Bɔfoi 18:7 - ŊMALƐ KRƆŊKRƆŊ LƐ

⁷ Kɛkɛ ni eje jɛi ni etee Nyɔŋmɔ jalɔ ko ni atsɛɔ lɛ Titio Yusto ni eshĩa kpɛtɛ kpeehe lɛ ŋɔɔ.

Ṅmãle̱ Kroṅkroṅ Le̱

⁷ Ke̱ke̱ ni edše dše̱i ni ete Nyoṅmo̱ dšálo̱ ko ní atšé̱o̱le̱ Titio Iusto ní ešĩa kpe̱te̱ kpēhe le̱ ṅõ.

Bɔfoi 18:7 ပူးပေါင်းရင်းမြစ်များ

Yohane 9:31

Wɔle akɛ Nyɔŋmɔ booo eshafeelɔi atoi; shi kɛji mɔ ko sheɔ lɛ gbeyei ni efeɔ esuɔmɔnaanii lɛ, eboɔ lɛ toi.

Bɔfoi 10:2

Nyɔŋmɔ jalɔ ni, ni ekɛ ewe lɛ fɛɛ sheɔ Nyɔŋmɔ gbeyei, ni efeɔ maŋbii lɛ ejurɔ pii, ni ekpaa Nyɔŋmɔ fai daa.

Bɔfoi 10:22

Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

Bɔfoi 13:42

Shi be ni amɛje kpeehe lɛ, mɛi lɛ kpa amɛ fai akɛ amɛbajaje nɛkɛ wiemɔi nɛɛ amɛtsɔ̃ɔ amɛ ekoŋŋ yɛ hejɔɔmɔ gbi ni nyiɛ no sɛɛ lɛ nɔ.

Bɔfoi 13:43

Ni be ni mɛi ni yɔɔ kpeehe lɛ ekpa lɛ, Yudafoi kɛ mɛi ni sheɔ Nyɔŋmɔ gbeyei ni emɔ Yudafoi lɛ ajamɔ lɛ mli lɛ ateŋ mɛi pii nyiɛ amɛsɛɛ, ni Paulo kɛ Barnaba wie tsɔ̃ɔ amɛ, ni amɛwo amɛ ŋaa akɛ amɛhi Nyɔŋmɔ dromɔ lɛ mli.

Bɔfoi 13:50

Shi Yudafoi lɛ wowoo yei Nyɔŋmɔ gbeyeishelɔi ni abuɔ amɛ lɛ kɛ maŋ lɛ mli hiɛnaanɔbii lɛ ayiŋ, ni amɛbɔ̃i Paulo kɛ Barnaba yiwaa ni amɛshwie amɛ kɛjɛ amɛkpokpai lɛ anɔ.

Bɔfoi 16:14

Ni yoo ko ni atsɛɔ lɛ Lidia ni ji kɔɔjaŋhɔ̃ɔlɔ ko ni jɛ Tiatira maŋ lɛ mli ni sheɔ Nyɔŋmɔ gbeyei lɛ hu nu; lɛ Nuŋtsɔ lɛ gbele etsui naa akɛ ebo nii ni Paulo wieɔ lɛ toi.

Bɔfoi 17:4

Ni amɛteŋ mɛi komɛi he ye, ni amɛkɛ amɛhe kpɛtɛ Paulo kɛ Sila he; nakai nɔŋŋ Helabii Nyɔŋmɔ gbeyeishelɔi lɛ ateŋ mɛi babaoo kɛ yei hiɛnaanɔbii lɛ hu pii fee.

Kolosebii 4:11

Yoshua ni atsɛɔ lɛ Yusto lɛ, ni ji mɛi ni jɛ ketiafolɔi lɛ ateŋ lɛ, miibi nyɛ. Mɛnɛɛmɛi pɛ ji minanemɛi nitsulɔi yɛ Nyɔŋmɔ maŋtsɛyeli lɛ gbɛfaŋ ni etsɔ̃mɔ tsuiwoo ehã mi.