Bɔfoi 18:23 - ŊMALƐ KRƆŊKRƆŊ LƐ

²³ Ni ehi jɛi fioo, ni no sɛɛ lɛ, eyi mli ekoŋŋ ni eyakpa Galatia kɛ Frigia shikpɔji lɛ anɔ ewo kaselɔi lɛ fɛɛ ahewalɛ.

Ṅmãle̱ Kroṅkroṅ Le̱

²³ Ni ehĩ dše̱i fiō, ni no se̱ le̱ eyi mli ekoṅ ni eyakpa Galatia ke̱ Frigia šikpõdši le̱ ano̱ pepē̱pe̱ ewo kaselo̱i le̱ fẽ hewale̱.

Bɔfoi 18:23 ပူးပေါင်းရင်းမြစ်များ

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 16:6

Shi akɛni Mumɔ Krɔŋkrɔŋ lɛ etsi amɛ gbɛ akɛ amɛkawie wiemɔ lɛ amɛtsɔ̃ɔ yɛ Asia hewɔ lɛ, amɛfo mli yɛ Frigia kɛ Galatia shikpɔŋ lɛ nɔ;

Bɔfoi 15:41

Ni etsɔ̃ Siria kɛ Kilikia eyawo asafoi lɛ ahewalɛ.

Bɔfoi 15:32

Shi Yuda kɛ Sila lɛ, akɛni amɛ diɛŋtsɛ hu gbalɔi ji amɛ hewɔ lɛ, amɛwie saŋŋ kɛshɛje nyɛmimɛi lɛ amii ni amɛkɛwo amɛ hewalɛ.

1 Tesalonikabii 5:14

Ni wɔmiikpa nyɛ fai, anyɛmimɛi, nyɛwiea nyɛtsɔ̃a hejɔ̃lɔi lɛ, nyɛwoa gbeyelɔi lɛ ekãa; nyɛwaa mɛi ni yɔɔ gbedee lɛ; nyɛtoa nyɛtsui shi nyɛhãa mɛi fɛɛ.

Galatabii 4:14

ni nɔ ni ji naatsɔ̃ɔmɔ hã nyɛ yɛ mli lɛ, nyɛgbeee he guɔ ni asaŋ nyɛnyaŋeee; shi moŋ nyɛhere mi tamɔ Nyɔŋmɔ bɔfo, tamɔ Kristo Yesu diɛŋtsɛ.

1 Korintobii 16:1

Shi nɔ ni kɔɔ onia ni atsuɔ ayahã hetselɔi lɛ he lɛ, tamɔ bɔ ni mito mihã Galatia asafoi lɛ, nyɛ hu nyɛfea nakai.

1 Tesalonikabii 4:18

No hewɔ lɛ, nyɛkɛ wiemɔi nɛɛ ashɛjeshɛjea nyɛhe mii.

1 Tesalonikabii 3:2

ni wɔtsu Timoteo ni ji wɔnyɛmi kɛ Nyɔŋmɔ sɔ̃ɔlɔ kɛ wɔnaanyo nitsulɔ yɛ Kristo Sanekpakpa lɛ mli lɛ. Wɔtsu lɛ ni ebawo nyɛ hewalɛ ni eshɛje nyɛmii yɛ nyɛhemɔkɛyeli lɛ gbɛfaŋ,

Galatabii 1:2

kɛ nyɛmimɛi ni mi yɔɔ lɛ fɛɛ ŋma wolo nɛɛ yahã Galatia asafoi lɛ.

Bɔfoi 16:40

Shi be ni amɛje tsu lɛ mli lɛ, amɛtee Lidia we lɛ mli. Amɛna nyɛmimɛi lɛ, ni amɛshɛje amɛmii, ni amɛyiŋ amɛtee.

Luka 22:43

Ni bɔfo ko jɛ ŋwɛi bajie ehe kpo etsɔ̃ɔ lɛ, ni ebawo lɛ hewalɛ.

Luka 22:32

Shi mi lɛ mikpa fai miha bo, koni ohemɔkɛyeli akatã; ni bo hu, kɛ okpale lɛ, wo onyɛmimɛi lɛ hewalɛ.”

Daniel 11:1

“Maŋtsɛ Dario, Medianyo lɛ, klɛŋklɛŋ afi lɛ mli lɛ, mi hu midamɔ shi, ni mifi Mikael sɛɛ kɛwo lɛ hewalɛ.

Ezra 1:6

Mɛi ni kɛ amɛ je shwieka lɛ fɛɛ wa amɛ kɛ jwiɛtɛi okpolui pɛmpɛbii kɛ shika kɛ nibiinibii kɛ kooloi kɛ nibii ni jara wa; ni asaŋ amɛhã nikeenii yɛ tsuijurɔ naa.

5 Mose 3:28

Wo Yoshua kitã; ni owo lɛ ekãa kɛ hewalɛ fɛɛ ejaakɛ lɛ ebaanyiɛ maŋbii lɛ ahiɛ kɛya kɛyaŋɔ shikpɔŋ lɛ ni obaana lɛ.’

Luka 1:3

Teofilo jurɔ, esa mihiɛ akɛ mi hu ni mitao nibii fɛɛ mli fitsofitso kɛjɛ shishijee lɛ, maŋma pɛpɛɛpɛ maha bo

Bɔfoi 2:10

Frigia kɛ Pamfilia, Ijipt kɛ Libia niiaŋ yɛ Kirene masɛi kɛ gbɔi ni jɛ Roma, Yudafoi kɛ mɛi ni etsɔ̃mɔ Yudafoi,

Bɔfoi 19:1

Be ni Apolo yɔɔ Korinto lɛ, Paulo yakpa gɔŋ nɔ maji lɛ anɔ kɛbaje Efeso. Ni ebana kaselɔi komɛi,

Galatabii 1:9

Tamɔ bɔ ni wɔkɛɛ momo lɛ, nakai nɔŋŋ mikɛɔ ekoŋŋ akɛ, “Kɛ mɔ ko bajaje Sanekpakpa kroko etsɔ̃ɔ nyɛ yɛ nɔ ni nyɛmɔ mli nɛɛ sɛɛ lɛ, ebɔ musu!”