Bɔfoi 17:2 - ŊMALƐ KRƆŊKRƆŊ LƐ

² Ni Paulo tee amɛŋɔɔ tamɔ bɔ ni efɔɔ feemɔ lɛ, ni ekɛ amɛ yayiyii yɛ ŋmalɛi lɛ ahe hejɔɔmɔ gbii etɛ̃ sɔŋŋ,

Ṅmãle̱ Kroṅkroṅ Le̱

² Ni Paulo te ame̱ṅõ tamo̱ bo̱ni efo̱ö̱ femo̱ le̱, ni eke̱ame̱ yayiyi ye̱ ṅmãle̱i le̱ ahe hedšō̱mo̱gbĩĩ etẽ so̱ṅṅ,

Bɔfoi 17:2 ပူးပေါင်းရင်းမြစ်များ

Yesaia 1:18

Yehowa kɛɛ akɛ, “Nyɛbaa agbɛnɛ; nyɛhãa wɔtaoa naa. Kɛji nyɛhe eshai lɛ tsuɔ tamɔ lá tete po, amɛbaayɛ futaa tamɔ snoo; ni kɛji amɛtsuɔ fɔɔ tamɔ kɔɔjaŋ po, amɛbaatsɔ̃ tamɔ too he tsɔ̃i yɛŋ.

Mateo 26:24

Gbɔmɔ Bi lɛ miiya tamɔ bɔ ni aŋma yɛ ehe lɛ moŋ; shi kpoo hã mɔ ni tsɔ̃ɔ Gbɔmɔ Bi lɛ sɛɛgbɛ lɛ; faŋ nɔ ni anaaa afɔ nakai gbɔmɔ lɛ.”

Luka 4:16

Ni Yesu ba Nazaret, he ni alɛ lɛ yɛ lɛ, ni tamɔ bɔ ni efɔɔ feemɔ lɛ, etee kpeehe lɛ yɛ hejɔɔmɔ gbi lɛ nɔ, ni ete shi koni ekane Ŋmalɛ Krɔŋkrɔŋ lɛ.

Yohane 18:20

Yesu here lɛ nɔ akɛ, “Faŋŋ miwie mitsɔ̃ɔ je lɛ. Daa nɛɛ mitsɔ̃ɔ nii yɛ kpeehei lɛ kɛ Sɔlemɔ we lɛ, he ni Yudafoi lɛ fɛɛ kpeɔ yɛ lɛ, ni miwieee nɔ ko nɔ ko yɛ dujiaŋ.

Bɔfoi 13:14

Shi amɛ lɛ amɛfo mli kɛjɛ Perga kɛtee Antiokia ni yɔɔ Pisidia lɛ, ni amɛtee kpeehe lɛ yɛ hejɔɔmɔ gbi lɛ nɔ, ni amɛyatara shi.

Bɔfoi 13:5

Ni be ni amɛshɛ Salami lɛ, amɛjaje Nyɔŋmɔ wiemɔ lɛ yɛ Yudafoi lɛ akpeehei lɛ. Amɛkɛ Yohane hu nyiɛ akɛ amɛsɔ̃ɔlɔ.

Bɔfoi 14:1

Yɛ Ikonium nɛɛ hu Paulo kɛ Barnaba tee Yudafoi lɛ akpeehe lɛ ni amɛyawie amɛtsɔ̃ɔ amɛ bɔ ni ehã Yudafoi lɛ kɛ Helabii lɛ ateŋ mɛi babaoo he ye.

Bɔfoi 17:10

Ni amrɔ̃ lɛ nyɛmimɛi lɛ jie Paulo kɛ Sila gbɛ nyɔɔŋ kɛtee Beroia. Ni be ni amɛshɛ jɛi lɛ, amɛyabote Yudafoi lɛ akpeehe lɛ mli.

Bɔfoi 17:17

No hewɔ lɛ, ekɛ Yudafoi ni yɔɔ kpeehe lɛ kɛ Helafoi Nyɔŋmɔ gbeyeishelɔi lɛ kɛ mɛi ni kɛ lɛ kpeɔ daa gbi yɛ jara lɛ nɔ lɛ yiyii.

Bɔfoi 18:4

Shi daa Hejɔɔmɔ gbi lɛ, Paulo yawieɔ etsɔ̃ɔ mɛi yɛ kpeehe lɛ, ni ebɔɔ mɔdɛŋ akɛ etsake Yudafoi kɛ Helabii lɛ.

Bɔfoi 19:8

Ni Paulo tee kpeehe lɛ, ni eyawie kɛ ekãa, ni etsɔ̃ɔ amɛ nii kɛ mɔdɛŋbɔɔ nyɔji etɛ̃ sɔŋŋ ni amɛhe Nyɔŋmɔ maŋtsɛyeli lɛ he sane lɛ amɛye.

Bɔfoi 24:25

Shi be ni ewieɔ jalɛ kɛ henɔkwɛmɔ kɛ kojomɔ ni baaba lɛ he lɛ, Felike she gbeyei pam, ni ekɛɛ lɛ akɛ, “Agbɛnɛ yaa fɛɛ da; shi kɛ mina mihe dekã jiŋŋ, matsɛ bo ekoŋŋ.”

Bɔfoi 28:23

Ni be ni amɛto lɛ gbi lɛ, amɛteŋ mɛi pii ba eŋɔɔ yɛ etoohe lɛ, ni kɛjɛ leebi kɛyashi gbɛkɛ lɛ, ejaje Nyɔŋmɔ maŋtsɛyeli lɛ he sane etsɔ̃ɔ amɛ, ni eye he odase faŋŋ, ni ejɛ Mose Mla lɛ kɛ gbalɔi lɛ amli etao ni amɛyiŋ atsɔ̃ kɛba Yesu gbɛfaŋ.

Bɔfoi 8:35

Ni Filipo gbele enaa ni eje shishi kɛjɛ ŋmalɛ nɛɛ nɔ, ni ejaje Yesu he Sanekpakpa lɛ etsɔ̃ɔ lɛ.

Bɔfoi 9:20

Ni amrɔ lɛ nɔŋŋ eshiɛ yɛ kpeehei lɛ akɛ Yesu ji Nyɔŋmɔ Bi lɛ.

1 Korintobii 15:3

Ejaakɛ saji ni he hiaa fe fɛɛ ni akɛhã mi ni mi hu mikɛhã nyɛ lɛ ji akɛ Kristo gbo yɛ wɔhe eshai lɛ ahewɔ yɛ ŋmalɛi lɛ anaa;

1 Samuel 12:7

No hewɔ lɛ, agbɛnɛ nyɛdamɔa shi nyɛmɛa koni mi kɛ nyɛ akojoa yɛ Yehowa hiɛ, yɛ nibii fɛɛ ni ekɛhere nyɛ kɛ nyɛtsɛmɛi lɛ ahewɔ.