Bɔfoi 18:6 - ŊMALƐ KRƆŊKRƆŊ LƐ

⁶ Shi akɛni amɛkuɔ enaa ni amɛwieɔ musubɔɔ wiemɔi hewɔ lɛ, ekpala ehe eshwie amɛnɔ ni ekɛɛ amɛ akɛ, “Nyɛlá abua nyɛyiteŋ; mi lɛ sɔ̃ ko wulaaa mi. Kɛjɛ be nɛ nɔ kɛyaa nɛɛ, matee jeŋmajiaŋbii lɛ aŋɔɔ.”

Ṅmãle̱ Kroṅkroṅ Le̱

⁶ Ši ake̱-ní ame̱kũo̱ enā ni ame̱wieo̱ musubō̱-wiemo̱i hewo̱ le̱, *ekpokpo etadei le̱ amli ni ekē̱ame̱ ake̱: Nyelá abua nyeyiteṅ; mi le̱ sõ ko wulaami, †ke̱-dše̱ be ne̱ no̱ ke̱-yaä ne̱ mate dšeṅmãdšiaṅbii le̱ aṅõ. *13,51. †20,26.

Bɔfoi 18:6 ပူးပေါင်းရင်းမြစ်များ

2 Samuel 1:16

Ni etswa oblanyo lɛ nɔ, ni egbo. Kɛkɛ ni David kɛɛ, “Oyi sɔ̃ atere bo diɛŋtsɛ, ejaakɛ bo diɛŋtsɛ onaabu eye odase eshi bo, ejaakɛ okɛɛ, ‘Migbe mɔ ni Yehowa efɔ lɛ mu lɛ.’ ”

1 Maŋtsɛmɛi 2:33

Amɛlá abua Yoab kɛ eshwiei ayiteŋ kɛya naanɔ; shi Yehowa ajɔɔ David we lɛ, eshwiei kɛ emaŋtsɛ sɛi lɛ kɛya naanɔ!”

Nehemia 5:13

Asaŋ mitswa mimlifiinɔ lɛ mli, ni mikɛɛ, “Mɔ fɛɛ mɔ ni yeee nɛkɛ shiwoo nɛɛ nɔ lɛ, bɔ ni Nyɔŋmɔ aaatswa emli kɛjie lɛ kɛjɛ ewe kɛ enitsumɔ mli nɛ; bɔ nɔŋŋ ni aaatswa emli ni afee lɛ shwɛm nɛ.” Asafo muu lɛ fɛɛ here nɔ amɛkɛɛ, “Amen!” Ni amɛ jie Yehowa yi. Maŋ lɛ ye amɛshiwoo nɛɛ nɔ.

Ezekiel 18:13

Efaa shika ni eheɔ hekpa fe nine. Aso nɛkɛ gbɔmɔ yi aaana wala? Eyi naŋ wala. Akɛni efee nɛkɛ musubɔɔnii nɛɛ fɛɛ eko hewɔ lɛ gbo kɛ̃ eeegbo; ela aaabua lɛ diɛŋtsɛ eyiteŋ.

Ezekiel 33:4

no lɛ mɔ fɛɛ mɔ ni aaanu tɛtɛrɛmantɛrɛ lɛ gbɛɛmɔ ni ebooo adafitswaa lɛ toi lɛ, kɛji ta lɛ banina lɛ, ni etsɔ̃ mli egbo lɛ, elá abua lɛ diɛŋtsɛ eyiteŋ.

Ezekiel 33:6

Shi kɛji bulɔ lɛ na ta lɛ miiba, ni ekpãaa tɛtɛrɛmantɛrɛ lɛ, ni etswaaa maŋ lɛ adafi, ni ta lɛ ba ni mɔ ko tsɔ̃ mli egbo lɛ, no lɛ, mɔ ni gbo lɛ, egbo yɛ enishaianii ahewɔ moŋ nɛ, shi mabi elá shi yɛ bulɔ lɛ dɛŋ.

3 Mose 20:9

“Mɔ fɛɛ mɔ ni lomɔɔ etsɛ loo enyɛ lɛ, agbe lɛ. Etsɛ kɛ enyɛ elomɔ lɛ; esɔ̃ atere lɛ.

