Bɔfoi 17:5 - ŊMALƐ KRƆŊKRƆŊ LƐ

⁵ Shi efee Yudafoi krokomɛi lɛ atãŋ, ni amɛyakpala niiahetswialɔi lɛ ateŋ hii fɔ̃ji komɛi amɛfata amɛhe, ni be ni amɛfee asafo yuu lɛ, amɛwo maŋ lɛ mli hirihiri; ni amɛyatua Yason we lɛ amɛmiitao akɛ amɛkpala Paulo kɛ Sila amɛyahã maŋ lɛ.

Ṅmãle̱ Kroṅkroṅ Le̱

⁵ Ši efe Iudafoi krokomei le̱ atãṅ, ni ame̱yakpla niiahetſialo̱i le̱ ateṅ hĩĩ fõdši komei ame̱fata ame̱he, ni beni amefe asafo yū le̱, ame̱wo mã le̱ṅ hirihiri; ni ame̱yatua Iason we le̱ ame̱mītao ake̱ ame̱ kplaame̱ ame̱yahã maṅ le̱.

Bɔfoi 17:5 ပူးပေါင်းရင်းမြစ်များ

Lalai 35:15

Shi mi lɛ, kɛ mitɛ lɛ, amɛbuaa amɛhe naa kɛ miishɛɛ; amɛbuaa amɛhe naa amɛwoɔ mi; niiahetswialɔi ni mileee amɛ lɛ, kpaaa miheguɔ gbee.

Lalai 69:12

Nɔyelɔi kɛ kojolɔi yɛ koishi, tãa mihe sane ni dãatɔlɔi tete foɔ mihe lala.

Abe̱i 14:30

Toiŋjɔlɛ hãa gbɔmɔtso naa hewalɛ; shi awuŋayeli woɔ wuiaŋ hela.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Mateo 27:18

Ejaakɛ ele akɛ hetsɛ̃ naa amɛkɛ lɛ hã.

Bɔfoi 13:45

Shi be ni Yudafoi lɛ na asafoi lɛ, awuŋayeli yi amɛ obɔ̃, ni amɛkɛ musubɔɔ wiemɔi wie shi nii ni Paulo wieɔ lɛ.

Bɔfoi 14:19

Shi Yudafoi komɛi jɛ Antiokia kɛ Ikonium ba jɛi bawo asafoi lɛ ayiŋ, ni amɛtswia Paulo tɛi, ni amɛgbala lɛ kɛjɛ maŋ lɛ mli ejaakɛ amɛsusu akɛ egbo.

Bɔfoi 14:2

Shi Yudafoi ni heee wiemɔ lɛ yeee lɛ wo jeŋmajiaŋbii lɛ ayiŋ koni amɛte shi amɛwo nyɛmimɛi lɛ.

Bɔfoi 17:13

Shi be ni Yudafoi ni yɔɔ Tesalonika lɛ nu akɛ Paulo eyajaje Nyɔŋmɔ wiemɔ lɛ yɛ Beroia hu lɛ, amɛba jɛi hu ni amɛbawo mɛi lɛ ayiŋ ni amɛhã amɛ jijaa.

Bɔfoi 17:6

Shi be ni amɛnaaa amɛ lɛ, amɛkpala Yason kɛ nyɛmimɛi lɛ ateŋ mɛi komɛi kɛtee maŋ lɛ onukpai lɛ ahiɛ ni amɛbolɔ akɛ, “Mɛnɛɛmɛi ni amɛtsɔ̃ jeŋ hiɛ ebu shi lɛ eba biɛ nɛɛ hu,

Bɔfoi 17:7

ni Yason ehere amɛ yɛ eshĩa; ni amɛ fɛɛ amɛkuɔ Kaisare mla lɛ nɔ, ni amɛkɛɔ akɛ maŋtsɛ kroko yɛ ni ji Yesu ko.”

