Bɔfoi 18:18 - ŊMALƐ KRƆŊKRƆŊ LƐ

¹⁸ Be ni Paulo ehi jɛi gbii kplaŋŋ sɛɛ lɛ, ekɛ nyɛmimɛi lɛ ye shɛɛ, ni ebote lɛlɛ mli kɛmiiya Siria; ni Priskila kɛ Akwila kɛ lɛ tee ni eyashɛ eyi yɛ Kenkrea, ejaakɛ ewo shi.

Ṅmãle̱ Kroṅkroṅ Le̱

¹⁸ Ni beni Paulo ehĩ dše̱i gbĩĩ kplaṅṅ se̱ le̱, eše̱ nyemimei le̱, ni ebote le̱le̱ mli ke̱-mīya Siria; ni Priskila ke̱ Akwila ke̱le̱ te; ni *eyaše̱ eyi ye̱ Kenkrea, edšake̱ ewo ši. *21,24. 4 Mose 6,9. 18.

Bɔfoi 18:18 ပူးပေါင်းရင်းမြစ်များ

4 Mose 6:18

Nazirnyo lɛ ashɛ eyiteŋ tsɔi ni eto kɛjɛ be ni ejɔɔ ehe nɔ ehã Yehowa yɛ Kpee Buu lɛ shinaa lɛ shi lɛ, koni eloo eyitsɔi lɛ ewo la ni yɔɔ toiŋjɔlɛ afɔle lɛ shishi lɛ mli.

4 Mose 6:2

“Kɛɛmɔ Israelbii lɛ akɛ, ‘nuu fɛɛ nuu loo yoo fɛɛ yoo ni eje gbɛ ewo shi akɛ eeefee ehe Nazirnyo, ni no hewɔ lɛ, ejɔɔ ehe nɔ kwraa ehã Yehowa lɛ,

Mateo 4:24

Ni ehe sane gbɛ shwã Siria fɛɛ, ni akɛ mɛi fɛɛ ni bɛ hewalɛ ni helai kɛ piŋmɔi srɔtoi hiɛ amɛ kɛ mɛi ni mumɔi fɔ̃ji yɔɔ amɛmli kɛ mɛi ni yeɔ gbligbli kɛ mɛi ni yeɔ kuumɔhela ba eŋɔɔ, ni etsa amɛ.

Marko 6:46

Ni be ni ewo amɛ gbɛ lɛ, eyiŋ etee gɔŋ lɛ nɔ ni eyasɔle.

Bɔfoi 1:15

Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ,

Bɔfoi 15:23

Ni amɛŋma wolo amɛhã amɛ akɛ, “Bɔfoi lɛ kɛ onukpai lɛ kɛ nyɛmimɛi lɛ miibi nyɛmimɛi ni jɛ jeŋmaji lɛ ateŋ ni yɔɔ Antiokia kɛ Siria kɛ Kilikia lɛ jogbaŋŋ.

Bɔfoi 15:41

Ni etsɔ̃ Siria kɛ Kilikia eyawo asafoi lɛ ahewalɛ.

Bɔfoi 18:2

Ni eyana Yudafonyo ko ni atsɛɔ lɛ Akwila, ni afɔ lɛ yɛ Ponto, kɛ eŋa Priskila. Akwila jɛ Italia ba etsɛko. Eba ejaakɛ Kaisare Klaudio efã akɛ Yudafoi fɛɛ aje Roma. Ni Paulo tee amɛŋɔɔ;

Bɔfoi 18:26

Ni ebɔ̃i wiemɔ kɛ ekãa yɛ kpeehe lɛ. Shi be ni Akwila kɛ Priskila nu ehe lɛ, amɛŋɔ lɛ kɛba amɛŋɔɔ, ni amɛtsɔ̃ɔ lɛ Nyɔŋmɔ gbɛ lɛ fitsofitso.

Bɔfoi 18:27

Agbɛnɛ etao akɛ eya Akaia, hewɔ lɛ nyɛmimɛi lɛ ŋma wolo amɛkɛwo kaselɔi lɛ aŋaa ni amɛhere lɛ atuu. Ni be ni eba jɛi lɛ, ewa mɛi ni etsɔ̃ dromɔ lɛ nɔ ehe eye lɛ babaoo.

Bɔfoi 21:23

No hewɔ lɛ, feemɔ nɔ ni wɔkɛɔ bo nɛɛ. Wɔyɛ hii ejwɛ ni ewo shi.

Bɔfoi 21:24

Ŋɔɔ amɛ ni okɛ amɛ fɛɛ ayatsuu nyɛhe, ni owo nɔ ni ahãa lɛ ohã amɛ, koni amɛshɛ amɛyi, ni mɛi lɛ fɛɛ baana akɛ saji ni abagbaa yɛ ohe lɛ eko eko bɛ mli, shi moŋ bo diɛŋtsɛ tete obaa ojeŋ yɛ Mla lɛ naa, ni oyeɔ nɔ.

Bɔfoi 21:3

Shi be ni Kipro tua wɔhiɛ lɛ, wɔtswa lɛ wɔfɔ̃ abɛku ni wɔba Siria, ni wɔbakpeleke yɛ Tiro; ejaakɛ jɛi abaajie lɛlɛ lɛ mli nii yɛ.

Romabii 16:1

Miijie wɔnyɛmi yoo Foibe ni ji Kenkrea asafo lɛ sɔ̃ɔlɔ lɛ yi mahã nyɛ,

1 Korintobii 9:20

Yudafoi lɛ, mitsɔ̃ tamɔ Yudanyo mihã amɛ, bɔ ni afee ni minine ashɛ Yudafoi anɔ; mɛi ni yɔɔ Mla shishi lɛ, mitsɔ̃ tamɔ mɔ ko ni yɔɔ Mla shishi mihã amɛ, tsɛ mi diɛŋtsɛ mibɛ Mla shishi, bɔ ni afee ni minine ashɛ mɛi ni yɔɔ Mla shishi lɛ anɔ.

Galatabii 1:21

No sɛɛ lɛ, miba Siria kɛ Kilikia niiaŋ.