Mateo 10:14

Ni kɛji mɔ ko hereee nyɛ, ni ebooo nyɛwiemɔi lɛ atoi lɛ, kɛ nyɛmiije nakai shĩa lɛ loo nakai maŋ lɛ mli lɛ, nyɛkpokpoa nyɛnajiashi mlu lɛ.

Mateo 21:41

Amɛkɛɛ lɛ akɛ, “Eeekpãtã gbɔmɛi fɔ̃ji nɛɛ ahiɛ butuu, ni ekɛ waintrom lɛ aaahã hulɔi krokomɛi apaayeli, mɛi ni kɛ yibii aaabahã lɛ yɛ be ni sa mli.”

Mateo 21:43

No hewɔ lɛ, miikɛɛ nyɛ akɛ abaashɔ̃ Nyɔŋmɔ Maŋtsɛyeli lɛ yɛ nyɛdɛŋ, ni akɛaahã jeŋmaŋ ko ni woɔ yibii. [

Mateo 22:10

Ni tsuji lɛ je kpo tee gbɛi lɛ anɔ, ni amɛyabua mɛi fɛɛ ni amɛna lɛ anaa, mɛi fɔ̃ji kɛ mɛi kpakpai, ni yookpeemɔ he lɛ yi tɔ kɛ mɛi.

Mateo 27:25

Ni maŋ lɛ fɛɛ here nɔ amɛkɛɛ, “Elá aba wɔ kɛ wɔbii anɔ!”

Mateo 8:11

Shi miikɛɛ nyɛ akɛ mɛi pii aaajɛ bokã kɛ anai aba, ni amɛkɛ Abraham kɛ Isak kɛ Yakob aaabatara okplɔ̃ he yɛ ŋwɛi maŋtsɛyeli lɛ mli.

Luka 22:65

Ni amɛwie nibii krokomɛi pii amɛkɛbɔ musu amɛshi lɛ.

Luka 9:5

He fɛɛ he ni mɛi lɛ hereee nyɛ yɛ lɛ, kɛ nyɛmiije nakai maŋ lɛ mli lɛ, nyɛkpokpoa nyɛnajiashi mlu lɛ nyɛkɛyea odase nyɛshia amɛ.”

Bɔfoi 13:51

Shi amɛ lɛ amɛkpokpo amɛnajiashi mlu amɛshwie amɛnɔ, ni amɛyiŋ kɛtee Ikonium.

Bɔfoi 26:11

ni mifɔɔ amɛ yiwaa yɛ kpeehei lɛ fɛɛ, ni minyɛɔ amɛnɔ akɛ amɛwie musubɔɔ wiemɔi, ni miye amɛhe sɛkɛ ko ni wa, ni miwaa amɛyi kɛyaa majiasɛɛ.”

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Bɔfoi 28:28

“No hewɔ lɛ, nyɛnaa nyɛlea akɛ, atsu akɛ Nyɔŋmɔ yiwalaheremɔ lɛ eyahã jeŋmaji lɛ, ni amɛ lɛ amɛaabo toi hu.” [

Romabii 3:29

Aloo Nyɔŋmɔ lɛ Yudafoi kɛkɛ aNyɔŋmɔ ni? Ani jeee jeŋmaji lɛ hu aNyɔŋmɔ ni? Hɛɛ, jeŋmaji lɛ hu aNyɔŋmɔ

1 Timoteo 5:22

Kɛ oniji akashwie mɔ ko nɔ oya, ni asaŋ kaafata mɛi krokomɛi ahe kɛfee esha. Too ohe krɔŋŋ.

2 Timoteo 2:25

mɔ ni kɛ mlijɔlɛ wieɔ tsɔ̃ɔ mɛi ni kuɔ enaa, akɛ aleenɔ Nyɔŋmɔ ahã amɛ tsuitsakemɔ ni amɛle anɔkwale lɛ.

1 Petro 4:14

Kɛ Kristo gbɛi hewɔ ajɛɔ nyɛ lɛ, ajɔɔ nyɛ, ejaakɛ anunyam Mumɔ kɛ Nyɔŋmɔ mumɔ lɛ yɛ nyɛnɔ.

1 Petro 4:4

Ni agbɛnɛ ni nyɛhe etswaaa shi nyɛkɛ amɛ eyaaa nɛkɛ shihilɛ gbonyo nɛɛ nɔŋŋ mli hewɔ lɛ, efeɔ amɛ naakpɛɛ ni amɛwieɔ nyɛhe musubɔɔ wiemɔi.