Bɔfoi 17:30 - ŊMALƐ KRƆŊKRƆŊ LƐ

³⁰ No hewɔ lɛ, bei ni aleee lɛ Nyɔŋmɔ eku ehiɛ efɔ̃ nɔ, shi agbɛnɛ lɛ eewo gbɔmɛi fɛɛ ni yɔɔ he fɛɛ he kitã akɛ amɛtsake amɛtsui,

Ṅmãle̱ Kroṅkroṅ Le̱

³⁰ Nohewo̱ le̱, *bei ní alee le̱ Nyoṅmo̱ ekũ ehĩe efõ no̱, ši agbe̱ne̱ le̱ †ēwo gbomei fẽ ní yo̱ hefẽhe le̱ kitã ake̱ ame̱tšake ame̱tšai, *14,16. †Luk. 24,47.

Bɔfoi 17:30 ပူးပေါင်းရင်းမြစ်များ

Lalai 50:21

Enɛɛmɛi ofee, shi akɛni mifee dioo hewɔ lɛ, osusuɔ akɛ mitamɔ bo nɔŋŋ. Shi agbɛnɛ lɛ, miikã ohiɛ, ni mikɛmiimamɔ ohiɛ faŋŋ.

Yesaia 21:12

Kɛkɛ ni bulɔ lɛ kɛɛ akɛ, “Je miitsɛre shi moŋ je baana ekoŋŋ. Kɛji nɔ ko otaoɔ obi lɛ, bi! Kuu osɛɛ ni obabi!”

Mateo 20:7

Amɛkɛɛ lɛ akɛ, ‘Akɛni mɔ ko ebɔko wɔ apaa lɛ hewɔŋ.’ Ekɛɛ amɛ akɛ, ‘Nyɛ hu nyɛyaa waintrom lɛ mli.’

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 4:17

Kɛjɛ no nɔ lɛ Yesu bɔ̃i shiɛmɔ ni ekɛɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ!”

Marko 1:15

Ekɛɛ, “Be lɛ eshɛ; Nyɔŋmɔ Maŋtsɛyeli lɛ enina nyɛ! Nyɛtsakea nyɛtsui, ni nyɛhea Sanekpakpa lɛ nyɛyea.”

Marko 6:12

Ni amɛyiŋ amɛtee, ni amɛyashiɛ amɛtsɔ̃ɔ mɛi akɛ amɛtsake amɛtsui.

Luka 13:5

Miikɛɛ nyɛ akɛ ebɛ mli nakai, shi moŋ, kɛ nyɛtsakeee nyɛtsui lɛ, nyɛ fɛɛ nyɛhiɛ baakpãtã nakai nɔŋŋ.”

Luka 15:10

Nakai nɔŋŋ, miikɛɛ nyɛ akɛ, Nyɔŋmɔ bɔfoi lɛ naa miishɛɛ yɛ eshafeelɔ kome ni tsakeɔ etsui lɛ hewɔ.”

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Bɔfoi 11:18

Shi be ni amɛnu wiemɔi nɛɛ lɛ, amɛmua amɛnaa, ni amɛwo Nyɔŋmɔ hiɛ nyam moŋ amɛkɛɛ, “Belɛ jeŋmaji lɛ hu Nyɔŋmɔ ehã amɛ tsuitsakemɔ ni akɛhere amɛyiwala!”

Bɔfoi 14:16

Yinɔi ni eho lɛ amli lɛ ehã jeŋmaji lɛ fɛɛ nyiɛ amɛ diɛŋtsɛ amɛgbɛi lɛ anɔ,

Bɔfoi 17:23

Ejaakɛ be ni mihoɔ ni mikwɛ nii ni nyɛjaa lɛ, mina afɔleshãa latɛ ko hu ni aŋma yɛ nɔ akɛ, ‘Nyɔŋmɔ ni aleee lɛ nɔŋ.’ No hewɔ lɛ, mɔ ni nyɛleee lɛ ni kɛ̃ lɛ nyɛjaa lɛ lɛ, lɛ nɔŋŋ ehe sane mijajeɔ mitsɔ̃ɔ nyɛ nɛɛ.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

Romabii 3:23

ejaakɛ mɛi fɛɛ efee esha, ni Nyɔŋmɔ anunyam lɛ ebɔ amɛ,

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

2 Korintobii 7:10

Ejaakɛ dɔlɛ ni sa Nyɔŋmɔ hiɛ lɛ tsɛɔ tsuitsakemɔ kɛbaa, tsuitsakemɔ ni kɛ mɔ yaa yiwalaheremɔ ni ashwaaa he yɛ he lɛ mli; shi je nɛɛ mli dɔlɛ lɛ tsɛɔ gbele.

1 Petro 4:3

Ejaakɛ be ni eho momo lɛ mli lɛ, nyɛna be bɔ ni sa nyɛkɛtsu jeŋmajiaŋbii atsui naanii lɛ, ni nyɛba nyɛjeŋ yɛ nyɛnyɛŋtswibɔɔ, akɔnɔi, dãanumɔ mli basabasafeemɔ, ninumɔ kɛ wɔŋjamɔ ni ahiɔ lɛ amli.