Bɔfoi 18:5 - ŊMALƐ KRƆŊKRƆŊ LƐ

⁵ Shi be ni Sila kɛ Timoteo jɛ Makedonia ba lɛ, Paulo hiɛ dɔ yɛ wiemɔ lɛ he ni eye odase veveeve etsɔ̃ɔ Yudafoi lɛ akɛ Yesu ji Kristo lɛ.

Ṅmãle̱ Kroṅkroṅ Le̱

⁵ Ši beni *Sila ke̱ Timoteo dše̱ Makedonia ba le̱, wiemo̱ le̱ ta Paulo mli ni eye odase vevēve etšõ Iudafoi le̱ ake̱ Iesu dši Kristo le̱. *17,14. 15.

Bɔfoi 18:5 ပူးပေါင်းရင်းမြစ်များ

Yeremia 20:9

Kɛji mikɛɛ akɛ, “Mitsiŋ Yehowa tã, ni miwieŋ yɛ egbɛi mli dɔŋŋ lɛ,” minuɔ he yɛ mitsuiŋ akɛ nɔ ko miitso tamɔ la ni atsi naa awo miwui amli. La nɛɛ naatsii etɔ mi, ni minyɛɛɛ dɔŋŋ.

Yeremia 6:11

Hewɔ lɛ mi hu mimli ewo la naakpa tamɔ Yehowa nɔŋŋ; ni mlila lɛ naatsii etɔ mi.” Kɛkɛ ni Yehowa kɛɛ akɛ, “Fɔsemɔ mimlila lɛ oshwie gbekɛbii ni yɔɔ blohuiaŋ kɛ oblahii akui lɛ hu fɛɛ anɔ. Abaamɔmɔ nuu kɛ eŋa fɛɛ kɛya, ni hiimeji kɛ mɛi ni egbɔlɔ kotokoto hu abaamɔmɔ amɛ.

Ezekiel 3:14

Yehowa hewalɛ lɛ ba minɔ, ni ewo mi kɛtee. Mitee kɛ mlila ni naawa naakpa.

Mika 3:8

Shi mi lɛ, Yehowa kɛ emumɔ kɛ ehewalɛ lɛ woɔ mimli obɔ̃, ni ehãa mileɔ nɔ ni ji jalɛ, ni ehãa mi ekãa ni akɛkɛɔ Israelbii lɛ nɔ ni hi kɛ nɔ ni ji eshai ni amɛfeɔ lɛ.

Luka 12:50

Shi miyɛ baptisimɔ ko ni akɛbaabaptisi mi, ni kwɛ bɔ ni mihe hiaa mi kɛyashi beyinɔ ni aaagbe naa!

Luka 16:28

ejaakɛ miyɛ nyɛmimɛi enumɔ, bɔ ni afee ni eyaye odase kɛbɔ amɛ kɔkɔ koni amɛ hu amɛkaba piŋmɔhe nɛɛ.’

Yohane 1:41

Lɛ eyana lɛ diɛŋtsɛ enyɛmi Simon tsutsu, ni ekɛɛ lɛ akɛ, “Wɔna Mesia (ni eshishi ji Kristo,) loo (mɔ ni afɔ lɛ mu) lɛ.”

Yohane 10:24

Kɛkɛ ni Yudafoi lɛ babɔle ehe, ni amɛkɛɛ lɛ akɛ, “Mɛɛ beyinɔ nɔŋŋ ooohã wɔyiŋ afee wɔ kɔshikɔshi kɛyashi? Kɛ bo ji Kristo lɛ, kɛɛmɔ wɔ faŋŋ.”

Yohane 15:27

ni nyɛ hu nyɛaaye odase, ejaakɛ nyɛkɛ mi yɔɔ kɛjɛ shishijee.”

Yohane 3:28

Nyɛ diɛŋtsɛ nyɛmiiye mi odase akɛ mikɛɛ akɛ, jeee mi ji Kristo lɛ, shi moŋ atsu mi kɛtsɔ̃ ehiɛ.

Bɔfoi 10:42

Ni ewo wɔ kitã akɛ wɔshiɛ wɔtsɔ̃ɔ maŋ lɛ ni wɔye odase akɛ lɛ ji mɔ ni Nyɔŋmɔ efã akɛ hiɛkãalɔi kɛ gbohii fɛɛ akojolɔ lɛ.

Bɔfoi 15:22

Kɛkɛ ni esa bɔfoi lɛ kɛ onukpai lɛ kɛ asafo muu lɛ fɛɛ hiɛ akɛ amɛaafãmɔ hii komɛi yɛ amɛ diɛŋtsɛ amɛteŋ, ni atsu amɛ kɛ Paulo kɛ Barnaba kɛya Antiokia. Hii nɛɛ ji Yuda, mɔ ni atsɛɔ lɛ Barsaba hu lɛ, kɛ Sila; gbɔmɛi nɛɛ ji hiɛnaanɔbii yɛ nyɛmimɛi lɛ ateŋ.

Bɔfoi 16:1

Kɛkɛ ni Paulo ba Derbe kɛ Listra. Kaselɔ ko yɛ jɛi ni atsɛɔ lɛ Timoteo; enyɛ lɛ Yudayoo ko ni ehe wiemɔ lɛ eye ni, shi etsɛ lɛ Helanyo ni.

