Bɔfoi 19:8 - ŊMALƐ KRƆŊKRƆŊ LƐ

⁸ Ni Paulo tee kpeehe lɛ, ni eyawie kɛ ekãa, ni etsɔ̃ɔ amɛ nii kɛ mɔdɛŋbɔɔ nyɔji etɛ̃ sɔŋŋ ni amɛhe Nyɔŋmɔ maŋtsɛyeli lɛ he sane lɛ amɛye.

Ṅmãle̱ Kroṅkroṅ Le̱

⁸ Ši ete kpēhe le̱, eyawie ekã nā, ni nyõdši etẽ so̱ṅṅ etšõame̱ nii ni emã Nyoṅmo̱ maṅtše̱yeli le̱ he sãdši le̱ ano̱ mĩ́.

Bɔfoi 19:8 ပူးပေါင်းရင်းမြစ်များ

Bɔfoi 1:3

Emanehulu lɛ sɛɛ lɛ, etsɔ̃ odaseyeli nibii pii anɔ ejie ehe kpo etsɔ̃ɔ bɔfoi nɛɛ akɛ ehiɛ kã, ni ehã amɛna lɛ gbii nyɔŋmai ejwɛ sɔŋŋ, ni ekɛ amɛ wie Nyɔŋmɔ maŋtsɛyeli lɛ he.

Bɔfoi 13:14

Shi amɛ lɛ amɛfo mli kɛjɛ Perga kɛtee Antiokia ni yɔɔ Pisidia lɛ, ni amɛtee kpeehe lɛ yɛ hejɔɔmɔ gbi lɛ nɔ, ni amɛyatara shi.

Bɔfoi 13:46

Ni Paulo kɛ Barnaba wie kɛ ekãa amɛkɛɛ, “Kulɛ nyɛ tsutsu esa akɛ ajaje Nyɔŋmɔ wiemɔ lɛ atsɔ̃ɔ; shi akɛni nyɛŋwã wiemɔ lɛ ni nyɛbuuu nyɛhe akɛ nyɛsa naanɔ wala lɛ hewɔ lɛ, naa, wɔdɔ wɔyi kɛmiiya jeŋmajiaŋbii lɛ aŋɔɔ.

Bɔfoi 14:1

Yɛ Ikonium nɛɛ hu Paulo kɛ Barnaba tee Yudafoi lɛ akpeehe lɛ ni amɛyawie amɛtsɔ̃ɔ amɛ bɔ ni ehã Yudafoi lɛ kɛ Helabii lɛ ateŋ mɛi babaoo he ye.

Bɔfoi 17:17

No hewɔ lɛ, ekɛ Yudafoi ni yɔɔ kpeehe lɛ kɛ Helafoi Nyɔŋmɔ gbeyeishelɔi lɛ kɛ mɛi ni kɛ lɛ kpeɔ daa gbi yɛ jara lɛ nɔ lɛ yiyii.

Bɔfoi 18:19

Ni amɛba Efeso, ni ekɛ amɛ gbala mli yɛ jɛi. Ni etee kpeehe lɛ, ni ekɛ Yudafoi lɛ yayiyii.

Bɔfoi 18:26

Ni ebɔ̃i wiemɔ kɛ ekãa yɛ kpeehe lɛ. Shi be ni Akwila kɛ Priskila nu ehe lɛ, amɛŋɔ lɛ kɛba amɛŋɔɔ, ni amɛtsɔ̃ɔ lɛ Nyɔŋmɔ gbɛ lɛ fitsofitso.

Bɔfoi 18:4

Shi daa Hejɔɔmɔ gbi lɛ, Paulo yawieɔ etsɔ̃ɔ mɛi yɛ kpeehe lɛ, ni ebɔɔ mɔdɛŋ akɛ etsake Yudafoi kɛ Helabii lɛ.

Bɔfoi 19:10

Ehiɛ nakai feemɔ aahu afii enyɔ sɔŋŋ, ni mɛi fɛɛ ni yɔɔ Asia lɛ, Yudafoi kɛ Helabii lɛ fɛɛ, nu Nuŋtsɔ Yesu wiemɔ lɛ.

Bɔfoi 19:7

Shi hii lɛ fɛɛ aaafee nyɔŋma kɛ enyɔ.

Bɔfoi 19:9

Shi be ni mɛi komɛi waje amɛtsui ni amɛbooo toi ni amɛwie tsɔ̃ɔmɔ lɛ he efɔŋ yɛ mɛi lɛ ahiɛ lɛ, eje amɛŋɔɔ ni ejie kaselɔi lɛ hu yɛ amɛteŋ, ni daa gbi lɛ eyawieɔ etsɔ̃ɔ mɛi yɛ mɔ ko ni atsɛɔ lɛ Tirano lɛ nikasemɔhe lɛ.

Bɔfoi 20:31

No hewɔ lɛ, nyɛsaraa, ni nyɛkaia akɛ afii etɛ̃ sɔŋŋ mikɛ yaafonui efɔ̃ɔɔ nyɛteŋ mɔ fɛɛ mɔ kɔkɔbɔɔ nyɔɔŋ kɛ shwane lɛ.

Bɔfoi 28:23

Ni be ni amɛto lɛ gbi lɛ, amɛteŋ mɛi pii ba eŋɔɔ yɛ etoohe lɛ, ni kɛjɛ leebi kɛyashi gbɛkɛ lɛ, ejaje Nyɔŋmɔ maŋtsɛyeli lɛ he sane etsɔ̃ɔ amɛ, ni eye he odase faŋŋ, ni ejɛ Mose Mla lɛ kɛ gbalɔi lɛ amli etao ni amɛyiŋ atsɔ̃ kɛba Yesu gbɛfaŋ.

Yuda 1:3

Suɔmɔmɛi, be ni misaa mihe kɛ mɔdɛŋbɔɔ diɛŋtsɛ akɛ maŋma nyɛ yɛ wɔ fɛɛ wɔyiwalaheremɔ lɛ he sane he lɛ, mina akɛ ehe ehia akɛ maŋma ni mikɛwo nyɛ ekãa, koni nyɛpele hemɔkɛyeli ni atu awo krɔŋkrɔŋbii lɛ adɛŋ shi kome lɛ he.