Bɔfoi 17:9

Ni be ni amɛhe sɛɛdaamɔnii yɛ Yason kɛ mɛi krokomɛi lɛ adɛŋ lɛ, amɛŋmɛɛ amɛhe.

Bɔfoi 18:12

Shi be ni Galio yeɔ amralo yɛ Akaia lɛ, Yudafoi lɛ kɛ jwɛŋmɔ kome te shi wo Paulo, ni amɛkpala lɛ kɛtee kojomɔ sɛ̃i lɛ hiɛ,

Bɔfoi 19:40

Ejaakɛ kɛ wɔkwɛɛɛ ni ahi lɛ, abaafolɔ wɔnaa yɛ ŋmɛnɛ gbi nɛɛ basabasafeemɔ lɛ hewɔ, ni wɔbɛ sane ko ni wɔɔnyɛ wɔkɛjie wɔnaa yɛ hoofeemɔ nɛɛ he.”

Bɔfoi 7:9

Ni blematsɛmɛi lɛ kɛ hiɛkɔ̃ɔ hɔ̃ɔ Yosef kɛtee Ijipt, shi Nyɔŋmɔ kɛ lɛ yɛ,

Romabii 16:21

Minaanyo nitsulɔ Timoteo kɛ miwekumɛi Lukio kɛ Yason kɛ Sosipatre miibi nyɛ.

1 Korintobii 3:3

ejaakɛ helooŋ gbɔmɛi ji nyɛ lolo. Shi gbii abɔ ni awuŋayeli kɛ bei yɔɔ nyɛteŋ lolo lɛ, ani jeee helooŋ gbɔmɛi ji nyɛ ni gbɔmɛi ajeŋba nyɛbaa lɛ?

2 Korintobii 11:26

Mifã gbɛ kpitiokpitio kɛ emli osharãi yɛ fai ahiɛ, emli osharãi yɛ ojotswalɔi adɛŋ, emli osharãi yɛ mijakubii adɛŋ, emli osharãi yɛ jeŋmajiaŋbii adɛŋ, emli osharãi yɛ maŋ, emli osharãi yɛ ŋa nɔ, emli osharãi yɛ ŋshɔ hiɛ, emli osharãi yɛ nyɛmimɛi shiwodudui lɛ ateŋ.

Galatabii 5:21

hiɛkɔ̃ɔ, dãatɔɔ, dãanumɔ mli basabasafeemɔ kɛ nii ni tamɔ enɛɛmɛi, nii ni miikɛɛ nyɛ mato, tamɔ bɔ ni mikɛɛ nyɛ momo lɛ, akɛ mɛi ni feɔ nɛkɛ nii nɛɛ lɛ, amɛnine shɛŋ Nyɔŋmɔ maŋtsɛyeli lɛ nɔ.

Galatabii 5:26

Wɔkatao yaka anunyam ni wɔwowoo wɔhe mlila ni wɔhiɛ kɔ̃ wɔnanemɛi anɔ.

1 Tesalonikabii 1:6

Ni nyɛ lɛ, nyɛtsɔ̃mɔ mɛi ni kaseɔ wɔ kɛ Nuŋtsɔ lɛ, akɛni nyɛkɛ Mumɔ Krɔŋkrɔŋ mli miishɛɛ mɔ wiemɔ lɛ mli yɛ amanehulu babaoo mli lɛ.

Yakobo 4:5

Aloo nyɛsusuɔ akɛ yaka ni ŋmalɛ lɛ kɛɔ akɛ, “Hiɛkɔ̃ɔ sɛɛ mumɔ ni hiɔ wɔmli lɛ diɔ lɛ?”

Kojolɔi 9:4

Amɛŋɔ jwiɛtɛi kukuji nyɔŋmai kpawo kɛjɛ Baal-Berit we lɛ amɛhã lɛ. Abimelek kɛ shika nɛɛ bɔ yakayaka gbɔmɛi yibulɔi apaa koni amɛnyiɛ esɛɛ.