamɔ kooloi ni bɛ jwɛŋmɔ ni afɔ amɛ ahã mɔmɔ kɛ gbee lɛ, amɛwieɔ nii ni amɛleee he nɔ ko lɛ he efɔŋ, ni amɛkɛ amɛ diɛŋtsɛ amɛhiɛkpãtãmɔ lɛ aaakpãtã amɛhiɛ,

2 Petro 2:2

Ni mɛi pii aaanyiɛ amɛnyɛnyɛntswibɔɔ lɛ sɛɛ, ni amɛhewɔ lɛ aaawie anɔkwale gbɛ lɛ he musubɔɔ wiemɔi.

Yuda 1:10

Shi mɛnɛɛmɛi lɛ, amɛ lɛ nii fɛɛ ni amɛleee lɛ amɛyeɔ he osheku, shi nii ni amɛle yɛ amɛfɔmɔ su lɛ naa tamɔ kooloi ni bɛ jwɛŋmɔ lɛ, nomɛi nɔŋŋ amɛkɛfiteɔ amɛhe.