Bɔfoi 19:34 - ŊMALƐ KRƆŊKRƆŊ LƐ

³⁴ Shi be ni amɛyoo akɛ Yudanyo ji lɛ lɛ, amɛ fɛɛ amɛkɛ gbee kome bolɔ aaafee ŋmɛlɛtswai enyɔ sɔŋŋ akɛ, “Efesobii Artemi lɛ kekenam ni!”

Ṅmãle̱ Kroṅkroṅ Le̱

³⁴ Ši beni ame̱yo ake̱ Iudanyo dšile̱ le̱, ame̱fẽ ame̱ke̱ gbē kome blo̱ aafe ṅmle̱tſāi enyo̱ so̱ṅṅ ake̱: Efesobii Artemi le̱ kekenam ni!

Bɔfoi 19:34 ပူးပေါင်းရင်းမြစ်များ

Bɔfoi 19:28

Be ni ŋaalɔi lɛ nu enɛ lɛ, amɛmli wo la pam, ni amɛbolɔ amɛkɛɛ, “Efesobii Artemi lɛ kekenam ni!”

Kpojiemɔ 13:4

ni amɛja drako lɛ, ejaakɛ ekɛ hegbɛ lɛ ehã kooloo lɛ, ni amɛja kooloo lɛ hu amɛkɛɛ, “Namɔ tamɔ kooloo lɛ, ni namɔ aaanyɛ ekɛ lɛ awu?”

Bɔfoi 16:20

ni be ni amɛkpala amɛ kɛtee asafoiatsɛmɛi lɛ ahiɛ lɛ, amɛkɛɛ, “Nɛkɛ gbɔmɛi nɛɛ ni ji Yudafoi lɛ ewo wɔmaŋ lɛ mli hirihiri,

Mateo 6:7

“Shi kɛji nyɛmiisɔle lɛ, nyɛkawiea trilii tamɔ jeŋmajiaŋbii lɛ; shi amɛsusuɔ akɛ amɛwiemɔ babaoo lɛ hewɔ aaabo amɛ toi.

Romabii 2:22

okɛɔ akɛ akafite gbãlã, shi ofiteɔ gbãlã; ohiɔ amãgãi, shi ojuɔ Sɔlemɔ we lɛ nii.

Bɔfoi 19:26

Ni nyɛsaa nyɛmiina ni nyɛmiinu akɛ jeee Efeso nɛɛ kɛkɛ, shi moŋ shwɛ fioo ni Asia fɛɛ lɛ, Paulo nɛɛ ehã mɛi babaoo ayiŋ etsɔ̃, ni ekpale amɛ; ekɛɔ akɛ nii ni akɛ niji fee lɛ jeee nyɔŋmɔi ni.

1 Maŋtsɛmɛi 18:26

No hewɔ lɛ, Baal gbalɔi lɛ mɔ tsinanuu ni akɛhã amɛ lɛ, ni amɛsaa, ni amɛsɔle kɛ blɔmɔ amɛtsɛ Baal kɛjɛ leebileebi aahu kɛyashi shwane fintiŋŋ amɛkɛɛ, “Baal, heremɔ wɔ nɔ!” Amɛtumɔ kɛbɔle afɔleshãa latɛ lɛ ni amɛmã lɛ, shi anuuu gbee ko lɛ, nɔheremɔ ko hu jɛɛɛ he ko baaa.

Bɔfoi 19:24

Ejaakɛ jwiɛtɛiŋaalɔ ko ni atsɛɔ lɛ Demetrio lɛ kɛ jwiɛtɛi feɔ Artemi Sɔlemɔtsui ni hãa ŋaalɔi lɛ naa nitsumɔ pii.

Bɔfoi 19:33

Akɛni Yudafoi lɛ tsirɛ Aleksandro yisɛɛ kɛba hiɛgbɛ hewɔ lɛ, mɛi pii susu akɛ lɛ ejɛ ni basabasa lɛ ba. Shi Aleksandro fɔ̃ enine eetao akɛ ejieɔ enaa etsɔ̃ɔ mɛi lɛ.

Bɔfoi 19:35

Ni be ni maŋ woloŋmalɔ lɛ ekpãtã mɛi lɛ, ekɛɛ, “Ataamɛi Efesobii, mɛɛ gbɔmɔ po leee akɛ Artemi kekenam lɛ kɛ amãgã ni kpeleke shi kɛjɛ Dio ŋɔɔ lɛ Efesobii amaŋ nɛɛŋ ewulɔmɔ yɔɔ?