Bɔfoi 16:12

Wɔjɛ jɛi lɛ, wɔtee Filipi ni ji Makedonia shikpɔŋ lɛ nɔ maŋ wulu kɛ Romabii ashimɔmɔhe lɛ. Ni wɔhi nɛkɛ maŋ nɛɛ mli gbii kplaŋŋ.

Bɔfoi 16:9

Ni nyɔɔŋ lɛ Paulo na yɛ ninaa mli akɛ nuu Makedonianyo ko damɔ shi miikpa lɛ fai akɛ, “Ba Makedonia ni obaye obua wɔ!”

Bɔfoi 17:3

ni etsɔ̃ɔ mli ni ekɛ ŋmalɛi lɛ amli saji tsɔ̃ɔ naa akɛ ja Kristo lɛ na amanehulu ni ete shi kɛjɛ gbohii ateŋ; ni esaa ekɛɛ, “Yesu nɛɛ, mɔ he sane ni mijajeɔ mitsɔ̃ɔ nyɛ lɛ, lɛ ji Kristo lɛ.”

Bɔfoi 18:28

Ejaakɛ ekɛ hewalɛ ku Yudafoi lɛ anaa yɛ maŋ hiɛ ni ekɛ ŋmalɛi lɛ tsɔ̃ɔ amɛ faŋŋ akɛ Yesu ji Kristo lɛ.

Bɔfoi 2:36

“No hewɔ lɛ, Israel we lɛ fɛɛ ale krɛdɛɛ akɛ Nyɔŋmɔ eŋɔ nɛkɛ Yesu ni nyɛsɛŋ lɛ nɛɛ efee Nuŋtsɔ kɛ Kristo fɛɛ.”

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 20:23

akɛ ja nɔ ni Mumɔ Krɔŋkrɔŋ lɛ yeɔ odase faŋŋ yɛ maŋ fɛɛ maŋ nɔ ekɛɔ akɛ tsuŋwoo kɛ amanehului mɛɔ mi lɛ.

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Bɔfoi 4:20

Ejaakɛ wɔ lɛ wɔnyɛŋ akɛ ja wɔwie nii ni wɔna kɛ nii ni wɔnu lɛ.”

Bɔfoi 9:22

Shi Saul lɛ, ena hewalɛ babaoo, ni ehã Yudafoi ni yɔɔ Damasko lɛ anaa tã, ejaakɛ etsɔ̃ɔ amɛ faŋŋ akɛ mɔ nɛ ji Kristo lɛ.

2 Korintobii 1:19

Ejaakɛ Nyɔŋmɔ Bi Yesu Kristo mɔ ni mikɛ Silvano kɛ Timoteo shiɛ ehe sane yɛ nyɛteŋ lɛ, ejeee “hɛɛ” kɛ “dabi” fɛɛ shi kome, shi moŋ eji “hɛɛ”.

2 Korintobii 11:9

Ni be ni mikɛ nyɛ yɔɔ ni efi mi tete lɛ, mifeee jatsu mihãaa mɔ ko mɔ ko, ejaakɛ nii ni hia mi lɛ, nyɛmimɛi ni jɛ Makedonia ba lɛ hã shɛ midɛŋ, ni mile mihenɔkwɛmɔ yɛ nɔ fɛɛ nɔ mli, ni masaa male mihenɔkwɛmɔ, koni mikatsɔ̃ jatsu mihã nyɛ.

2 Korintobii 5:14

Ejaakɛ Kristo suɔmɔ lɛ nyɛɔ wɔnɔ, ni wɔkojoɔ nɛkɛ akɛ, kɛ mɔ kome gbo mɛi fɛɛ ayigbele lɛ, belɛ mɛi lɛ fɛɛ egboi.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

1 Tesalonikabii 3:2

ni wɔtsu Timoteo ni ji wɔnyɛmi kɛ Nyɔŋmɔ sɔ̃ɔlɔ kɛ wɔnaanyo nitsulɔ yɛ Kristo Sanekpakpa lɛ mli lɛ. Wɔtsu lɛ ni ebawo nyɛ hewalɛ ni eshɛje nyɛmii yɛ nyɛhemɔkɛyeli lɛ gbɛfaŋ,

1 Tesalonikabii 3:6

Shi agbɛnɛ ni Timoteo jɛ nyɛŋɔɔ ba wɔŋɔɔ ni ebagba wɔ nyɛhemɔkɛyeli lɛ kɛ nyɛsuɔmɔ lɛ he sane kɛ kaimɔ kpakpa ni nyɛkɛkaiɔ wɔ daa lɛ kɛ nyɛshwee ni nyɛshweɔ akɛ nyɛaana wɔ tamɔ bɔ ni wɔ hu wɔshweɔ ni wɔna nyɛ lɛ

1 Petro 5:12

Mitsɔ̃ wɔnyɛmi Silvano ni ji anɔkwafo tamɔ bɔ ni mibuɔ lɛ lɛ nɔ miŋma nyɛ wolo fioo nɛɛ mikɛmiiwo nyɛ ekãa, ni mikɛmiiye odase miishi sɛɛ akɛ enɛ ji Nyɔŋmɔ anɔkwa dromɔ lɛ. Nyɛdamɔa shi shiŋŋ yɛ mli.